انتبه من نهاية الفلة والطقطقة ... نصيحتي

الحياة تعلوم ودروس

والفئات هذي مايتوب لين تضيع سنين عمره في السجن ولا يجيه يوم رجال يدق وجهه في الارض وينسى الهياط
الله سبحانه وتعالى يقول انك لاتهدي من احببت ولكن الله يهدي من يشاء اذا مانفعت معه النصيحة عليك بالدعاء

تحياتي

صدقني اكثر الي يسبون ي انه بزر ولا مراهق اهم شي مو واعي ولم يبلغ عشان يصير كلامه بليغ ..


بنسبه لصاحب الموضوع الي تتكلم عنه عادي اعطه دس لايك ولا تعطيه وجه وبيسحب نفسه لوحده ودايم العينات الي بتترك المنتدى بعضويات مالها نققاط يكون نهايته موضوعع مثل الي شفته

بتوفيق "

أمام مسجد يطقطق و يفلها و يقذف أعراض الناس !!!!!

هذي وين أصرفها ؟؟!!

شكل عقليتك مثل عقلية إلي يطالبون بقيادة المرأه و يحاولون يشوهون صورة الهيئة و صورة المشايخ

خذ العلم الزين

مو اي بلاغ تبلغ عنه على طول بيروحون يمسكون الشخص 
اوقات تجي بلاغات على بعض الكلمات مثل انا  (راعي حبوب ) يكون واحد رماها فالمنتدى وجاك الثاني بلغ عليه

فالجهه المسؤله بتتابع الموضوع كامل وتشوف هو ليه ذكر هالكلمه واكيد بيعرفون انه جالس يطقق
ولو بغوا يتاكدون اكثر راح يوصولون لليوزر حقه بدون لايدري ويجيبون رقم هويته بطريقتهم ويتابعون سجله الكامل هل كان عليه قضايا او مشاكل
ان شافو سجله نظيف
فبيعرفون انه جالس يستهبل ويطقطق
لانهم مايبون يضيعون وقتهم ورا واحد فالاخير يطلع ماعنده سالفه وجالس يرمي كلام

بدليل اني قد شفت واحد يسبب ويلعن فالحكومه وفيه احد الاعضاء توعد بانه يبلغ عنه 
وانا عارف النتيجه
حتى لو بلغ عنه ماراح يسوون له شي لانهم عارفين انها هوشت منتدى وبزارين وماوراهم الا مضيعت الوقت
ولو شكو فيه راح يتبعون يوزره ومثل ماقلت بيوصولون لهيوته ويشوفون سجله قبل مايجيبونه من تحت الارض

قبل فتره شفت واحد معلن اجازات حكوميه للبيع من مستشفى حكومي كيف يجيبيها مدري وكل يوم له سعر معين
قلتله شيل الاعلان 
لانك اول شي جالس اتكل اموال حرام وثاني شي مخالف للانظمه يعني مزور 

جلس يقولي اعلى ما فخليك اكربه والباقين يردون علي ويضحكون يقولون تراك خوفته انت ووجهك  !!!
رحت صورة اعلانه 
واتصلت على المباحث الاداريه وبلغتهم عنه طلبو رقم اعلانه ورقم جواله واخذو بياناتي واقسم بالله ماكمل يومين
الا لقيت الاعلان محذوف والعضويه محظوره وعرفت انه فقطوه
فجاني واحد من اللي كانو يضحكون يقولي وش الهرجه ؟

قلت الهرجه انهم قفطوه 
قلي حرام عليك الرجال بترزق الله

قلت يترزق الله بالحرام وشغال تزوير عيني عينك
نصحته يوقف لكن ركب راسه وجلس يتحدا
فساد اداري 
مستشفى حكومي بكبره يتلاعبون فالاجازات


وصدقني 
لو جى احد وسب او قال انه راعي بلاوي  ورحت بلغت عنه
مستحيل يضيعون وقتهم عليه لان وقتهم محسوب وعندهم قضايا اكبر وبلاغات تجيهم كل شوي 
فاول شي بيسوونه 
بيتاكدون من الموضوع كامل
واذا شكو اكثر بيوصولون لهوية الشخصة ويتحققون منه فوزارة الداخليه عن سجله الكامل ان طلع نظيف بيتركونه لانهم عارفين انه ورع وجالس يستهبل

بيتركونه ويلتفتون لغيره
واصلا هم عارفين انه فيه ناس جالسه تستهبل وتطقطق وهذي الفئه ماتسوي شي فاالاخير ما منهم الا ضياع وقت

والله يافييه ناس محكوم عليهم كم سنه سجن بسبب التويتر بالجوف وبالحدود الشمالية
وكله بسبب الهياط من ورا شاشة 

اخ حسن الدوسري هد السرعة حبيب قلبي'
انا ما اشوه صورة احد ، وعارف الدور الكبير اللي يقومون فيه رجال الحسبة ( الله يقويهم ) 
ولا تشوف الموضوع من زاوية واحدة ، انا أعطيتك الموضوع بشكل مختصر للفائدة بس 
والإمام هذا كان يقذف المرأة هذي ، بأنها متبر جة وان عملها فيه مخالطة للرجال ،،،،، الخ الموضوع 
وأتمنى ثاني مرة تعلق تعليق يثري الموضوع ، بدال التعليقات السقيمة 
وفقك الله'

نعم الرجل اخ شاقح ، ما قصرت والله'

لو مقصدك تنبيه الناس كان حطيت الجاني مجهول ( بدون ذكر اسم ) حتی لو أنه مجرم بنقول لك جزاك الله خير ، ومن ستر علی مسلم ستر الله عليه يوم القيامه ، لأنه بياخذ جزاه و بيعقل غصب عنه بدون تشهير

أما تسويلي قصه طويله عريضه ثم تذكر شخص ينتمي للجهه أو ينتمي للقبيله معينه لتشويه سمعتها هذي ما تطلع إلا من واحد حاقد

أصلاً بالعقل لو واحد ما أعجبك بالتويتر تصكه بلك ما عاد يقدر يشوف تغريداتك و لا يقدر يرد عليك و حتی لو يبحث عن اسمك ما يطلع عنده و بالعكس حتی أنت ما تقدر تشوف تغريداته و لا تقدر ترد عليه

أما الممرضه تتركه يقذفها و يسبها و قدام متابعينها بدون ما تبلكه هذي تحس أن القصه ملفقه

المشكله الأغبياء إلي يصدقون مثل هالقصص المشبوهه

يا ساتر امام مسجد ومتخلف

كثير من اصحاب الدقون مجرد ديكور تجي للاساس تحصله رايح فيها الله لا يبلانا

وترى القذف او حتى التهديد بالضرب ما اقولك قتل

تهديد بالضرب فقط يعتبر جريمة جنائية ويتعاملون معها مثلها مثل الجرائم الكبيرة وفيها سجن مباشرة

ولا يطلع بكفالة ولا شيء حتى حين موعد المحاكمة ويحكم عليه ما يقل عن سنه سجن

حسن الدوسري خويي صغيره له نفس القصة ومن أمام مسجد

انت وامثاله يا حسن وصلتوا لمرحلة لو يقول الشيخ عكس القرآن اتبعوا الشيخ

صباح الخير ياشباب