هل ضروري وجود الدفلوك بالجيب؟

هلا ابو صالح وينك العصر اتصل فيك ما ترد

بسلامتك خلك مطنش المهم

ما يغرز سواء لاندكروزر او غيره الدفلوك يفيدك بكثير من الاوقات  وهو ضروري

ولكن عدم وجودة لا يعني بأن الدبل ماله فائدة بالعكس بيكون قوي ولكن الدفلوك افضل 

الجيب ممكن يغرز حسب السواق :)
والجيب فيه دبل خفيف وثقيل
وبعض الانواع ما يجي فيه دفلوك
والدفلوك عبارة عن قفل الدفرنس
بمعنى يتحكم في دوران الكفرات يعني مو كل كفر نفس قوة الثاني حسب ظروف الرمال
ولا تنسى اهم شي السواق

الاند من 2007 وتحت اقوى من الجديد بالغراز وافضل بكثيييييير
الدفلك زود نفع 
ودبل خفيف ثقيل كافي مع سواقه ممتازه ماتوقع بتحتاج لدفلك الا بحالات نادره 
وحتى لو طاح بربضه بتنسم الكفرات وبيطلع يبلها سواقه لأن الغشيم لو تعطيه فتك او شاص تويوتا 
غرزبه ودفنه هههه 
لكن افضل دبل الباترول القديم والفتك والشاص والربع التويوتا دفرنسات وليس فريول 
وفيه اللي يطقع بهم البليزر القديم مايعرف شيء اسمه غراز 

ياشباب النصب في كل مكان شوفوا الإعلان هاذا قاعد ينصب على الناس ورديت عليه ابغا احذر الناس منه وحذف ردي وبلغت الاداره عليه وحذف الإعلان ونزل الإعلان مره ثانيه وهاذا رقم الإعلان 7161792 

^^^
ابو غيده دخلت على الاعلان لقيته مسجل بالموقع قبل ساعه وداخل على اعلانات كثيره 
كلها انتباه ارجوا الانتباه تمويل ومدري وش... جاي بقوة شكله مستعجل بينصب ويمشي ههههههه

التطعيس يعتمد على السواق اذا هو غشيم لو معه مدرعه تبي تغرز المشكله ماهي باسياره بعض الأوقات تحصل هايلكس مغرزه ونفس المنطقه هايلكس يطعس ولا عنده أي مشكله

أي سياره بدون تنسيم والسواق غشيم تغرز الدف لوك افضل مافيه شك لكن مايعني مافيه دف لك ماتطلع رمال

كل سيارة تغرز وتهلش / وتثولث . حتى الفتك .
----------------------------
اهــــــــــم شي السواق اذا يعرف للنفود بتحصله يسبح سباحه .
---------------------------
طبعا اكثر الاخوان يقول الفتك = بسبب انه بالنفود كلام ثاني سفينه.

اخوي بعض الجيوب يجي فيها دفلك لكن قليل استخدام والدفلك ما يتسخدم الا اذا تعلقت السيارة يعني ثلاث كفرات بالارض وواحد يدور بالهوا بوضعية مثل كذا تحتاج الدفلك 

لكن اسأل نفسك هالسوال هل انت دائما بالبر وخص النفود ومامدى استخدامك للبدل والموتر بالاول والاخير يرجع لسواقه شف اهل النفود اصحاب الحلال تلقاه بنص النفود على هايلكس او 
ددسن الدفلك ماهو ذاك الاهمية من وجهت نظري الا لاصحاب البر والنفود 
والله يوفقك 

السواقة في الطعوس تعتمد على السواق بعضهم من يدخل ويطلع مايعرف شي اسمه دبل
نسم للموتر على ظغط 15 عشان مايتخلخل ويصير مطبه وعر وتظطر تفغص له عشان يمشي

ووكل الله

وبعدين اللي يعرف يسوق ويعرف كل يطلع وينزل وكيف يداري الموتر وهو على الطعس مهب ناشب وحتى لو غرز تغريزه عايديه يطلعه الدبل والخفيف مهب الثقيل

بالتوفيق

الله يعطيكم العافية كلكم حتى الي عطاني تقييم سالب

اخوي ابراهيم التركي

انت مشبه علي او غلطان ياغالي تحياتي

يفضل وجود الدفلك لانه يساعد في حالات كثيره 

وعادي اذا ما فيه دفلك تقدر تطعس وتاخذ راحتك بالبر 

احتاج الى دفلوك في سيارتي هل اغير الدفرنسات كلها واخذ واحد من التشليح او وش تنصحوني وجزاكم الله خير