حي الله الجميع اعضاء منتدى حراج

السلام عليكم ورحمة الله وبركاته
مساء الياسمين على جميع الاعضاء ويامرحبا مليوووون
وش اخباركم ان شاءالله تكونون في احسن حال دوم
مانطول عليكم اليوم جايبلكم موضوعين بالصور تستاهلون كل شي جديد
من غلاكم عندي جبتلكم هالموضوعين وان شاءالله تنال على حسن اعجابكم
بسم الله نبدأ::::
طبعا قبل مابدأ حبيت اوضحلكم شي
الصورة الاولى لكبوت موتري الكامري 2009
فية عضوو معنا هنا الله يذكرة بالخير
يقول الكوامري الامريكيه والسعوديه كلها مصنوعه في استراليا
وتصنع بمصنع واحد
عشان كذا صورت الكبوت من جوا وموضح فيه ان الموتر مصنوع في كندا
وليس له علاقة باستراليا وليس له اي علاقة بالكامري السعودي
ويرحم والديك الاثبات قدامك لاعاد تجادلني
الموضوع الاول عن موتر كان معاي ونوعه كامري امريكي الموديل 98
الفئة//LE مثبت سرعه ايرباقين للسائق والراكب
الموتر طلعته عام 1427 بطاقه جمرك
شريته وقتها ب28 الف وكان ماشي ايامها 80 الف ميل
كرفته كرف مو اي كرف كرف لاقالوا كرف
وصلاتي على النبي مغطته خطوط ماخليتبه مدينه في السعوديه
يعني وش اقول مغطته جيزان تبوك حفر الباطن الرياض ابها جده مكه طريف
المهم انه كفووو وما قصر جلس معي الى 1430
بعته على اخوي عسكري في تبوك وكدة كد مجنون
كل شهرين يجي عليه الباحه 1400 كيلو رايح و1400 كيلو جاي
المهم بعته عليه وكان ماشي 190 الف ميل
وجلس معاه الى 1433 واشتراة اخوي الثاني
والى الحين معه واشهد انها مواتر لاقالوا مواتر
الموتر الحين ماشي بالميل 389485 ميل وموضح بالصورة
بمعنى ماشي بالكيلو 600 الف و26 الف كيلو وماشاءالله تبارك الله
المكينه شد بلد وما فكت وباقي شاد حيلة الله يقويه
طبعا اخر صورة حولت الميل الى كيلو للتوضيح
وصورتلكم الموتر من جميع الجهات وبتلاحضون لوحات الموتر من القديمه
هاذا موضوعي الاول انتهينا منه ان شاءالله يعجبكم
====================================

====================================
الموضوع الثاني
امس المكيف اذا وقفت تقل برودته بشكل ملحوووظ
كلمت عضوو معنا هنا جزاة الله الف خير ورحم الله والديه ووالديكم
علمته بالمشكلة وقالي بسيطه حصلت معي غير فلتر المكيف وشوف بعدها
وفعلا اتجهت لتويوتا وطلبت فلتر مكيف وكالة طبعا ماقلت موتري امريكي
لانهم اذا قلت امريكي يصلخك في السعر وهي قطعها نفس الاوريون بالتمام
طلبت فلتر اوريون 2009 وطلع بعد الخصم 160 ريال
وقلت افكه بنفسي واغيرة لان شغلته بسيطه جدا وما تاخذ وقت
المهم الي يعاني من برودة المكيف انصحه يبدأ اول شي بالفلتر
طبعا خطوات الفك والتركيب
1/ تفك الدرج الي امام الراكب
2/فيه زي الجلده يمين بتشوفها الي ماسكه الدرج تفكها
3/تمسك الدرج من الجهه اليمنى وتضغط عليه حتى ينزل ويسار كمان حتى تحس انه انفك وانتبه لايطيح عشان مايتكسر عليك نزلة بهدوء
4/ اذا نزل الدرج بتشوف غطاء الفلتر اسود قدامك وعليه سهم للاعلى
6/الغطاء له مساكتين من يمين ويسار اضغط عليها وبيطلع معك
7/الفلتر الحين واضح امامك طلعه بهدوء
8/ركب الفلتر الجديد بعد ماتعطرة
9/انتبه الفلتر عليه سهم واضح للاعلى ركب الفلتر والسهم للاعلى
10/ركب غطاء الفلتر وكمان عليه سهم خل السهم للاعلى
11/رجع الدرج زي ماكان ولاتنسى الجلدة اليمين بلاستيك تركبها في نفس الدرج لان مهمتها اذا بغيت تحط غرض في الدرج ينزل بهدوء
طبعا ياشباب بعد ماغيرت الفلتر فرق السماء عن الارض
برودة عاليه دفع الهواء ممتاز جدا الان درجة واحدة تعادل درجتين سابقا
والان الموتر واقف رجع تبريدة زي اول وافضل
وبتشوفون في الصور الفرق بين الفلتر القديم والجديد
وضحتلكم الفك والتركيب بالصور لعيوونكم تستاهلوون
اسف على الاطالة واسف اني طولت عليكم بموضوعين
هاذا مالدي اليوم
وشكرا لجميع الاعضاء
تحياتي لكم
اخووكم الرفاعي33