رايكم بالافلون 2015

الاستاندر ١١١ و اللي بعدها ١٢٨ و الفل ١٤٠ تقريبا

ال٢٠١٥ بكره تجي اسعارها

والله مافي شرط معين يعني،،، قد شفت شاب يسوقها و قد شفت رجال كبير يسوقها

انت اذا الشكل عاجبك و المواضفات عاجبتك خلاص استخير و مايسير الا خير

http://www.drivearabia.com/ultimatecarbuyerguide/ksa/carpage.php/Toyota-Avalon/2015-2016-/1260

هنا في ميزات و سلبيات السيارة، التسارع، قوة المحرك و عزمه و حجمه، بلد الصنع، و شوية كلام حلو كذا، الاعتمادية و اعادة البيع، السعر التقريبي لكل فئة ... الخ

لكن مشكلته بالانجليزي

+


هنا في الاسعار بالمعارض


http://saudisale.com/SS_a_mpg.aspx


الصنع/ تويوتا، الفئة/ أفالون


في ٢٠١٤ و في ٢٠١٥

الله يعطيكم العافيه على المعلومات 
وننتظر المزيد لتعم الفائدة للجميع

2013 طابعها شبابي أكثر ، و لكن ما يمنع انها تكون سيارة رجل عاقل وراكد
2010 - 2012 اشوف انها رسمية أكثر 
عموماً الافالون موتر بطران ، و لو ان السعر مرتفع حبتين

تركي رشيد انا شباب  ومعي افالون 14  

وفيه قروب في الانستقرام للأفالون 2014-2013-2015 يعني الشكل الجديد وكلهم شباب 

اذ تبي اعطيك اسم القروب علمني

اشوف اسعارها معقوله بالنسبه لي 
يعني نفس المواصفات تحصلها بالفورد تورس 126 
ولا تنسئ ان الافالون اقوئ منها وتزيد عنها بالمواصفات حبتين مثل الزنون وتبريد المراتب
الافالون الان 2015 ب 129
و2014 تحصلها ب 122 
والشكل الجديد اشوفه شبابي اكثر 

انا ناوي على وحده ذا الشهر ان شاء الله 
ولقيت اسعارها بالموقع رخيصه موديلات ٢٠١٤ اصفار 
استاندر ب ٩٩ ولميتد بدون ملاحه ب ١١٦ الاعلان ماله ١٢ ساعه 
من يوم نزل وهو بالقصيم المعرض 

غاليه جدا جدا جدا وماهي راسيه زي الموديلات القديمه وخفيفه
انصحك تشتري افضل 
زي تشارجر ستاندر او نص
او هوندا اكورد 

او اصبر واشتري مكسيما الشكل الجديد والله كلللاام 

I6rb 
والله ماعندك سالفه وش خفيفه وماهي راسيه 
وتقارنها بالاكورد مع وين المقارنة هذي فرق السماء والارض 
راسية وعزلها كل ملاكها يمدحونه 
بعدين على اي اساس حكمت انها غاليه 
التورس النص فل ب 126 الف
الاكورد 6 سلندر فل ب 127 والسبورت 137 
التشارجر فل 140 الف 
الازيرا فل 127 الف 
وعلئ فكرة الافالون افضل مواصفات من الي ذكرتهم 
عدا الازيرا.. ولو الازيرا تجي بمكينة 3.6 بتكون اغلئ اكيد 

هي حلوة وشبابية ، لكن انا وجهت نظري ويمكن البعض يختلف عني

اشوف فيه خيارات افضل من الافلون كشكل وكمركب وقيادة وأقل منها سعر

او بسعرها ممكن تاخذ سيارة فئة اعلى اقربها الجينسس صيانة مجانيةالى 100 ماتدفع ريال ضمان خمس سنوات مفتوح الكيلوات ودفع خلفي وليس امامي

والمعروف لايعرف وماعليش الافلون لو بقارنها قارنتها بالكادينزا والازيرا والتورس

ادري يمكن تقول مدري عن الجينسس والكوري احس الياباني افضل لكن صدقني ياغالي ان كلها تفاهات واكاذيب فيه ناس مقهورة من اللي وصله الكوري كجودة وكدقة تصاميم وكثبات وكمواصفات

ويبدا يعذرب فيه ، ولا يجيك واحد موتر ولد خالت عمت جدته خبط ولا فيه عيب مصنعي حط المواتر كلها مافيها جودة

انا ما اجبرك تشتري السيارة الفلانية ، لكن اقول لك فكر الف مررة قبل ماتشتري اشتر السيارة اللي تمتعك بشكلها ومواصفاتها وقيادتها لحد يلعب عليك ويقول اشتر اللي يكرف وهذي مدري وشي ترى كلها سواسية الحين

تحياتي لك

تصحيح ل al_orainy
الازيرا اقل ب 117 تاخذها فل الفل مابعدها وبريك الكتروني و auto hold وان بغيتها بدون بريك الكتروني فرق 5000 اظاهر


والكادينزا تقريبا ب119 وبعض المعارض تحصل عليها عرض او موزع معتمد تحصلها عندهم من 109 الى 111 الف
بالتوفيق

دفعت فوق ال100 الف .. لاتفكر الا باللكزس .. تدفع على شي يستاهل 

ابراهيم فيه فئتين للفل علئ ماعتقد 
لكن فل الفل عند المجدوعي الان ب127 
الي تجي بريك الكتروني وتهوية مقاعد ورادار وجلد بني داكن 
اعتقد اسمها الازيرا الفاخرة موديل 2016