حي الله الجميع لعيووونكم موضوع جديد

السلام عليكم ورحمة وبركاته
اهلا وسهلا بجميع الاعضاء الكبير منهم والصغير
كيف الحال ان شاءالله مبسوطين ومرتاحين
مانطوول عليكم الرفاعي يهديلكم هاذا التقرير المتواضع ان شاءالله يعجبكم
وتستاهلون كل ماهو جديد
الموضوع عن رفيقت دربي الونيت 79 غمارة
الموتر هاذا ماأنسى معروفه لي ووقفته معاي ايام الشدة
طبعا الموديل 79 مرهملها شطرطون 81 ايام الهجولة كنت اضبط فيها وادلعها وبتشوفون في الصور اثار التضبيط
شريت الموتر قبل 15 سنه بمبلغ 11 الف من عند شايب الله يذكرة بالخير والله الله على ذيك الايام
اول ماجبته الحارة تعال شوف الشباب متجمعين عليه ياولد من فين جبت هالموتر والله رزه وشياكه ههههههههههه احلا ايام وربي
وتعال شوف الاستشارات الي يقول غبرها والي يقول ركب كفر عريض والي يقول نزلها من قدام
اقوولكم ايام حلوة رهمتلها تمثال ونيت 93 ورهمتلها علامة تويوتا في الشبك الامامي بتشوفوها في الصور
وركبت السيفين والنخلة في القزاز الخلفي ولزقات وحركات
المهم ياشباب كل بتشوفونه في الصور
طبعا الموتر لازال يخدم وكل اسبوع اطلع عليه للبر
وزيته ماينقص ملي والله اني مادري متى اخر مرة غيرت الزيت
بس اتوقع غيرته قبل سنه
طبعا ايام الهجولة رحت عليها جيزان مرة والطايف مرتين
15 سنه من الاستخدام الشاق والكرف ولا زالت تخدم وتؤدي مهامها اليوميه بشكل طبيعي جدا
سميتها رفيقت دربي لانها ماقصرت معي ايام الطفرة وايام الدراسه في الثانويه ولا اذكر انها خيبت ضني في يوم من الايام
وسميتها رفيقت دربي لان 15 سنه ماهي بسيطة عمر
لبى قلبها وقلوبكم طبعا مواصفاتها جدا خياليه شوفو الساعه في الطبلون هاذي الميزة ماتلقاها حتى في البنتلي ههههههههه
طبعا الصور صورتها امس وتستاهلون التقرير عن الهلي
وطبعا التقرير اهدية الى اعضاء منتدى حراج فقط ولا اسامح من ينسخ الصور وبوديها منتدى ثاني
اخر 3 صور لمعشوقتي الكامري الامريكي 2009 فل الفل 6 سلندر ههههههههههه اسف ازعجتكم بهاذي الجملة
المهم اخر 3 صور صورتها امس قبل المغرب وانا نازل من الهدا متجه الى مكه
اخيرا شكرا لجميع الاعضاء على مايقدموا من مساعدة وافادات للزائرين ولاخوانهم الاعضاء
امل من الله ان ينال الموضوع على حسن اعجابكم
والسلام عليكم ورحمة الله وبركاته
اخوووكم الرفاعي33