أضف سؤال أو موضوع جديد          

مشاكل في كورولا 2010

up 3 down 3
آبو بندر الحارثي 111
قبل 5 سنه و 7 شهر



السلام عليكم ورحمة الله وبركاته

معي سيارة كورولا 2010 قير اوتوماتيك مشتريها مستعملة .
طبعاً من يوم شريتها وانا امشي واصلح هههههههههههههه 

المهم جتها فترة صارت بنت حلال واجودية وما عاد طلع فيها خرابات
ولله الحمد سويت حادث قبل فترة وصلحتها وبعدها رجعت الخرابات الميكانيكية ووصلت لدرجة التوضيب :(

المهم عندي هذي المشاكل طلعت لي بعد التوضيب يا ليت تعلموني وش سببها وحلها :

1- لما اشغل السيارة الصباح تطفي على طول ولازم اكون داعس بنزين عشان ما تطفي ولما افك البنزين الضغط يتذبذب على الواحد ولا يثبت مثل قبل ويطلع صوت كأني ادعس وافك الدعسة وادعس وافك وكذا بس اذا مشيت مسافة تروح هالمشكلة وتجي وحدة عكسها بالضبط عبارة عن ارتفاع الضغط الى 1.5 وكأنني داعس بنزين ولما احطها بـ D واكون ماسك فرامل ينزل الضغط لكن يجي صوت مثل صوت تكسير .
سألت ميكانيكي عن هالمشكلة قال هذي من الدعسة وسألت شخص قريب لي فاهم بالسيارات قال من البواجي والله أعلم .

2- احياناً لما أمشي بالصباح اكون ماشي 100 والضغط على 4 او 3.5 ثم فجأة ينزل ( الموتر يرفض التعشيق وفجأة يعشق ) لكن اذا مشيت لفترة يرجع الموضوع طبيعي وهالمشكلة اواجهها فقط في الصباح او اذا تركت السيارة فترة ما احركها .

3- عزل الهواء سيء جداً جداً جداً فإللي يعرف له حل يا ليت يفيدنا

وهذي بعض المعلومات عن طريقة استخدامي للسيارة :
اهلي بالمدينة وانا ادرس بحايل واحياناً اسافر لهم والمسافة حول 450 كم وسرعتي بين 140 الى 160 وتوصل احياناً 180 اذا الخط فاضي
سرعتي داخل البلد ما تتعدى 120 واذا خربتها 140
الصبح اخلي السيارة شغالة بين دقيقتين الى خمس دقايق تسخين وكذا
الزيت منتظم في تغييره اول بأول مع الفلتر والسيفون عند بترومين ( الزيت فوكس سوبر جي تي 50/w20 ) وفي اخر تغيير قبل حوالي 4 ايام قال لي عامل بترومين عندك زيت القير تعبان واعتقد هذا حل لمشكلة رقم 2

اعتذر على الاطالة واتمنى افادتكم حيث انني اجهل بعض الامور واخشى من استغلال الورش ..



تحديث (1) بتاريخ 4 رمضان 1436 هـ الموافق 21 يونيو 2015 م :

ولله الحمد تم حل المشكلة رقم 1 عن طريق كشف الكمبيوتر بـ 100 ريال وتبين لي مشكلة في حساس عمود التيمن مدري التيمى مدري وشسمه إللي يركب في رأس الماكينة وتم شراءه بـ 190 ريال وتركيبه مع تنظيف الثروتل بدي أو ما يسمى بالخانق وكلّف شغل اليد 250 ريال الإجمالي 540 ريال الله يعوض ..
المشكلة رقم 2 إنحلت من نفسها وما سويت فيها شيء ولا أدري وش سببها .. 
المشكلة رقم 3 لا زلت أعاني منها وقالوا لي فيه قطعة عند محلات الزينة تركبها على أطراف الأبواب وتمنع دخول الهواء إلى السيارة لكن ما دورتها للحين لكن إذا ركبتها باعلمكم شكلها وسعرها وتجربتي معها ..

تم التحديث لإفادة الإخوان نسأل الله لنا ولهم التوفيق والسداد ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يمقن الزيت مغشوش حق بترومين كلهم يشتكون منه


up 1 down 1
ryyan555 702
قبل 5 سنه و 7 شهر



زيت القير انا غيرته قبل فترة عند بنشري عادي بس ما كملت على الزيت اكثر من 20 الف او 30 الف ويمكن اقل وانا سمعت ان زيت القير يتغير كل 60 الف


up 0 down 0
آبو بندر الحارثي 111
قبل 5 سنه و 7 شهر



زيت القير انا غيرته قبل فترة عند بنشري عادي بس ما كملت على الزيت اكثر من 20 الف او 30 الف ويمكن اقل وانا سمعت ان زيت القير يتغير كل 60 الف


up 0 down 0
آبو بندر الحارثي 111
قبل 5 سنه و 7 شهر



والله زيك يا ابو بندر جاني يقولي تعبان وانا مغيره زيت تويوتا الفضي وفلتر مامر عليه 20 الف كورولا 13 اذا رجعت الديره ابغيره وش نسوي 


up 1 down 0
danger712 19
قبل 5 سنه و 7 شهر



هلا فيك اخوي وكان الله في عونك

المشكلة الاولى : يبيلك تنظيف الثروتل بدي ( دعسة البنزين ) لانه يسبب تذبذب بالار بي ام 

المشكلة الثانية : انك غيرت الزيت عند بنشري اخوي الله يرضاي لي عليك الزيت  والفلتر تأخذهم من الوكالة تجنباً للغش و مو مشكلة غير عند البنشري لكن قدام عينك

بالتوفيق


up 1 down 0
عبيد البدر 58
قبل 5 سنه و 7 شهر



و اذا بتريح راح افحص كمبيوتر يمكن يبين العطل بس لازم تكون لمبة التشيك انجن شغاله ( لمبة المكينة ) 


up 1 down 0
عبيد البدر 58
قبل 5 سنه و 7 شهر



جزاكم الله خخير وودي اعطيكم لايكات لكن نقاطي قليلة ):
سؤال اخير .. فحص الكمبيوتر يظهر لي اسباب المشاكل ولا لا ؟


up 1 down 0
آبو بندر الحارثي 111
قبل 5 سنه و 7 شهر



معي وحده توني شاريها الله يستر -_-


up 0 down 0
beshooo333 4
قبل 5 سنه و 6 شهر