باركو لي اشتريت سياره وقصتي معها

السلام عليكم ورحمة الله وبركاته

اعتذر على الغياب ممكن تشوفوني بمرات اشوي لني مشغول وعندي ضروف صراحه شغل مايعلم به الى الله سبحانه ادعو لنا بس تتيسر لنا الامور

اولن كيف حالكم عساكم بخير

ثانين الله يقوي قواتنا على الحوثيه وينصرهم

ثالثن امطار خير وبركه

واحب اعتذر للشباب الي معي في واتساب ابراهيم التركي وابو نواف وابو عابد جوالي انقطع وحدثت جهازي وطار كل شي

نخش في الموضوع تذكرون سيارتي لومينا اس اس 2007 صراحه سياره ماقصرت معي كرفتها كرف وماقصرت بعتها لتغير فقط وعلشان انها بعد طامنه واشتريت اريون باركلولي فل كامل طبعن مستخدمه موديل 2010 طبعن قد استشرت العضو الرفاعي بخصوص الكامري الامريكيه ويمدحها كثيروماشاء الله كامري الرفاعي نظيفه الله يعطيه خيرها ويكفيه شرها لن حصلت كامري امريكيه بس انباعت وهي نفس مكينه وقير الاريون

سيارتي الاريون ماشفت منها شي سافرت عليها وتحتاج صيانه لن سياره مستخدمه وانا راجع من السفر القير فيه حنه وتبديلات القير ليست سلسه وسياره فيها زي الكتمه

رحت الصناعيه القديمه بالرياض طبعن الخرج مافيها ورش ذاك الزود رحت شركه تويوتا ورشه وعرضت عليهم المشكله قالي كلتشات القير محروقه بدون مايجرب السياره ولا ساقها قلت طيب خلني اشوف واحد ثاني

مريت واحد ثاني العضيب تويوتا قالي نفس المشكله من القير ويحتاح تغير وعندنا قير ضمان شهرين بسعر 10 الف ريال سحبت عليهم واروح ورشه ثانيه وقالي نوضبه لك

وفيه ورشه اعرف صاحبها من زمان كنت اجيهم زمان ايام لومينا قلت خلني اشوفه المهم اخذ السياره وجربها وقالي سيارتك فيها كتمه وتحتاج الى فحص كمبيوتر قالي انا شغلي 800 ريال اذا ضبطت معك عطني حسابي ماضبت مااخذ منك ولا ريال قلت ماعندك مشكله واخليها عنده يوم ثاني جيت عنده قالي شركه تويوتا وش قالو لك قلت قالو قير قال جرب السياره وجربتها ومشااء الله عليها كويسه

قالي سياره واقفه مده طويله قلت حدود 4 شهور قالي هذي برمجه لن سياره صاحبها انا اعرفه مسافر لامريكا واشتريتها منه واحمد ربي ان الله نجاني من كذب النصابين الدجالين طبعن وانا رايح والحمد الله موكل امري لله سبحانه

وانصح الي واجهتهم مشكله مايستعجل لزم يتاكد من الشغله قبل كل شي حتى لو وكاله او شركه معروفه قالت لك مشكله ممكن حاجه بسيطه وتسبب مشاكل كبيره

وبتوفيق للجميع

إبلاغ

الردود

ما شاء الله تبارك الله
مبروك الله يعطيك خيرها ويكفيك شرها

ولو إني متأخر شوي وهل تنصحني بالاوريون ؟

gmctruck 4
قبل 8 سنه و 4 شهر

الله يعطيك خيرها ويكفيك شرها كل واحد يبي يترزق نصاب والا غير نصاب بس متى يخلون الورش سعوديين يعملون فيها والا تساعد الحكومه الشباب على فتح ورش وتساعدهم كان ارتحنا من الاجانب شويه خرب عندي كويل وقبل ما اكشف اللي يقول المكينه والا يبي يفك المكينه بس يبي فلوس الله وفقني وشريت جهاز اللي يكشف عن الاعطال وسويت كشف طلع كويل A اللي تحت الثلاجه وغيرته والحمد لله كل شي تمام ورحت للحراميه اقولهم مكينه عرفو انهم نصابين وسحبو عليه حتى الكلام ما تكلمو معي ما في زي الشخص يكشف على سيارته ويصلحها والله اعرف عامل يحلف يقول ما اعرف افك الكفر واتعلم الحلاقه في روس القرعان ذحين يقولي تعال اشتغل معايه ويعرف يفك ويركب بس يبي جهاز كشف علشان يمشي شغله

الاواكس700 10
قبل 7 سنه و 9 شهر