ماهو رأيكم بالكامري 2015 الجديده وكم سوف يبدا سعرها نصيحتكم
13
9
إضغط هنا للإخفاء
اخواني
السلام عليكم ورحمة الله وبركاته
لايخفى عليكم قــربــ نزول الكامري الجديده 2015 التي المفترض نزولها بالدفعه الاولى
وايضا عروض ابو جميل على مديلات 2015 الشكل السابق
بدوون دفعه
،، طبعا يبي ينفض المستودع
****
بالنسبه للكامري الجديده كم تتوقعون سوف يبدا سعر البيع بالنسبه لسياحيه قير تماتيك كهرب
انا اتصلت على معرض بالرياض اسمه شركة باوزير قال سعر السياحيه تماتيك الشكل الاول منقوله ب73 الف
وعند ابو جميل ب77750
والمتد جنوط شاشه صغيره وبعض المواصفات البسيطه جدا منقوله ب78
وعند ابو جميل ب 85 تقريبا
قالي راعي المعرض
ان الوكالات غاليه ونحن ناخذ كميات كبيره مخفضه ونبيع بسعر اقل ،،،،
&&&&&&&&&&&&&&&&&&&&&&
اذكر في عام2012 ذهبت انا ورفيقي بيشتري كامري سياحيه طيس تماتيك كهرب
اخذها ب87 الف
وكان مديل 2011 فل كامل تقريبا سعر السياحيه 2012
واتوقع والله اعلم
ان 2015 الشكل الجديد بيكون عالي جدا
ماهو رأيكم به من حيث التصميم
والداخليه
والشكل
**** لان حسب ماشفت ان الشكل الجديد مرتفع من الخلف ،، عكس الاول نازل ،، ولها زعانف تسحب
لان كل واحد نصحني بالتريث حتى نزوله
ونشوف كم سعره وبيكون عرووض لشكل السابق
احباب قلبي الغالين ،، ابي رأيكم بدووون تحيز لتويوتا ،، سواءا رأي سلبي او غيره ،،،، ،،
،، انتم خير من نستشير ،، اهل خبره ومعرفه ،، وكفوووووووووووووووو
اسف على الاطاله
وفق الله الجميع
إبلاغ
الردود
فيه من يقول بيوقفون الاوريون وبترجع الكامري مثل اول 6 سلندر و4 سلندر
وفيه من يقول بتنزل زي ماهي 4 سلندر والاوريون بتواصل
الركاده طيبه ننتضر نزولها وبتتضح الامور اكثر واكثر
واتمنى يرجعونها مثل اول نوعين 6 سلندر و4 سلندر
1
1
لقيتها استاندر ب100 الف !!!!!
لو منزلين الشكل الامريكي ما يستاهل
هالسعر مهو بعاد ذا الشكل المشوه
4
0
1
1
اخوي الرفاعي ،،
صحيح كلامك وممتاز وبصراحه ابو جميل يبي يخليها عاليه ،،،
حنا نبي 4 سرندل وسياحيه بعد لاكن المصيبه ان رفعها
كلامك صحيح الركاده زينه لان أذا نزل الجديد نعرف الاسعار على الاقل نعبرها حتى بعد رمضان او سنه كذا حتى تنزل الاسعار
أما ان نكون طعم سهل لابو جميل واشكاله لا والف لا
اجل المعارض تبيع سياحيه ب73 منقوله وتاخذها من الراجحي
وهو عنده77750
وبعض صاالات الراجحي ايضا مثل ابو جميل
يتعاقد مع معارض غاليه
وبعض الصالات يتعاقد مع كبار الموزعين ،، يكون السعر مخفض
مثلا شركة باوزير بالرياض
كلمتهم يقول ارسل الرخصه بالفاكس ونرسل لكم طلب موافقه من الرجحي
واذا وافقو تعال وقع وخذها ،،، حتى لو انا موظف بالقصيم ،، الراجحي ماعليه مدم راتبك عليه لو تاخذها من معرض بالمريخ
ههااااااااااااااااي
اخوي ،، اونجوى
سعرها ستاندر100
هذا اللي انا خايف منه ،، الاسعار صارت بصراحه بغير متناول اليد
مثل رفيقي عام2012 اخذ سياحيه ب86 وكانت 2011 وكاله فل بقيمتها
اخوي ،،هلي
نعم مثل ماقلت ،، ابو جميل بيرفعها لاكن هو الان يبي ينفض المستودع بعرض بدوون مقدم
وصدقت سيارات السيدان وصلت 100
إنا لله وإنا إليه راجعون
هربنا من المستعمل
لعدم توفر النظيف وغلا السعر
وطحنا بالجديد
إما عيب مصنعي
وإما سعر فلكي ،،،
،،،،،،،،،،،،،،،
2
2
أي شخص يمدح التويوتا او يستفسر عن سيارتها في هذا المنتدى سيأخذ ديسلايك
لامحاله بسبب كثرة كارهين سيارات التويوتا في المنتدى ..
ولاالوم الناس لكرههم للتويوتا بسبب أن سياراتهم غاليه ومافيها مواصفات ولا امان وسواقتها ممله جدآ جدآ ..
والشيء الوحيد الذي يميز التويوتا شيئين فقط وهما قلة الاعطال وارتفاع سعر إعادة البيع.
أما شكل الكامري الجديد فهو مخصص لبعض الاسواق مثل السوق الامريكيه.
أما سوق الشرق الأوسط فبتنزل عندنا نفس شكل الاوريون.
نصيحه لو خاطرك في كامري الجديده.
اشحن وحده جديده من أمريكا 6 سلندر مواصفاتها شاشه وجلد وفتحه و6 ايرباق و بتطلع لك نفس سعر ال4 سلندر عندنا الي مافيها لا مواصفات ولاحتى airbag .
3
3
بالعكس والله ماهمني الدس لايك ولا الايك
ولاكن على طول اول مانزلت الموضوع وحدثت واجد دس لايك
يعني تفاجأت
وشاكر لك بعد راسي
،،،،،،، وبالنسبه للمواصفات الامريكيه ،، حلوووووووووه
انا شفت في جده اغلب مواترهم مواصفات امريكيه ،،،
وايضا كلامك صحيح
تويوتا صارت الاسعار غاليه
والمكاين صغيره وضعيفه
مثلا اليارس من طلعتها 1300 مكينة دباب
عكس الاكسنت 1400 1600
ومديل 2014 و15 يارس يقالهم طوروها و فيه فئة 1500
على قلتها استاجرتها سفر يارجل كرهت السفر فيها لاعزم ولاعزل وكل ما ادخل كبري واطلع تحس بشفطه وحذفه
،، بالعكس انا لست مع تويوتا نا ضدها ،، لان المنافسين صارو افضل منهم مثل كيا وهونداي وهوندا
فخامه مكينه كبيره مواصفات اشكال حلوووووووووووووووه
،،،،،،،،،،،،،،،،،،،،،،
2
1
ولا تزعل لايك 1
0
0
لكن نزل بالرياض الشكل الروسي اللي من ورا قريب للاوريون و سمعت الفل كامل ب ١٠٠ الف
1
0
0
0
ماقلت شي لاهو منقص من فلوسي ولاشارب معي
ولاكن ليش
دس لايك بدوووون رد ،، او إبداء رأي ،،،
قبل 9 سنه و 8 شهر