رايكم بالاف جي

انت عاجبك وبتشتريه وقررت يعني وش باقي تستشير
عني انا ابد مايعجبني لاشكل ولاسعر

صحيح كلامك انا استعجلت بكتابه الموضوع الان عدلته 

انا ابي نظام فئاته اللكثيره ذي 

تبي تريح دماغك
شوف اللي انت تبيه من السياره
انت دائما تطلع للبر او اغلب الوقت بالمدينه
الشي الثاني فيه سيارات دفع رباعي افضل من هالصندوق

شوف والله انا عاجبني الرانجلر بس حسبي الله على الوكيل 

ما يوفر قطع لو قطعها متوفره كان مافكرت بالاف جي اصلا ههههههه بس بالنهايه الاف جي عملي وخدوم

طيب وش رايك بالجراند شيروكي او دورانجو او يوكن دبل او باترول

كلها عمليه وخدومه حتى الجيلي الصينيه للي يحافظ على السياره بتمشي معه سنين

وكاله المتحده ما توفر قطع زي تويوتا 

خذه وانت مطمن وسياره عمليه ويمسك سعره وقطعه متوفره ولو فكرت تبيع ينباع على طول ماينشب بحلقك استخير وتوكل على الله 

يصرف بنزين وصوت شكمانه عالي وانت ماسك خط وضيق من ورا وقزازته الامامية تسمع هبوب الهوا فيها

دووووس ولا تشاور موتر خط بر جو ارض هههههههه حتى فضاء 

يصرف بنزين مايصرف على قوله زوبعه يفتي ولا يدري تانكيين 154 لتر تمشيك حدود 700 قزازته الامامية مسطحه علشان يعطيك رؤية كاملة للي قدامك موتر بطل ماشاء الله مايوقفه شي زي الربع بس عائلي

خذ +1 بس بتشري شف الفطيمي ولا البريمي عبد اللطيف لاتاخذ

ان كان تبي نصيحتي شوف لك باترول سفاري افضل منه

والاسعار اتوقع والله اعلم قريبه من بعض 

انا اتقبل الاف جي بسعر لايتعدا 100 الف..  لاكن يوصل 150 الف!!  لاوالله بزودها حبتين وباخذ لاندكروزر هدد ولا لمتد ابرك اكشخ اريح قيمته فيه رسمي بر بلد بحر جو ممكن لاتستبعد وكذلك جوده واعتماديه جداا فوق الممتازه او ان صح التعبير هو الأفضل في الجوده..  

ادخل موقع تويوتا المملك العربية السعوديه فيه فئاته ومواصفاته والفروقات والسعر الباقي تحصله في منتدى تويوتا العربية 

إذا اختيارك بين كورد ولا اف جي  
اكــــــــــــــــــــــــــــيــــــــــــد اف جي لسبب انه جيب وين ماتبي يمشي بر طريق كل شيء 
لكن فيه خيارات جيـــــــــوب افضل بكثير من ناحية شكل ومن ناحية قوة 
لكن نصيحه خلك على الجيوب ولاتنزل للسيارات السيدان  ماء ابو ريالين ينشب فيها هذي سيارات هههههههههههه

الاف جي حلو بس للخطوط زباله تشطفك الاكنست وانت داعس للاخر مايمشي اكثر من 180 يرفع الضغط

يا danger قلتها بعظمة لسانك تانكيين 154 لتر ويمشيك 700 كيلو، هذا مو يشرب بنزين هذا التانكي مشقوق ههههه
اما القزازة المسطحة مابغاها ابغا قزازة انسيابية زي الجيوب الثانية اللي يتقاشعون عشان ما عندهم رؤية كاملة ههههه
 اجل الافجي عائلي الله يصلحك، اللي عنده عائلة راف فور ازين له

يا طويل المعرص انا قبل امس شاري اف جي 2015 وارد اليحيى فل كامل رقم 2طبعا اللون احمر وكان عليه عرض ب 127 غير شامل اللوح والتأمين وباقي الالوان ب 135

الفروقات بينه وبين عبدالطيف جميل 

       اليحيى                        عبدالطيف جميل

بدون صاجه اماميه                    صاجه اماميه 

بدون ايرباقات جانبيه                 ايرباقات جانيه

بدون تكايه او مسند يد للراكب        يوجد مسند يد للراكب

الديكور الداخلي لونه فضي على    الديكور الداخلي نفس لون السياره
جميع الالوان


طبعا الفرق 20 الف  وطبعا اليحيى هو سعودي لكن بمواصفات خليجيه

التكايه سعرتها ف والكاله وقالو ب 2500 ورحت محل قطع غيار عبدالطيف جميل في الصناعيه مخرج 18 قالي ب 522 وكلهم نفس المستودع
اول ماطلعته فللت التانكي ب 97 ريال وخذا 164 لتر نوع البانزين 95 الموصى في الكاتلوج
اول ما مسكت عليه طريق الملك عبدالله على سرعة 110 وفوق فيه رجه وديته للوكاله وتم ترصيص الكفرات مجانا
الموتر له يومين ومشيت عليه مسافه 300 كيلو ماشاء الله تبارك الله ماعليه اي ملاحظات تذكر