أضف سؤال أو موضوع جديد          

حي الله اعضاء منتدى حراج تفضلوو

up 28 down 11
الرفاعي33 13911
قبل 6 سنه



السلام عليكم ورحمة الله وبركاته
اسعد الله اوقات جميع اعضاء منتدى حراج بكل خير
كيف حال الشباب قسم بالله اشتقتلكم واشتقت لسواليفكم
اشهد بالله انكم كفوووووووو ولا نسيت ردودكم يوم حذفت المواضيع
اولا اعتذر اشد الاعتذار عن حذف مواضيعي والله ثم والله ثم والله ماحذفتها كرها فيكم او اني مابي المنتدى 
او ان فية عضوو هددني لاوالله بس حصلي مشكلة حساسة جدا وانضريت منها ووصلت الى تعهد والصقر يفهمها وهي طايرة
يعني ياحبايبي بعطيكم جملة من خلالها بتفهمون ليش حذفت المواضيع //معارض السيارات ياشباب لاعاد احد يصور فيها لان الصورة ودت واحد في مشكلة مع صاحب صالة امريكيه 
اكيد فهمتوووا ههههههه الله يخارجنا 
ماعلينا وش اخبار الشباب وش من جديد الله يسعدكم ويوفقكم
اشكر جميع من سئل عني وجميع من اصر على عدم مغادرتي
رجعتلكم وابشروووا مالكم الا مواااضيع افضل من اول وابشروا بالعوض
موضوعي اليوم عن استخدامي لموتري كلكم عارفينه كامري امريكي فل الفل 2009 6 سلندر ههههههههههه غثيتكم بفل الفل
طبعا الموتر كمل معي سنه كامله اخذته بطاقه جمرك
وبيني وبينكم يالغوالي اخذته غالي كلفني حول 57 الف
بس موتر حطه على يمناك واخذته مثله مثل الاصفار
المهم بقولكم وش القطع الي غيرتها خلال سنه والمشاكل الي واجهتني وبعض النصايح
اولا غيرت
1/ فلتر قير مع الزيت وكاله كلفني 500 ريال قطع وشغل يد
2/مساعد امامي يسار مستخدم حق افالون لان مساعداتها نفس الافالون 2009 كلفني 200 ريال مع التركيب
3/ 4 كفرات هانكوك كلفتني 1150 ريال 
4/ جلد عكوس غيرت حقت برادو 2011 لان حقت بلدها صغيرة وماتتحمل تهرب 
حقت البرادو اكبر وتتحمل وتنفع كمان لاصحاب الاوريون كلفتني 250 ريال مع التركيب
5/ فلتر هواء وكالة 90 ريال
هاذا الي غيرته من يوم شريتها  وكل الي ذكرته كلفني 2150 ريال خلال سنه وكلها اشياء استهلاكيه طبيعي كل واحد مننا يغيرها 
الحرارة ثابته على النص ولاعمرها ارتفعت اطلع مع الهدا في الظهر ومشغل المكيف وما شاءالله العزم ثابت والحرارة ثابته وامورها طيبه جدا
الناس تتخوف من الامريكي معاهم حق الواحد مو فاضي يطرد في قطع الغيار
ولاكن اقولكم شي الي بيستخدم كامري امريكي خاصتا مثل الي معاي مستحيل يستخدم غيرها لان والله مواصفاتها شي عجيب وترتاح فيها وحتى نعومتها في الخط شي ثاني
شكل سبب نعومتها من مساعدات الافالون 
هاذا موضوعي بعد رجعتي لكم ويعتبر اول موضوع
لان الاولة راحت كلها حسبي على من كان السبب
اسئل الله ان يوفقكم ويرزقكم سعادة تسعدكم في الدنيا والاخرة
اعيد واكرررر اعذروني على حذف المواضيع ووضحتلكم السبب
والسلام عليكم ورحمة الله وبركاته 
اخوووكم الرفاعي33
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيكم العافية جميعا واشكر جميع من شارك وتحمدلي على السلامه



up 1 down 0
الرفاعي33 13911
قبل 5 سنه و 12 شهر



فل الفل 

الله يسعدك ياشيخ وربي انك عسل 


up 0 down 0
do8sh 208
قبل 5 سنه و 12 شهر