صوت في المكينة عند تشغيل السيارة

الزيت الخفيف ضروري ضروي لانه اسرع بالانتشار
انصحك بزيت 5W30 وعندك خيارات افضلها
ايسي ديلكو او بترومين

الحين الزيت خفيف ولا زال الصوت موجود 
انا افكر اغيره للقديم سوبر جيتي لأني بعد ما غيرته راح الصوت ورجع بعد ما مشيت حوالي 4000  وغيرته للخيف الحين 
والصوت موجود 

الظاهر الصوت نفس اللي عندي في كورولا 2013 صوت يجي بعد ما تشغل السياره مباشره 
مدري من السيور او الطرمبه لو كان الطرمبه يجي صوت تكتمه بالمكينه بس هالصوت اللي عندي خشخشه كنه من السيور ويروح 
بس الحمدلله السياره مافيها الا العافيه

مشكلتك ان شاء الله بسيطه
لكن الحق عليها قبل لا تتفاقم 
وهذه لسيارتك ولسيارات تويوتا عموما وباقي السيارات خصوصا
داخل الكارتير فيه شي اسمه ( شخال الزيت ) هذا مع الوقت يصير وسخ جدا ولا يسمح للزيت بالمرور بشكل كافي

والكورولا خصوصا ينصح انك تغيره هالشخال او تنظفه اذا مشى موترك 100 الف 
وموترك 2008 اكيد تعدى ولا تنظف هالشخال

اذا كنت طفران نظفه 
واذا فلوسك تخر من جيبك غيره
وكلها فيها خير 

لا تنسى ( شخال الزيت ) 
يجيك مثل فلتر المويه الدائري الصغير الي يركب بالبزبوز

يعطيكك العافية اخوي ابو سالم 

الله يعافيك 
وشغلته بسيطه ترى 
كلها فك كارتير المكينه وينزل الشخال وينظفه لك زيييين 
خله ينظفه لك زين ودف له عشره ريال زباده عشان يشتغل صح 
واشتر اقزوز الكارتير لان القديم مع الفك يتلف 
الاقزوز تقريبا سعره 20 ريال اصلي
واشتر 5 علب زيت 10w30 بترومين مع سيفون اصلي
لان الزيت مع فك الكارتير راح يروح عليك

وان شاء الله موترك يعيش معك 

يعطيك العافيه يا ابو سالم