أضف سؤال أو موضوع جديد          

صندوق عفش فيبر للسقف

up 4 down 4
a m i r 553
قبل 7 سنه و شهر



السلام عليكم 
لو تكرمتم هل من احد قد جرب صندوق العفش الفيبر الي يجي عالسقف ؟ 
لعدم توفر مساحة معي بالجيب جالس افكر بحلول 
ارجو الافادة يا شباب هل تنصحون به والي جرب ماهي محاسنه ومساوئه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بس تخرب الشكل ركب سله خلفيه احسلك انا قد فصلته وحلو شكلها 


up 1 down 1
محمد الحربي989 111
قبل 7 سنه و شهر



يطلع شكلك دافور :P


up 2 down 1
بياع حراجات 870
قبل 7 سنه و شهر



محلات الرحلات ببيعونه
هو امن من الشبك اللي ينحط ورا
لان البرادو شكمانه للعفش ويمكن يحرق لك السياره بكبرها
افضل شي فوق بس يشوه المنظر 
لا تحط شي ورا نهائيا نصيحه خاصه ابو كفر 


up 3 down 1
i6rb_ 160
قبل 7 سنه و شهر



او عندي طريقه حلوه اذا ما لقيت

تجيب لاباد اللي عند حقين الموكيت وحطه زين لا تلصقه بس حطه عشان يكون 
سفتي للسقف والبويه من الاغراض
وجيب كرتون وحط اغراضك فيه وحطه فوق واربطه بحبل من فوق ومن الجوانب
وكذذا شغلك بالسليم 


up 4 down 0
i6rb_ 160
قبل 7 سنه و شهر



خذ لك عربه اذا موترك مكينته صاحيه 
يمكن تلقا من 2000 الى 3000 
وريح راسك 


up 0 down 0
سعدي عبوش 258
قبل 7 سنه و شهر



شكرا عالنصايح يا شباب لكن الاغراض هي للاستخدام اليومي يعني مو عندي سفر وخايف عالعش 
المشكلة باغراض البر وعربة الاطفال وتوابعهم ماخذة كل المساحة ماشاء الله 


up 0 down 0
a m i r 553
قبل 7 سنه و شهر



شكلها قبيح نوعا ما ..

بس اذا ظهرك فيه حيل للصعود والنزول فكر فيها 


up 1 down 0
عمآدالدين 709
قبل 7 سنه و شهر



ماجربتها لكن الأكيد انها اكثر اماناً من السلة الخلفية لأن سقف السيارة مصمم للتحميل مع عدم التأثير على توازن السيارة بشكل كبير بينما السلة الهلفية تضيف وزن خلف المحور الخلفي وهذا يأثر على التوازن بشكل كبير خاصة في المنعطفات والي جدبها يعرف كلامي


up 1 down 0
charger r/t 43
قبل 7 سنه و شهر



السلة الخلفية منظرها جميل وافضل 

ولكن انتبه !! تحملها تحميل ثقيل وتطلع فيها طعس   لان اخبرها قلبت جيب عالخلف بسبب الحمل الزائد وطلوعه للطعس العالي 


up 0 down 0
بن مشعان الرسلاني -26
قبل 7 سنه و شهر



السلة الخلفية منظرها جميل وافضل 

ولكن انتبه !! تحملها تحميل ثقيل وتطلع فيها طعس   لان اخبرها قلبت جيب عالخلف بسبب الحمل الزائد وطلوعه للطعس العالي 


up 1 down 0
بن مشعان الرسلاني -26
قبل 7 سنه و شهر



ماالك الا غمارتيين 
حط عزبتك واغراضك باالحوض وفصل شراع


up 1 down 0
باترول 2020 2623
قبل 7 سنه و شهر