يتبع ..... سواقين الطريق السريع يا تمشي 100 يا تمشي 200

خير ما عملت يا طيب
بالفعل مثل ما قلت جماعة الخط الاصفر كأنه راكبهم عفريت على ايش مستعجلين وراكم اشغال و لا اجتماعات و لا طيارة بتفوتكم
ربي يهدينا و اياكم 

نسيت أضيف الصرفية مرة قليلة يعني التانك يمشيني 660 كم ماشاء الله

اغلبهم يكونو هاوين خطوط او مو رايق للخط 
ومتعود عالسرعة ويحبها او معاه سياره رياضيه 
تهيض للسرعه..

لايكات ياجماعة نقاطي قليل ومش قادر اشارك ع راحتي..

140 معقوله جدا في الخطوط السريعه

لكن اللي يجيك ناذي 220 وماسك الكتف وداق اشاره يسار

يعني انا الكنق ماسك الخط الايسر

واغلب اللي يسوونها اصحاب الكوابرس

هلا بيك أخي ألو مرحبا
للأسف ألاحظ اللي يسرعون أغلبهم صغار السن و و أغلب الناس الهاديين هم أصحاب العوائل
ربي ما تترك و لا عزوبي بالمملكة عشان الأمان
....

يتبع .....
ما تترك و لا عزوبي بالمملكة إلا تزوجه ببنت الحلال و ترزقه بالعيال

شباب هالايام متهووور نسأل الله السلامة***
وبعضهم طاير طيران مقلع تشوفه تقول هاذا عنده حالة وفاة ولا معاة مريض
في الاخير تحصلة ماسك سرى عند صرافة في محطة
ولا ماسك سرى عند كوفي شوب الله يصلح الحال'
شكرا على الموضوع؛'؛'؛'؛

والله ياخوك طريق الدمام الجبيل معروف من زمان ان فيه
تهور كبير واكثر طرق في حوادث  
وصراح انا من نوع الي يرتاح و المثبت على ١٨٠ وتحت 
'_'

هلا بك أخي الوافي بكلمته

أخي ورشيد انت تثبت السرعة على 180 و تمشي بخط الجبيل ...... ربي يهديك أحسن شي
ودي أقلك شي ترى ربنا قبل لا ينزل البلاء بعباده يرسل إنذارات و تنبيهات تزداد قسوتها مع ازدياد غفلة العباد مثلا حكة خفيفة بالسيارة ثم صدمة قوية ثم انقلاب الخ .... و الذكي اللي يتعظ من غيره قبل لا تصيبه المصيبة

الحقيقه ياصاحب الموضوع انت جيت على الجرح 

انا الاحظ السرعه الزائده في الناس مادري وش السبب 

المصيبه هي في النظام وتطبيق الانظمه والمراقبه 

يعني انت حط اموال في الشارع وقول اللي ياخذها بيعاقب  وامش وخل الفلوس  بدون مراقبه !! 
هل هذا يعقل 

يعني عندنا انظمة مقبوله وحلوه وصارمه احيانا  لكن  وين التطبيق ووين المراقبه  


انت شوف داخل المدن شوف العسكر بعضهم على الجوال داخل الدوريه  ومخلي الناس على كيفهم 

حتى انا مره طلعت في الراديو  وتكلمت عن هالموضوع وقلت ياجماعه  ليش مايتم انزال العسكر عن طريق الباص 
وراح انزل موضوع ان شاء الله عن هالشي 

جزاك الله خير 

الحمد لله توني واصل للرياض من الدمام

طبعاً في الخط مرو علي انواع واشكال السواقين المهابيل لكن فيه واحد ما انساه معاه جيب لكزز جديد تخيلو يمشي 200 ونص السيارة على الاسفلت ونصها على الرمل ويكبس مزعجنا بأنوارة

بشكل متهور لا يتصور الله يهديه

تقصد طريق الي يودي الخبر والدمام

اغلب السواويق الي ركبت معاهم يمشون ع 120 الى اذا كان زحمة 100 وفعلا هذا الطريق صار طاق فصرنا نعبر ع طريق ابو ح

طريق ابو حدريه

للمعلومية ترى المسار الايسر لا تمسكه الا اذا بتسرع يعني ما ينفع انك تهوجس فيه لذلك وخروا عننا خلونا نطير :P

امزح امزح .. فعلاً السرعة ما منها مصلوح لكن مين يتعظ ؟

انا اعترف اني اسرع لكن وين ؟ اذا طريق فاضي .. وكم امشي ؟ بين 140 الى 160 واذا خربتها 180 .. بقية الاماكن مثل المدن 120 ما اتعداها واعتبرها سرعة مجنونة بعد ..

حنا مشكلتنا للأسف عندنا ارهاب الشوارع تلاقي بعض المتهورين هايج في الشارع زي الثور مايدري وين بروح فيه بيصدم مابيصدم بيموت ولابيبقى المهم انها ضربة حظ.. وهذه النوعية اخطر انواع السائقين في العالم وانا ودي مستشفيات الصحة النفسية تتدخل في الموضوع بسرعة

صدقت و الله يا

chevrolet zr1

المشكلة تحصلها عند المتهور في بداية تعلم القيادة , تعلم على السرعة والتهور وبعدها بسنوات مايقدر ينضبط او يمشي 130 على طريق سفر وسبق وجربناها كثير .. سافرت مع واحد من الزملاء يمشي 230 الرياض الدمام ووصلنا مرهقين مصدعين من السرعة والمشكلة مامن حاجه للسرعه ويوم وصلنا جلسنا وفكرت ايش السبب اللي خلانا نمشي 200 وبعدها نجلس بالساعات نسولف . الاولوية للنفس والا للسوالف وحتى لو كانت عندك حاجة ملزمة اغلى ماعليك نفسك ومن معك.. بعدها رجعنا نمشي 130 والحمدلله بنشرت السيارة وسلمنا فتخيل لو بنشرت السيارة على 200 ...

انت عليك يا عاقل تنصح اخوانك اصدقائك معارفك وخاصة المتهورين وتذكرهم بالحوادث والاعاقات وليس هناك فرق كبير يستاهل تضحي بحياتك .. ماتوسى تفجع اهلك علشان سرعه .. حمانا الله واياكم

فعلا السرعة ما منها منفعة لاكن أيضآ انت لازم تفتح الخط الاخير للي يسرعون تسلم ع نفسك وتفك غيرك من كارثة لا سمح الله الطريق سريع وكل مسار له سرعته