صدمني واحد اليوم ومعه تامين وجاء المرور اسعفوني يااخوان

ايش الفرق ياغالي 

والله ماجاني الا المرور 

نجم اذا مامن
مرور اذا مامعك تامين

انا صار علي حادث قبل فرته وكلنا معنا تامين واللي قرر الحادث كان مرور 
لانه كان واقف عند موقع الحادث وجاء وقرره 
المهم كانت مراجعتي عند المرور كلها 
قيمت عند ٣ ورشات ووديتها للمرور واخذوا اللي بنص وارسلوني عليهم وعطوني ورقه اصلااح 

أبد تروح للقسم و تتوجه لقسم المعلومات تعطيه اسمك و هو يوجهك للمكتب اللي ماسك
معاملتك . هناك يعطونك العلم إن شاء الله .

سو مثل ماقال ابو راشد

واذا كانت صدمك قويه حاولبه يعطيك ورقه تقدير من شيخ المعارض مباشره

وبعد ماتقدر ترجع للمرور ثانيه ويكمل اوراقك

ثم تاخذ اربع صور للسياره مطبوعه ثم توديها للتامين 

ثم يقولون راجعنا بعد اسبوعين ثم لاجيتهم تلقا الشيك جاهز

صارلي حادث يوم الخميس

قعدنا ساعتين ننتظر نجم ولا جا... اخر شي جا واحد من المرور اخذ الاستمارة حقت سيارتي و سيارة الثاني و قال وراي عالقسم

رحنا هناك... كتب التقرير و قالي راجعنا يوم الاحد اللي هو اليوم رحت اعطاني ورقة إصلاح و قالي راجع شركة تأمينك و بعدين ودي السيارة عالوكالة

و الصراحة كانو خدومين مرة... اتكلم عن فرع الظهران

و للعلم حنا الاثنين مأمنين

ما اتوقع تفرق نجم او المرور... بالاخير نفس الشي تقريبا

بس انت الحين ما لك الا تروح و تسالهم و لا تمشي الا و انت فاهم ١٠٠٪... لا تسلك يعني... هذا الحل الوحيد


موفق

الله يجزاكم خير ولا يريكم مكروه يارب 

بالنسبه يااخوان للسياره الحديثه سمعت ان الوكاله الي تسعر التسعيرات 

هل هذا الكلام صحيح او الورش 

اقسم بالله يااخوان انه صدمني عمدا 

ولكن مانقول الا حسبنا الله ونعم الوكيل فيه الله يبتليه مثل ماابتلاني 

بصراحه التامين هذا شر وبلاء 
والا مثل هالاشكال لو مافيه تامين تخليه يمشي مثل الكلب 

الصدمه يااخوان في الصدام الخلفي وانفك الرفرف فقط 

بعض الطرق مايباشرها نجم
مثل الحوادث على الطرق السريعة كالدائري وخريص والملك فهد بالرياض يباشرها المرور

تراجع المرور عند الحاسب تعطيه اللوحة يعطيك ورقة فيها تاريخ الحادث وهي عبارة عن رقم الملف ,, 
تروح مكتب الحوادث تاخذ ورقة تقدير , ويحددلك صناعية تقدر فيها العروبة او النسيم او او ...
تروح تقدر موترك اذا صدمة تكلف فوق 5000 يحولك شيخ المعارض ,  ثم ترجع للمرور لمكتب الحوادث تسلمهم التقدير 
,, وهم يبلغونك بالتاميين والاجرائات وسلامتك  ,, الله يعينك بتاخذ وقت 

أول شي لا تشيل هم الصدمة دامها بخلفية السيارة الامور أفضل من الصدمة من الأمام ... 

صارلي مثل ماصارلك بس المشكلة كان جارنا ودارس معاي وسيارتي واقفه وجا للبيت يتعذر وما هو مأمن .. 

قلت تعال للصناعية وشوف كم يكلف ـ طلع الشغل كله 400 ريال لو بالتأمين بتطلع بـ 2500 لأن الصدام الخلفي تشق 

فـ خذ امورك سهالة دام الصدمة من الخلف والله يسهل دربك وتاخذ حقك .. 

الله يجزاكم خير جميع ابشركم بعد التعبت راجعت المرور وخلصت وقدرت باقي اروح للشركة حقت التامين 

لاهل الخبره يااخوان 

قدرولي ثلاث تقديرات في الاوراق 
وحده ب2600
والثانيه2600
والثالثه 2500

وقالولي رح جب تسعيره من الوكاله 
وجبت فاتوره عن الرفرف 1200

ورجعت للتقديرات وختموها وقالولي توجه للتامين الان خلاص 

التامين هو تكافل الراجحي احد عنده علم عنها وعن تعاملها وهل هو شيك والا تحويل وكم يبيلها 
واذا ماطلوني وين اشتكي عليهم 

وكيف بيكون تقييمهم للسعر من خلال الاربع الاوراق 

الله يجزاكم خير