تم الحذف الموضوع

انا لاملك لاهونداي ولاتويوتا 
لكن. انا لي حسبتي. يعني الانترا سيارة كد ومد 
بس ايش المواصفات الي حاخذها ؟ اي بي اس ؟ 
كم ارباق حجم المكينة ؟. عاد مايحتاج الانترا 
والله العظيم قبل كم يوم وديت سيارتي الصيانة 
ورجعت مع تكسي. النترا ٢٠١١ ماشي ٣٧٥ الف 
شد مكينة وقير. بالنسبة للكامري وجهة نظري حرام 
احط فيها المبلغ ذا تجميع في دول فقيرة وفوق ذا 
بتتشلح قطع وتتركب قطع على اساس من بلدها 
السوناتا لو يظمن انها نظيفة واستعمال جيد 
والسيارة كويسة يتوكل على الله 
هذي وجهة نظري انا. قد يختلف صاحبك او يتفق وحتى الاعضاء

كمان بقولك شي 
عشان يكو خويك في الصورة 
بكرة ياخذ النترا ويستعملها وماتعجبو خطوط وحيكره
الكوري. او يستعمل الكامري ويكره التويوتا 
الي بقولو مسافة ٧٠٠ كم هو يحدد الي تمشي معاه
عزل وراحة ورساوة. 

يزود فلوسه شوي وياخذله اوبتما اخت السوناتا 2015 الفئه الثالثه جنوط 16 و مكينه 2400 سي سي ب 59 الف جديده

او التيما 2014 اصفار جديده استاندر طيس مكينه 2500 سي سي ب 58 منقول جاهز باسمك بمعرض العمر

مواتر كبيره نوعا ما , ولا هي صغيره مثل النترا . يعني لها احترامها بالخط

وجديده على يدك 

80 الف و 50 الف كم اكل بها مطب كم اكل بها حفره كم زر عليها كم فرمل عليها كم شغلها مره بدون ما يحميها كم مره دعس لها وكم وكم

يطلع له اصافر ويفك الباغات و القراطيس بنفسه  

ويشم ريحه الوكاله افضل له من المستعمل اكيد

يازين الموتر ان جاك بغباره , وتفك بابها وتركبه , وانت عارف انه ما احد قد استعمله قبلك وتجهل استعماله ونظافته

انا من رايي مادام انه بيسافر 700 كيلو ماهي بسيطة  ياخذله فورد احسن له من ناحية الراحه لان السيارات المذكورة فوق مقاعدها
 قاسيه

انا من رايي مادام انه بيسافر 700 كيلو ماهي بسيطة  ياخذله فورد احسن له من ناحية الراحه لان السيارات المذكورة فوق مقاعدها
 قاسيه

المازدا ٢٠١٦ 
صحيح انها غاليه شوي بالوكاله بس مادري عن سعرها بالمعارض 
بطله 

ارشح ياخد التيما اصفار على يده من الوكالة مثل ماقال ابو يزيد
حتى المراتب محشوه بشكل ممتاز بحيث ماتتعب مع السفر 

وبالنسبه للكامري شفها معي ١٤ والله اني متندم عليها خاصة انها تاجير بالتمليك 

وفي الخط ماتنفع ابد 
السوناتا كويسه بس دركسونها خفيف جداا 
الاوبتيما ما اعرف عنها شي 

لكن نصيحه لا يفكر الا بالالتيما موتر مشهود له وفئة اكبر ووكالة

والله ياطويل العمر

ياخذ اللي انظف يحصلها


اشوفها اطلق من الالنترا << قراطيس ماهي سياره

ياخذ له سياره ثقيله شوي أفضل

كامري او ازيرا او سوناتا

ولو حصل اكورد نظيفه فهي اطلق من اللي فوق

جزاك الله خير إنك تساعد خويك 
الله يكثر من أمثالك

دامه يمسك خط شهريا 700 كيلو 

انصحه بالماركيز يلقى نظيف 2009 ولا 2010 

ولا افالون من 2007 الى 2011 ممكن يحصل نظيف وسعره زين 

واذا يببي موديل حديث ازيرا 2012 

والسوناتا 2013 اكثر الشباب يقولون ماهي راسية 
والكامري كل صاموله من ديرة ماتستاهل يدفع فيها 50 الف

والله انا من ملاك الهونداي 

انا ارشح الكامري لانها مواتر كد وخصوصا بالمكاين 

اذا هو شخص يبحث عن منظر بشكل اكثر ياخذ السوناتا 

لاني اول سياره امتلكها سابقا كورلا 2001 وكدت معي 5 سنوات 

ومحركها ماقد فكيته مكاينها قويه وعمليه 

ومع العلم الان امتلك اكسنت 2010 اربع سنوات 

واستخدامي لكل السيارتين للمقارنه بين الهونداي والتويوتا 

الاكسنت كل فتره وفتره تقريبا السنتين اعالج تهريب الكارتير 


واسوي له تنظيف واحط معجون وجه اصلي 

مع العلم الكورلا والله ماقد فكيت كارتيرها ولااعرف وش فيه 

وهي موديل قديم واستخدامي لكل السيارتين ماني اسرع داخل البلد 


سواقتي عاديه علشان محد يقول يمكن اني ماحط السياره الثانيه


سرعه لاكن للامانه للامانه محركات التويوتا افضل 

واخوياي واخواني معهم سوناتات موديل قديم وحديث 


لازم يطلع خراب ونصلحها كل فتره وفتره 

وانا مؤيد فقط للمحركات حقت التويوتا تعمر اكثر من الهونداي 

من وجهة نظري اما الشكل لصالح الكوري 

وهذا رايي الشخصي واللي جربته 

ولو حصل لي الان اغير سيارتي لموتر تويوتا 

لان مايهمني الشكل بقدر مايهمني محرك مريح واعطاله نادره

رأيي يشوف له ازيرا 6 سلندر ستاندر 2012
عزل رائع ومريحه السيارة وشكلها جمييل لو يحصل فيراني او فضي ياخذه ولا يشاور

