هل يوجد سيارات أجره بنظام تأجير تمليك

من شروط الاجرة 
الاستمارة تكون ملك ، ولن تلاقي بنظام التاجير لان هذي الشركات غير مصرح لها

الحل اذا حاب تقسط خذها عن طريق مشروع الملك عبدالله
او من باب رزق 

موفق ان شاء الله

نعم يوجد نظامين نفس ماقال أخونا عزيز .. 

باب رزق تابع لعبداللطيف جميل، وهذا اللي اخذت الأجرة منهم، أقساطهم 2214 شهرياً، كامري 2011 غالية وأنا ناوي أخلص قسطها 
وأرجعها سيارة عادية أو أبيعها أو أستمر عليها سيارة عادية ، الشغلة متعبة بالنسبة "لي" وأقساطها متعبه 
من شروطها (كفيل غارم، متسبب أو موظف لكن راتبك بقرابة 3000، ليست وظيفة حكومية، مايحتاج تغير المهنة بالأحوال) 

عندك مشروع الملك عبدالله، تقسيط، على سعر السيارة بدون فوائد يعني، بس مشكلتها إذا تبي تطلعها تاخذ وقت على ماسمعت 
بالشهور عشان توصل ومن شروطها متسبب، وغير موظف وتغير مهنتك بالأحوال المدنية إلى قائد أجرة أظن 

وأي إستفسارات أخرى نحاول نفيدك، بالتوفيق إن نوّيت ... السلام عليكم 

مشكورين يا شباب 
الاخ محمد باب رزق ياخذون فوايد ولا بدون 
واذا متأكد بدون تغيير مهنه راح اخذ ان شاءالله وابغاها لاخوي عاطل
السؤال الاخير وعذرا ع الاطاله اقدر اختار السياره اللي ابغى 
مثلا اينوفا وكيف اقدم عليهم ، وشكرا لكم

باب رزق ما ياخذون فوايد ولا مشروع الملك عبدالله كلهم ماياخذون رزق

وتقدر تختار انوفا او كامري والافضل تاخذ كامري الانوفا بتكون كبيرة وممله ما بتحتاجها على طول

قليل جدا تحتاج الانوفا واغلب الاحتياج بيكون للكامري وكلها طبعا جديدا 2015

التقديم افتح قوقل واكتب باب رزق بيطلع لك التفاصيل والشروط ومكان التقديم تعبيء النموذج الكتروني

إبراهيم باب رزق يرجع لعبداللطيف جميل، كيف ماتبيهم ياخذون فوائد، سعر الكامري 88 وطالعة علي بـ 106224ألف تقريباً 

ويوم كلمتهم بالسنة الثانية إني أكمل الباقي كاش، قالي راح ننزلك السعر بعد مايحسبونها، سوداني الإستقبال الله يجزاه خير ماقصر معاي 

كان باقيلي قسط 76ألف قال ممكن تنزل لك وتصير 65ألف إذا دفعت كآش ...

في عام 2011م أخذوا مني فوائد ما أدري إذا تغير على كلام إبراهيم بعد هالفترة، وصار بدون فوائد؟ الله أعلم وإن شاء الله يصير 

عموما أخي  abo rgad 

أنا بحثت بجوجل طلع لي هذا النموذج http://babrizqjameel.com/ar/programs-ar/taxi-ownership-ar 
مع الشروط 

بس أنصحك تروح لفرعهم، إذا إنك بالرياض تحصل فرعهم بالسويدي ـ مخرج عائشة، أول ماتخرج تشوف الفرع كبير بالزاوية 

بالنسبة لتساؤولاتك

نعم، عدم تغيير المهنة هذا الكلام عام 2011م ما طلبوا مني تغيير أبد فقط برنت من الأحوال إني متسبب أو حتى طالب .. 

بالنسبة لأنواع السيارات، شوف هذا إعلان لهم http://www.slaati.com/2013/05/26/p54977.html
موجودة كامري وإينوفا  .. 

أما بخصوص الإطالة بالاسالة، عادي تحت أمرك .. أي إستفسار إسال في أي وقت وإن شاء الله أفيدك .. متواجدين ع طول .. 

مشكور يالاجودي ما قصرت ابيض وجه

اخوي انا موظف متسبب في الاحوال بساطاعتي اخذ ليموزين

موظف حكومي  طبعاً ولكن متسبب في الاحوال

اخواني الله يجازيكم خير اذا احد لديه تاكسي ويبغا ياجره لسائق بيخاف على مال الناس ويتفق معاه على ايجار يدفع اسبوعيا يبقى كتر خيره  0553534474