أضف سؤال أو موضوع جديد          

تجربتي لصيانة الالف كيلو تويوتا

up 4 down 4
badalfa -39
قبل 7 سنه و 2 شهر



بسم الله الرحمن الرحيم
السلام عليكم ورحمة الله وبركاته.

الحمد لله قبل امس قفلت السيارة الف كيلو.
رحت للصيانة عشان ادخلها للتشييكات والضمان.
طبعا الصيانة مجانية وكانت تجربتي كالتالي.
اول ماوصلت للفرع دقيت بوري للحارس عشان
يفك البوابة سالني صيانة دورية قلت نعم صيانة الالف.
فك البوابة ودخلت وكان فيه عامل يساعدك بالوقوف.
وقفت ورحت للصالة.اول واحد كان سعودي واعتقد ماله
علاقة بالصيانة قالي لازم موعد..جنبه مكتب فيه مصري
قال لا هذا مايحتاج موعد تعال.
كان قمة بالتعامل والاحترام..عكس السعودي.
 اخذ البيانات اللي بالاستمارة واعطاني ورقة قال ربع ساعة وتخلص..
فيه بوفيه عندهم مجانا شاهي قهوة بسكوت.
حدي خلصت الشاهي وفرة بسيطة على السيارات بالصالة
الا والسيارة خالصة..اقل من ربع ساعة.
قالوا نغسلها قلت لا مايحاج مغسلة قبل لا اجي..
استلمتها وكان كرسي ودعاسات الراكب عليها ورق حماية.
االي سووه حسب ما لاحظت..تشحيم للابواب فقط وتشييكات نظرية.
السيارة خليجي وشطرطونها خليجي ولا قال كلمة
ولا اخذ ولا ريال لفتح ملف او غيره.

ذكرت هالكلام لاني تفاجأت فيه بعد ماسمعت
كلام كثير كله ذم ونقد لصيانة وكيل تويوتا.
الفرع بالمدينة المنورة.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الصيانات القادمة بيطلع كل شي لا تستعجل صيانة الالف مايغيرون شي عشان كذا مشاك يسرعة


up 6 down 2
benz lover -74
قبل 7 سنه و 2 شهر



اصبر على رزقك
جاييك الدفع لا تستعجل


up 4 down 2
moathyaseen 1393
قبل 7 سنه و 2 شهر



وش بيطلع يعني الصيانه الجايه 

ولا شيء

بالنسبة لتعامل السعودي و الأجنبي

بعض الموظفين دلخ يضيع وقت الناس وهو دلخ


up 3 down 2
أبـو عبدالعـزيز -141
قبل 7 سنه و 2 شهر



حسستوني الصيانه الجايه يطردوه من الباب


up 3 down 5
aabody12122 161
قبل 7 سنه و 2 شهر



صيانة الالف....
تشييك على الاصوات والتهريبات لو وجدت
ربط اصابع البطاريه
تشحيم الابواب واصابع البطاريه وقفل غطاء المحرك  
تخفيض ضغط الكفرات لانها تاتي من المستودع بضغط فوق الاربعين psi




up 1 down 0
ibrahim alghamdi 216
قبل 7 سنه و 2 شهر



صيانة الألف كيلو جميع الوكلاء يستقبلونك بحفاوة وصيانة مجانية عشان ترجعلهم يضمنون رجوعك لهم ثم يقولون موترك يبغی تشيكات بهالقيمة ادفع يلة وتلاقي وجيهم مكشرة 
 


up 4 down 0
المناخ 626
قبل 7 سنه و 2 شهر



ليش التحطيم ي شباب , تفاؤلوا خير 


up 2 down 2
البـــراء 385
قبل 7 سنه و 2 شهر



يامعاذ ياسين. ان شاء الله فالك من نصيبك وحدك.
اللي جرى لي قلته يمكن الردود السلبية اصحابها ضعاف
شخصية ينضحك عليهم غصب.




up 0 down 3
badalfa -39
قبل 7 سنه و 2 شهر



بالنسبة لضغط الهواء يالغامدي كان على 70
وانا من اول ماطلعتها رديته 40


up 0 down 1
badalfa -39
قبل 7 سنه و 2 شهر



حلو ..الله يعطيك خيرها ويكفيك شرها


up 0 down 0
ibrahim alghamdi 216
قبل 7 سنه و 2 شهر



انا رحت صيانة الف كيلو في البديعة في الرياض 
ودخلت السيارة الساعة 9 صباحآ وخرجت 1 ظهرآ
4 ساعات عشان تشيك فقط ! ! ! 
ونسوآ يخفضوا ضغط الكفرات !

بس الشيء الايجابي غسلوا السيارة زين 


up 1 down 0
t-m-d 443
قبل 7 سنه و 2 شهر



امش علا صيانة الكتلوج مثلا تغيير زيت القير بعد 80000 الف كيلو الخ وتابع سيارتك اذا تبي تغيير مساعدات اقرب ورسة وركبهن فحملت البريك الخ صراحة الوكالة ياكلونك عشان اسمهم وكالة بس فيه ناس نفسيات كود عن هاالوكالة 
والله ولي ابتوفيق


up 2 down 1
باترول 2020 2623
قبل 7 سنه و 2 شهر



يابعدي السيارة اللي معي خليجي وارد اليحيى.
يعني انا اخر واحد ممكن تسمع منه دفاع عن عبداللطيف جميل.
لكن الحق يقال..تعاملهم معي اكثر من ممتاز..
وان شاء الله تستمر هذه المعاملة.


up 0 down 0
badalfa -39
قبل 7 سنه و 2 شهر



ههههه 
تفكر انهم شيكو على السياره
يارجال انا مثلك قبل فتره شيكت على سيارتي الف كيلو 
ودخلت الصيانه ماشافوني
المهم رفعو السياره وطالع تحتها وعاير الكفارات وخرجها
لي قال تبي غسيل قلت 
لاكن الشرهه على الي باقي بيجيكم
انا أفكر فيه فحص للمحرق والقير 
طلع كلام فاضي خسارة وقت


up 0 down 0
البراق15 1692
قبل 7 سنه و 2 شهر



يالبراق انت ماقريت اللي كتبته شكلك
كتبت اللي لاحظته تشحيم الابواب وتشييكات نظرية فقط.
مدري ليه تضحك ومسوي فيها ذكي علي
هههههه



up 0 down 0
badalfa -39
قبل 7 سنه و 2 شهر