صار لي حادث كامري 15

اللي واضح لي من الدقه انها بسيطه ما تحتاج التكلفه ذي كلها 
ابرك لك خيط الصدام وعدله افضل من انك تشتري صدام جديد ورشه وشغله 
مافيه شي مثل الجديد

الحمدلله انها خفيفه الله يعوضك تنحل بسهوله ان شاءالله

يارجال خلهم يصلحونها على التامين الشامل حرام تدفع قيمة تامين شامل وتفكر تصلحها برى

بخصوص الوقت اللي تستغرقه السياره
الله يكون فعونك
راح تطول مابين الوكاله والتامين وانتظار سراك
لكن خل الوكاله تصلحها على التامين

وش يخيط وش يعدل عليها ؟ عنده الصدام متاثر والشمعه مكسوره والكبوت به دقه والرفرف منبعج وتقولون له صلحها على حسابك !

لا بصلحها على التامين بس شكلها مطوله يمكن فوق الشهرين 

صدام وشمعة ورفرف وكبوت
صلحها على التأمين الشامل حتى لو طولت شوي الله يعينك

البابين متضرره بعد 

وعليكم السلام ورحمة الله وبركاته 

والله ياخوك الموضوع مطول ورقة التعميد لحالها تجي من اسبوع إلى 20 يوم !!
الإنتظار لحاله يقهر وشركات التأمين غالباً يماطلوا , ما أقصد أهممك يا غالي لكن أقول لك اللي صار معي 
والله ما تحركوا إلا بعد ما رفعت شكوى لمؤسسة النقد , الله يصبرنا عليهم ويعوض علينا وعليك 

موفق

الحمد لله على السلامه
نصيحه اخوي ودها لتويوتا الي على مخرج عائشه اتوقع الابراج مقابل السدحان اذا ماخاب ظني
المهم ولد عمي صدمته اقوى و خلصت في اسبوعين او اقل

نصيحة من شخص عانا بصيانة وكالة تويوتا
ودها الوكالة خذ رقم المهندس المسؤول وانشب له
الاوراق المطلوبة تاخذ ورق الحادث مع التقرير وتقدمه للتأمين عندهم كلها 3 ايام بالكثير تجي موافقة التأمين وتدفع قسط التحمل 500 ريال او حسب عقدك وبعدها يصلحو السيارة
طبعا لازم المهندس يرفع المعاملة للتأمين بقيمة الاصلاح وقطع الغيار
خلك وراه عشان ما تطول سيارتك
سيارتنا قعدت 3 شهور كل يوم يقلك مافي قطع بس لما وقفت الاقساط شهرين اتصلوا علي ورح مدير الفرع ونشب لهم خلال اسبوع ستلمت سيارتي
طبعا ممكن بعض القطع ما تتوفر بامكانك تستلم السيارة وبس تتوفر القطع ترجعها
الله يعينك وحمد الله عالسلامة جت في الحديد ويعوضك ربي خير

وديتها فرع عائشة بس ماعندهم صيانة صدمات قالو ودها مخرج ١٨ في السلي ووديتها عاد اليوم اجازه وبروح بكرة والله يعيني وياكم يارب 

بما انها تمليك الخطأ على من اللي اعرفه ترمي السياره عليهم ويستبدلونها او يعطونك سياره لين يصلحون سيارتك
 اذا كانت نظام تأجيرواذا رفضوا اتصل على وزارة التجاره. اقرأ العقد اللي معك

قريته وفيه سيارة بديلة بس برسوم وانا عندي سيارة ثانية الحمد الله على كل حال انتبهو من الاشارة وهي خضراء اكثر من انها حمراء وشكرا على الي تفاعلو معي والي عطاني ديس لايك الله يجزاه خير 

في الوكالة بتكلفك 16 الف وبتاخذ لها شهرر