افالون ولا جيب مستوبيشي باجيرو

لو انا مكانك اباخذ الجيب متعدد الاستخدام تبيه فخامه تبيه تطعيس تبيه سفر ما يقول لا

الباجيرووو ما يبغالها كلام 

فخم وحلو و متعدد الاستخدام وينفعك ويعيش معاك عمر ويتحمل 

انا على طول اخذ الباجيرو عشان الحفر

و أكبر و عشان البر

الباجيرو جربته حلو وعزم جبار
لاكن فيه قساوة شوي خذ مكينه3،8 عزم لايعلا عليه
قطع الغيار فيها غلاء شوي بسبب الاحتكار
انصحك بالباجيرو ولو كان ربع اذا ماعندك
عائله وماتشيل احد الربع ممتاز علي المكينه
القوية
الوالد معاه كامل والعزم حلو فكيف الربع
واستخير رب العباد قبل لاتقدم علي اي امر كان
بالتوفيق

اللي مثل وضعك محتار بين جيب و سيدان
ياخذ جيب كروس اوفر يجمع بين الاثنين V6
مثل CX9 , سانتا في ,سورينتو الجديد او دورانجو
سيارات السيدان ما فيها خير

خذ لك جيب وانت مغمض تمشي مرتااح البال لاتشيل هم حفر ولا مطبات ولا امطار

اتوقع لا رحت وشفت جيب cx9 بالوكاله , راح تختاره على طول دون مقارنه بين اي سياره اخرى 

جزاكم الله خير جميعاً على المشاركة والاختيار وقع على الباجيرو وبأذن الله سيتم شراءه

والله ارشح الافالون 
اذا مشاويرك داخل البلد 
مدري الباجيرو ماهضمت شكله بغض النظر عن
مواصفاته 
كذلك عندي اعتقاد بان 110 الاف ماراح تجيبلك باجيرو زي الناس 
ممكن تجيبلك شي مشلح مدري شلون قايل 
ولعلمك الافالون شيك بالجيب 
وبالتوفيق 

لا تنسى الإستخارة قبل كل شيء , موفق 

ان شاء الله راح استخير

وبالنسبة للأخ al_orainy

بقولك معلومة ممكن صادمة لك 110 تجيب باجيرو 2015 فل كامل وش رايك ؟

الباجيرو حاليا ب 105000 مكينة 3.8 ومواصفات كامله ماعدا الشاشه. عيبه الوحيد انه بيتغير 2016. واذا مايهمك هذا الشي نصيحه اشتره ولاعاد تشاور وماراح تندم بإذن الله.

ممكن تقصد الباجيرو الربع؟ 
لاني بحثت عنها وشفت سعرها الفل بابين حدود 130 

لا الباجيرو 2015 فل كامل و4 ابواب 

زي ما قلت لك لاتناقش نصيحه روح وخذ باجيرو 3.8   4 ابواب فل لون ابيض وسعره 105 فقط . تراه افضل خيار في السوق حاليا . والضمان يشمله في الوكالة.

مشكلته يستهلك بنزين كثير جدا وخاصة اذا مشاويرك يومية داخل البلد 
راح تحس بالفرق اذا كنت تستخدم سيدان 
غير كذا الباجيرو له تاريخ يشهد له وسعره منافس جدا

ابو احمد الشهير

ترا مافي اي شي يثبت ان الباجيرو بيتغير في 2016 هذا مجرد كلام مناديب العيسائي والشركة ما صرحت باي شي الى الان