المطلوب التعاون للا الغاء عملية على السوم نهائيآ ومالي حد

نعم صدقت 
المفروض فية نموذج من موقع حراج الزامي 
اي احد يحط سلعة يقوم بتعبية النموذج 
كمثال 
النوع 
السوم 
سعر البيع 
وكذا نقدر نشتري 
اما يحط سعر 
وزميلة بمعرف اخر يساوم ويزود 
هاذا لايجوز ومحرم 
الغش 

انا اشوف مافيها شيء لو قال على السوم ومالي حد

احيانا الواحد يفكر سيارته تجيب 30 الف مثلا ويجي واحد ناسبته السياره ويدفع 32 ليش يستعجل

ولكن المشكله بالكذب يقول مسيومه 33 مثلا ولا احد سامها بس يبي احد يفرق السوم ويبيع على طول

حلالة وهو حر فية ولكن فية مبالغة من البعض في السعر فلو رحت للمعارض لقيت ارخص بكثير من النت 

مالي حد على السوم لو الامانة موجودة مثل اول مافي مشكلة لكن صارت الشغلة نصب الاضمن السعر المحدد واصلن لوبيبيعك بالسومة 
نقول اوكيه لكن يجلس يجمع سومات على ظهورنا ليه واحنا ما اعترضنا عملية السوم لكن صارت نصب هذي الايام ووالكذاب خرب 
على الصادق

المشكلة لو مثلا كتبت السعر اللي ابغاه تقريبا 80%

محد ايشتري بالسعر الي انا حددته لأنه يجونك شريطية

 يبخسون ام السياراة بسوماتهم وانت تعرف انه سيارتك نظيفة
  
وتستاهل  يخليك تكره اليوم الي نزلت فيه الإعلان 

الخلاصة الشريطية لاتقتصر على المعلن وانما على المشتري
ايضا 

انا معاك وارجو من الاداره التصرف في هادا الشي 

انا اذا شفته كاتب سيمت بالخاص بكذا .. دريت انه نصاب وشريطي .. وانحشت عنه 
هو وسيارته

مافي شي اسمه سيارته وهو حر كم يطلب
هذا مكان بيع وشراء للجادين مو موقع تضيع وقت باعلانات تجس النبض 

ولو تلاحظو اصبحت اكثر الاعلانات يقولو مسيومة بكذا وسيمت في الخاص بكذا حركات حتى في الجاهلية ماصارت 

talol  كلامك في محله 

والله الصراحه ماحد له دخل بحلال غيره
فلوسك بجيبك وسيارته عنده ماله حد ويبغاها على السوم هو حر عطه سومتك باعك ولا شف غيره

مثل ما بعض الناس يغالي في سعر سيارته بعض الناس لازم يبخسك بحلالك
تقوله حدي عشره يقولك راحت بثمانيه !!!
قلت عالسوم يقولك كم الحد
قلت هذا حدي يقولك كم سيمت
ورضا الناس غايه لا تدرك

انزل معارض خميس مشيط

تحصل المستعمل أغلى من الجديد!!!!

بشكل مبسط //  اذا لقيت الاعلان له اكثر من 3 اسابيع فأعرف ان ماعنده سالفه مايبي يبيع وقعيطي وجالس كل شوي يجدد في الاعلان

اللي يبي يبيع معروف 

اذا حسيت ان الموتر نظيف ويستاهل لا تسوم بالعام ولا توجع راسك   اتصل على الرجال وخذ العلم منه وعطه سومتك واذا قالك سيمت بكذا 

قل له براحتك   انا سومتي كذا   اذا تبي  حياك الله لاني رغبان الموتر وهذا حدي ان باعك    كويس  ان ماباعك   فأعرف مالك نصيب فيه وسلامتك

فيه بعضهم يسومون بدون مايعرف تفاصيل السياره ويرمي سومته بدون مايشوف السياره على الطبيعه فتجده يرمي سومه عاليه واذا جا وقت الجد تلقاه ينسحب ويصرفها

اغلبهم كذابين

مثلا يبغى فموتره 120 الف

وهو مديله 2006 وحقه 90
يجي يقولك سيم ب115 وماعنده مشكله انه يحلف 
وتجيك العالم مشمره عن ساعديها وتروح تفرق السوم ب117
يجيك الثاني يصفقها ب ب118
والاخير الداج ينتفها بسومه ب120 الف

وهي حقها فالسوق ب90 بالكثير ب95

هذي شفتها في لكزس 2006 فموقع حراج 
وانا عارف انها لاسيمت ولا شي بس حركات شريطيه

اعجبني واحد عارض لكزس مديل 90 مخزن فل كامل عبداللطيف جميل ماشي 15 الف
بس صاحبه ماكذب وقال انه سيم

عطاها من الاخر وقال ابي فيه 60
هذا بالنسبه لي افضل من الكذاب اللي يرفع فسومة سيارته 

اللي يقهرك .. يحط سيارة على السوم 
واذا سمت بقيمة مبدئية يزعل 
ي حبيبي السوق كذا سومه وراء سومه .. ولا اعطنا حدك ولا تغثنا ولا نغثك

الي يبي يبيع سيارته بيعلن بالموقع وإذا ما انباعت خلال أسبوع نزلها المعارض وباعها…  والي إعلانه قديم أو معلن عن اكثر من سيارة  هذا شريطي 

والله انك صدقت مره سمت موتر من واحد  وكلمته والله اعطيته سعر طيب وعلى انها انسامت منه وانا فرقت السومه والمصيبه يقولي مسيومه باكثر بس انا ماذكرتها بالاعلان  وبعد يومين  مادريت غير اتصاله يقولي  انت عند سومتك والحمدالله اني شريت موتر بهاليومين وقلتله الله يرزقك ويقولي انقص لك من المبلغ بس فهمته مالي نظر