كيف اسقط السياره من اسمي

وشلون السيارة مهيب موجودة واللوحات مهيب موجودة يعني مسروقة ولا وينها ؟؟؟

هذا لغز ؟ عدل اعلانك علشان الناس تفيدك

لا عطيت السياره لواحد من قبل ٦ سنوات ولا نقله باسمه 

جيب السياره وبعدين بيعها تشليح وهم يعطونك اللوحات مع رقم الشاص وتروح المرور تسقط السياره 

اعرف واحد زيك عنده 6 سيارات ما يدري وينها ومنتهيات
بس اللوح مميزه مررررره مثلا ص ص ص / 0001 
بس انا اقترحت عليه يدورها بس فات الأوان وين يدورها والله بتجيب قيمه لللوحه

المشكلة السياره مو موجود واتوقع بايع السياره او انها في تشليح 
بس ابي اسقطها في حل بدون ما احيب اللوحات 

كيف باعها وهي باسمك ؟؟؟
وبعدين كيف تبيعها له بدون ما تنقلها بأسمه ؟؟
تأكد من السيارة هل هي موجودة ولا لا وبعدها جدد الاستمارة 
وانقلها بأسمه وريح رأسك

طيب وين الشخص ذا طالما انك معطيه اياه من 6 سنوات ميت حي تعرف وينه ، تعرف وين السيارة ؟؟؟

للأسف هذا الاهمال ومايسوي ، يعني السيارة بأسمك تعتبر مسؤولية مخليها معه 6 سنوات حتى لو كان اخوك على عيني وراسي لكن مخالفات لاقدر الله حوادث الخ ... كلها على راسك ليش تدخل نفسك في متاهات اخل المسؤولية مجرد ما انك تسلمه يا ينقلها بأسمه ولا تشوف لك طريقة ثانية

عموماً انتظر ردك وين الشخص ذا وين السيارة باعها تشليح ولا وش سوا بها ؟؟؟

سديق انت مخ مافيه

صدقني لو صارت على السيارة أي مشكلة والله ليجيبك البحث الجنائي في ساعات نصيحتي لك حاول تجد السيارة واذا لم تحصلها بلغ عنها في ادارة المرور حتى تسلم من المشاكل لا قدر الله

ياراعي الموضوع حصل للواد نفس كلامك

في خدمات ابشر مسجل باسمه جمس 1984 يوم كنت بزر 

وللحين مانزل من اسمه وسألت ابوي قال والله ناسي اتوقع بعناه تشليح

وللآن ماصار شئ

سوي بلاغ بالقسم بفقدان الاستمارة واللوح وان السيارة موجودة عندك بس اقنع العسكري وبعدين توجه للمرور سوي برنت 
ان السيارة باسمك بيطلعولك استمارة ولوحات بدل فاقد بعد ماتدفع كل الغرامات الي عليك وتوجه لاقرب تشليح وقله ابغى نموذج
انك استلمت السيارة تالف وعطه حقه وبعدين روح للمرور باللوحات والاستمارة والنموذج وقلهم بلغي السيارة 
بعتها تشليح وسلامتك

وعندك حل ثاني تبلغ عن السيارة انها مسروقه ويجيبون صاحبها ياينقلها باسمه او تبيعها تشليح 

عالعموم شكرا لكل من رد في موضوعي وجزاه الله خير والله يهدي كل من طقطق ويستهبل 
وع فكره قبل ٦ سنوات كان الناس من الطيبين بس الرجال مايدري انا وين وانا مادري هو وين 
الي عنده حل ويقدر يساعدني يبشر وحقه موصول