هل ابائكم يوصونكم بأن تضعو الغلط عليكم

مدري وش تقول بس ديسلايك 

ماش مره تتكلم مصري مره كويتي 
بس ديس لايك 

بس وضح لي معنى ذي  الجملة لأنها مادخلت مخي
[ تصير الهرجة هذي ازا كنت بشفر مع واحد ]

ابوك الله يحفظة لك قصدة انك تحسس نفسك انك انت الصح وما تغلط والي حولك الغلطانيين
وانا اقولك واقول لابوك ابن ادم يخطي ويغلط ويصيب 
احيانا تكون على صح واحيانا تكون على غلط 
والله عطانا عقل نميز بين الغلط والصح
فانت لاتعتبر نفسك صح والي حولك يغلطون 
لا ياصاحبي اي شي تقدم على فعلة حاول قبل ماتسوية تشوف هو غلط ولا صج
الله يبعدنا عن الغلط ونكون دايم وياكم صح صح
كبر عقلك ربي يسعدك
بالنسبة تعصب وانت تسوق غلط لاتعصب روووق 
واذا ماسكة معك على التعصيب وقف ودقلك واحد شاي منعنش
وتذكر سالفة حلوة حصلتلك او موقف حلوو وهدي اعصابك واضحك
واستغفر ربك وخذلك ركعتين وبعدها بتنبسط وكمل طريقك

قول لأبوك ومتى اكون على صح اذا احط اللوم على نفسي دائما حتى لو كنت صح واكبر عقلي

ما اقولك اعصى ابوك ولكن تناقش معاه عادي ممكن له وجهة نظر غير اللي ببالنا

ولكن انا من وجهة نظري ماهو اي شيء يكون الغلط عليك اكيد لابد الناس تغلط وانت تغلط بعد

ترجم  لوسمحت عشان توصل الفكره

لو تطرح موضوعك في القروبات أفضل 

الرجال ياجماعة قصده شريف..

لكن الاستهزاء ماخلاه يوصل المعلومه صح 
ولا اسيء الظن فيه شكلو كان مروق..

حبي ابوك قناعته انه كبببر عقلك يعني لو ايش ماصار
قول اها انا الغلطان اوكي اسف وامشي

وهذي قناعة تكبير الدماغ

زيها زي اللي مايعدي عليه شي ويتمشكل على شي و ماش

اخيرا هي قناعات ومو شرط انت تمشي عليها

انت طبيعي بتقول له طيب وبتمشي عاللي يعجبك 

يعني لو انت عصبي ماتوقع بتخلي نفسك غلطان دايما 

اتوقع لازم تقراء حقوق الاخرين لك وعليك 
كتاب جميل جدا 

ليت ابوك علمك كيف تكتب موضوع بشكل افضل
وليتك تعلمت الاملاء افضل من طرع مواضيع ماتدري وين اولها من تاليها

الموضوع يبي له مفسر احلام 

الشمري

مدري وش تقول بس ديسلايك



شويخ من أرض مكناس
ماش مره تتكلم مصري مره كويتي
بس ديس لايك

حبايب قلبي ليش الدييسلايك ياخي الابتسامة صدقة -,- وش المشكلة ازا انوع في الكلام مهي اللغة سلاح ^^


@كابرس1993
[ تصير الهرجة هذي ازا كنت بشفر مع واحد ]

يعني ان واحد يعابط معاك مثلا انت تسرع وهو يسرع معك او انك تبي تتجاوزه ما يخليك يزيد سرعته مع سرعتك هاذا اللي اقصده ^^


@ الرفاعي لا لا الوالد يقصد يعني حتى اذا العالم غلطو عليك مثلا اللي قدامك ما يمشي وطريقه مفتوح او سقط عليك او اي شيء قصده ان التمس له العذر وما اعمل ردة فعل شكرا لنصيحتك بارك الله فيك

@ ابراهيم التركي والله مثل منتا خابر تفكير الاباء OLD SCHOL < يعني ايام الطيبين :] شاكر مرورك

@بو سعد123

@احمد هوتميل شاكر مرورك العطر

الشرح عمله اخونا الكريم SO.71 ^^ كفى ووفى الله يجزاه الجنة

@ SO.71 كثر الله خيرك شرحك وافي ولكن انا مو عصبي لكن مثل منتا خابر الاباء زي كده تفكيرهم ايام الطيبين ايام الطيبة والنفوس الطيبة مو مثل اليوم جوالات وحركات :]

@الامبراطور 999 شكرا لمرورك سأبحث عن الكتاب ان شاءالله

@ نفر كويس ^^ اعرف اكتب الحمدلله لكن مجرد تويع في اللهجات وش المشكلة :] التنويع في المقدمة بينما الشرح عربي مية مية سديق ^^

@ الو مرحبا ههههههههههههههه جاري البحث عن مفسر احلام :]

حتى انا الوالد يقولي لا تعصب وخليك انت الغلطان 

مو غلط انك تسوي نفسك الغلطان حتى لو الطرف الثاني غلطان 100% 
المهم ان الطرف الثاني ما يزعل منك ويشيل بخاطره 
الزبده انت اسمع كلام الوالد لأنه ادرى منك بأمور الحياه  

* مرات ما اكون غلطان بس اتعصب زياده عن اللزوم واندم لما اروق ،، احد يعرف طبيب نفسي بجده هههههه 

أنصحك بالبر بوالدك وكثرة مجالسته وسماع حديثه وتجاربه في الحياة 
قف على خدمته وانظر ماذا يحتاج , كن إبناً باراً ينفذ قبل أن يطلب 
نصيحة من أخوك الذي فقد والده وكنزه والآن يأسف على حاله 
ويتمنى أن تعود الأيام التي كان الكنز بجانبه , أعذرني على الإسترسال فقد فاض شوقي للغالي رحمةُ الله عليه 

تقبل مروري يا غالي 

احمد 95 كلنا نشعر بالندم بعد الروقان ^^ الله يستر علينا

ستارينغ والله انا اسف لو كان الموضوع عالجرح الله يغفر له ويرحمه ويدخل الجنة بغير حساب والله السموحة منك اما من ناحية البر انا اخر العنقود ^^ ودايم مشوير ابوية معايا عد تعال نشوف كيف نختلف مرات وشكرا على النصيحة

وعليكم السلام

اللحين ابوك مايبيك تمشي مع اصحاب الشفرات  احس الوضع مخدراااااااات وش جوك ياصاحب الموضوع بصراحه انت ختمت اللغه العربيه بجميع اللهجات يابرنس بهالموضوع 

حسستوني ان اول مررررة تشوفون واحد يتكلم سوري ولا سوداني !! وش المشكلة انوع في الهرجة /: واللهجة مو عاجبكم الوضع لا تدشون سؤالي آآآآآآآآآآآآآآآي دايرين شنو من سؤالي وانتو زاتتكم ما تحبون سؤالي اولاك ما بصير هالحتسي إالعمى -_-