أضف سؤال أو موضوع جديد          

شيء جنوني شيء لا يصدق _ تخسر 300 ريال ولا مبلغ كبير ؟ بكيفك

up 42 down 5
ابو يزيد 000 8688
قبل 2 سنه و 9 شهر



السلام عليكم ورحمة الله وبركاته

كيفكم عساكم طيبين ان شاء الله

اليوم ابغا اتكلم عن الناس اللي تشتري سياره بدون فحص كمبيوتر

يعني الواحد يشوف السياره ويجربها و يفحصها بنظره , وصاحبها طبعا بيقول نظيفه مافيها شيء وانا اقصد ( الشريطيه ) 

ولا الناس اللي فيها خير كثير يارب لك الحمد

لكن لا نزلت المعارض او واعدت واحد بالنت وعلى كلامه السياره مافيها  رش ونظيفه

طبعا قليل جدا اللي عنده خبره ولو بسيطه عشان يكتشف ان فيها رش او سمكره واحيانا حتى الفاهم ينخلم واكيد تعرفون ناس انغشوا مع انهم فاهمين 

والناس اللي ماتفهم او فهمها ماهو ذاك الزود وانا اتكلم عنا إحنا , يقوله الرجال بويه بلدها , تجي انت تطالع مافيها شيء وعلى خبرتك المتواضعه تشوفها وتشوف فيه تموج بالبويه , وبتجربها وتشوف ان مافيها شيء , وفي الاخير لا شريتها تبان العيوب , يطلع تقشير بويه في محل وتعرف ان هالجزء مرشوش وتحس ان اللون هنا يختلف عن اللون اللي هناك و تكتشف انه مضحوك عليه

طيب ليه ما تفحص , يعني مستخسر 200 - 300 ريال !! نحاك بتشتري سياره ب 20 ألف - 40 ألف - 80 ألف - 120 ألف ..الخ , يعني وقفت على 200 او 300 ريال !!

شيء لا يصدق والله  ,  واكيد الكثير منا مر بناس كذا ,  يبغا يوفر حتى حق الفحص , طيب ممكن تخسر اكثر من 300 ريال , باكتشافك عيوب مجنونه

اترككم مع صور وابغاكم تتخيلوا اشكالها قبل الاصلاح خصوصا الكورلا وترا الشغل عادي 

فيه ورش تظبط الشغل كانه وكاله لا شاطر ولا جاهل يقدر يفرق بينها وبين الوكاله 

هذي شغلها زين يعني احسن من غيرها والناس اللي ماهي فاهمه وتشوفها تلمع يحسبها نظيفه بودي بلد


ملاحظه : لو اعترف راعيها وقال فيها رش جنب لا تفحصها بنفسك لانك ما تدري عن قوة الصدمه !!

خفيفه !! قويه !! متوسطه !!

الفحص الكمبيوتر ما يكذب ان شاء الله

افحص حتى ولو تعرف ان فيها رش عشان تشوف قوة الصدمه 

الان شوف الكورلا , اتمنى تركز جدا جدا بأول صوره وتشوف هل شكلها يدل على انها نظيفه , انزل للصوره الثانيه وشوف زين وركز , وبعدها انزل وشوف صورتها قبل التصليح وانت بكيفك بعد هالصوره اذا ودك تفحص او لا

وترا فيه سيارات معجونه وملجوغه لجغ وتتصلح احسن من كذا

موفقين والله يبعدنا عن اللي ما يخافون ربي وربهم

























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


من افضل الورشات عندنا بالقصيم مصلح سيارتي عنده الصراحه يشتغلون شغل جامد أفضل من الوكالة اسمها الدولية موقعها صناعية الرواف ببريدة


up 0 down 0
ابوتركي3333 8
قبل 2 سنه و 9 شهر



وللمعلومية أسعارهم معقوله ماهي غاليه والناس تجيها من كل مناطق المملكة


up 0 down 0
ابوتركي3333 8
قبل 2 سنه و 9 شهر