50 الف خذ لك فكتوريا سعودي 2010 
هو اللي بيعطيك مع ال 700 كيلو سفر وراح يخدمك بدون طلبات كثيره 
ان شاءالله ، انا من اشد الداعمين للفكتوريا 
مكينه 8 سلندر ، غماره واسعه ، قطع رخيص ، ممتاز جدا للخطوط

انا من رايي يحاول يدبر عمره ويظغط على نفسه ويطق له اوبتيما 2015 نص فل الدرجة الثالثة والله بدون مبالغة انها اطلق من السوناتا والكامري وكلمة حق وتقال

اولا ان جيت للرساوة احسن منهم ثنتينهم راسية في الخط تعجبك ، ومركبها اريح من الكامري والسوناتا القديمة الجديدة مدري عنها ، ومواصفاتها مجنونة

يعني نص فل مكينة 2400 ثلاجة مثبت سرعة تحكم مسجل جنوط كبوس يعني بيتبردق وجديدة على يده لاتقول مستعملة ولا غيره واحسن له من الالنترا

ولو مررة ساءت الظروف وماقدر يدبرها ياخذ اخت الجديدة بيلقاها في 55 او 54 ماتعدت 10 الالف احسن له من كامري شكلها بايخ وموديل 2013 وكارفها 80 الف ، الممشى هذا هو احوج به ويمشي بها بموتره

تحياتي لك

والله يا amear محد قال لك رح حط معجون تجاري ولا وجه مهب اصلي وتقول موتري كل فترة يهرب

وبعدين تهريب الكارتير وش دخله في عمر المحرك وانه يعمر

وبعدين تقدر تقول لي وش الخرابات اللي تطلع مع اخوانك ، ليكون انت تحسبها نازله من السماء ماتبيها تخرب لازم بين فترة وفترة تشيك على العضلات بتحتاج بواجي صفاية عايدي

انا مستخدم السوناتا 2006 ثلاث سنوات مهب يوم ولا يومين ماظهرت معي اي مشاكل ، ولا انت من الناس اللي حتى لو غير فحمات يحسبها خراب لصالح السيارة ترى هذي قطع استهلاكية مالها علاقة

وكان مواتر اخوانك واقاربك مهيب نظاف ولا هم مايعرفون يستخدمون هذا شي ثاني

اما انك على طول اندفعت محركتها ماتعمر انا مستعد اجيب لك الاوبريس لقريب لي ماشيه 480 الف الحين تقريبا وموديل 2003 وشرا جديد ولين الحين معه ما استغنى عنها ولا طلبت ولا شي اللهم قطع استهلاكية حتى الحرارة ماتعرفها

انا ودي اعرف ذا اللي يقول الكوري يخرب بسرعة وين ذا الخرابات ماجتني في الاربع سنوات ، مدري موتري نازل من السماء
لاتفتون في شي مالكم علم فيه تراكم محاسبين عليه

انا قلت المحركات دقق على هل الكلمه 

وبعدين انا احط معجون اصلي من الوكيل مااتعامل مع التجاري 

الا بالاسطبات والشكل الخارجي 

وتقول سياراتنا ماهي نظيفه وفاكينها وكاله وشارينها من معارف 


لوكانت مستعمله ونعرفهم زين 

انا قلت المحركات لصالح التويوتا وماهو تحيز 

هذي وجهة نظري بين الشركتين بحكم اني مجرب وقارنة الفرق بينهم 

وكلن له وجهة نظر ولانسوق لشركه على شركه اعطيت تجربتي 

اللي شفتها بنظري محركات التويوتا مافيه مثلها لاكن الشكل لصالح الكوري 

طيب انت قلت المحرك وش دخل المثال حق الكارتير كل فترة يهرب

وثانيا وشي الخرابات اللي طلعت مع اخوانك ، هل هي في المكينة ، ووشي ذا الخرابات اللي طلعت في المكينة

الكورلا موديل 2001 وطقتها انا اشهد لها سيارة عملية وكانت معنا 2004 لكن الآن اتحداك تحدي ان قوة تحمل الكورلا الجديدة مثل القديمة فهمت وش مقصدي

واذا كان قصدك على الممشى انا اجيب لك موتري السوناتا 2006 ماشيه 310 الف وبعتها من سنة ماقد فكيت في ميكنتها وانا يومياً ادبل لها وادعس واسقط ، كيف تقول محركات

يعني مهب عشان خرب موتر اخوك ولا واحد ثاني فيه عيب مصنعي او هو مايعرف يستخدم السيارة نعمم على جميع سيارات هونداي ولا كيا ولا تويوتا نحط فيه نفس العيب

السلام عليكم

الوانيت الموستبشي L200 سعره 57 الف وكالة 2015

مريح اريح من الكامري عن تجربة .+ فيه حوض واسع من الداخل اوسع من الهايلوكس .

----------------

الكورلا وكالة 56 الف ريال الشكر الجديد .

===============

اما الكامري - السوناتا = اذا نظيفه ومشيها حقيقي بـ 50 الف ممتازة . بس ما فيه الوكالة .

سيارات الوكاله حتى لو ما تحافظ عليها تكد معاه 5 سنوات . انسى الورش

انا اعطيت تجربتي ورايي

وكلن له وجهة نظر

وانت لك وجهة نظر

وانا عارف ان تويوتا الان ماهو زي اول ياباني اصلي

صار الحين اغلبها تجميع وماهو زي اول

انا ابديت رايي وتجربتي