محتار بين الاوريون والكامري

انت اللي بتدفع الفلوس كيف تحتار

اكيد الاوريون افضل بكثير يكفي المكينه لحالها والقوة

ولكن هل عندك استطاعه تدفع فرق القيمة سواء اقساط او كاش او بتضغط نفسك 

انت اللي تحدد

اذا انت مجبور…  خذلك اوريون… علئ الاقلV6

سنتين وانت محتار وتفكر .!! عجيب والله - موضوعك السابق قبل سنتين مافادك بشي ؟؟

الاوريون افضل طبعا كاستخدام في جميع النواحي سواء بالسفر او داخل المدن بس
الاوريون قطع غيارها غالي وغير موجوده الى عند الوكيل عكس الكامري لو خرب مثلا كمبرسر بتحصل سعره في الوكاله ب3500 ريال وبرى الوكاله عند موزعين يبيعون قطع اصليه بسعر 2000 ريال

اخوي مانصحك بالافلون صح 6 سرندل ولكن دفع امامي لو انا منك باخذ التورس صراحه هابين فيها هالايام

السياره اوريون والتورس لاتنسى بعد دفع امامي اخوي انصحك اذا بتقصد خذ كامري. ولاتنسى فيه الشكل الجديد نزل 

وش سالفتكم دفع امامي والا خلفي
بالله عليكم وش تفرق

من جد والله لك سنتين محتار !

اوريون مافيها كلام ابد

قبل سنتين كنت ناوي اخذ اوريون وكل الناس حذروني من قير الاوريون واليوم انتقل عملي من المدينة للرياض واحتاج سيارة كل نهاية اسبوع امسك فيها خط من الرياض للمدينة

ما يبيلها فطنه عشان تحتار اكيد الاورين بس لا تضغط نفسك بالاقصاد اذا امورك تمام خذ الاورين ..

إذا بتمسك خط اسبوعياً فلا تاخذ 4 سلندر ابداً

6 سلندر يمشي مرتاح في الخط وبدون ازعاج والماكينة مرتاحة

اخوي دامك وصلت لاوريون فل كامل وانت انسان تمسك خطوط وما تبي غير من تويوتا


وش رايك بافالون استاندر تريحك بالخط وناعمه بالممشى

او خذلك اوريون موفق

انا كنت محتار زيك وازود كان معاي ١٠٠ الف قلت باخذ كامري 
فل كامل ويوم رحت وشفتها ما عجبتنا خصوصاً الي قاهرني اني يوم فتحت 
الشنطه لقيت الاستبنه حديد يعني اصلها استاندر قلت باخذ اوريون فل كامل 
كان سعرها ١١٤٠٠٠ واطالع فيها الا هي نفس هيكل الكامري والداخليه بس مكينه 
والي كرهني فيها طريقه ال ليد الغبيه شاقين الصدام ومركبينه وشكله بشع 
والله واشاور وقالو لي خذ لك افالون استاندر تجي شد بلد من امريكا ولا احد يلعب 
فيها والله وقعدت افكر واشوف لاني كنت منحد زيك على تويوتا تلبيه لرغبه الوالد 
والحمد لله شريت افالون وانا مقتنع فيها تماما تو مالها خمسه ايام اليوم مشت ٢٢٠ كيلو بس
واشوف انها مريحه جداً لا اصوات هواء ولا شي وانا مرتاح الحين كلفتني مع النقل والتأمين ١١٠٠٠٠

اعتقد قيمة الاوريون فل بحول قيمة الافلون فل كامل بدون شاشة او نقول نص فل


وبعدين مع احترامي لك محتار بين كامري واوريون لو انك قايل مثلن كامري وسوناتا كل وحده من شركة نقول معك حق تسأل عن السيارتين


لكن الكامري والاوريون عطني فرق واضح فيهم اللهم ان الاوريون ستة سلندر او تعتبر كامري رياضية بمكينة كبيرة مثل الاكورد 6 سلندر هي نفسها الاربعة في العزل وفي كل شي


بتطلع اطلع لأحسن دامك مجبور على تويوتا خذ افلون ازين من ذي وذي لو سياحية تسوى الثنتين


بالتوفيق

ستفسار عندي اوريون او كل ماشغلتها تعلق