فكره تهم الجميع
28
1
إضغط هنا للإخفاء
سلام عليكم
كيفكم ياشباب
كل واحد منا اكيد عانى من الحفر او رقع اسفلت اللي لعبت في سيارته في شوارعنا
لكن هل فكرت تاخذ الموضوع باايجابيه بدل ماتزعل وتمشي بدون ماتكون لك ردت فعل سلبيه
انا بعلمكم تجربتي وادعو الجميع لتجربتها
كل يوم في طريق العمل في رقع اسفلت وحفر اقسم بالله اني حافظ اماكنها وقبل مااجيها اكون مبعد عنها
لكن الاسبوع اللي راح
عرفت ان فيه رقم ٩٤٠ لامانه الرياض مرتبط في بلديات المنطقه الوسطى على مااعتقد لاني من الخرج
قلت خلني اجرب
وكلمت عن الحفره اللي مستقعده لي وحقيقه وشهاده حق ان تعاملهم وردهم رائع
وجتني رساله بالبلاغ ولاكملت ساعه الا كلمني مقاول من البلديه هندي وعلمته بالمكان وخلال ٤٨ ساعه تم رقعها
وكررت التجربه في مكان اخر وصار نفس الشئ وصرت اي شئ اشوفه سواء نظافه اوملاحظه او غيره اكلم
واحب اقول
اولا انا والله لااعمل في البلديه ولكن تجربه لو كل واحد طبقها ماشفنا حفر او على الاقل تقل الحفر
وان التعاون مع البلديه او التجاره او الامن مطلب وطني حقيقي للمواطن المحب لبلده ولمدينته وللحي اللي يسكنه
ثانيا احتساب اجر اماطه الاذى عن الطريق
ثالثا تفك المسلمين من الحوادث
وهالشئ انا قلته للبلديه و الكلام نفسه ينطبق على التجاره وغيرها
احفظو رقم ٩٤٠ وجربوه وبالتوفيق للجميع
إبلاغ
الردود
2
0
انت متاكد من كلامك !!!!!!؟
وان كان كلامك صحيح اجل بروح ارقع الرياض كامل
يله يارجال كل واحد يمشى واذا شاف حفر يدق عليهم علشان يرقعونه ترقيع
ومنهى تحافظ على مويترك ومنهى تكسب
أن شاء الله
والله يوفق الجميع ....
2
3
معليش غلطه مطبعيه
:)
1
1
يا بو سلطان ماعندك شي رقم يفكنا من الصيع يلي يلفون بهل الشوارع زاعجين خلق الله باخر الليل مثل كلاب الشوارع الفلتانه تفحيط ومهاوشات مع بعضهم واخر الشي صار اطلاق نار على بعضهم بل المسدسات وسكاكين
وبلاوي
1
0
2
1
+1
0
0
الامانات خاصة في المناطق الرئيسية شادين حيلهم في البلاغات لانها
صارت تحسب عالموظف المستقبل للبلاغات سواء ايجايبية او سلبية
ويحق للمواطن برضه رفع شكوى عالموظف اذا لم يرفع البلاغ
وللتاكيد يرسلوا للمواطن رسالة نصية انه تم استلام البلاغ بكود ورقم كذا..
وهذا الشي اللي خلاها تقوم بواجبها
والحمدلله عرفنا ان الامكانيات متواجدة عندهم ومستعدين لاي طاري
لاسمح الله على مواطن او مسلم في البلد
وياليت ثقافتنا حنا الشباب اي شي نحصله نرفع سماعة على اي جهة مختصة
تخص اعمالها
ومشكور عالموضوع الجميل +1
2
0
وش تخسر الامانه لو تسوي دوريات
مدينه الرياض كلها تكفيها من 30 الى 50 دوريه
ترفع تقارير بالمشاكل
حفر بيارات وانتم بكرامه
مجاري صرف حمامات مستهلكه
نظافه طرق اشجار طايحه ومكاب النفيات في الاحياء
يحطون فيها سواق وجهاز ارسال وجي ي اس
ومساعد سائق
فيه فلوس قاعده تنصرف مليارات المليارات
باقي ينتظرونا نبلغ عن حفره
3
0
0
0
موجوده عندنا بالقصيم وكثر دورياتهم اف جي
1
0
ياخوي المفروض الرقم هذا للطواري
الحفر اكثر من المشاكل وقطع الاشارات
مع هضا نشوف الشرطه.والمرور وانا.والله ما عمري
شفت دوريه الامانه هذي
1
0
بس صراحه سويت شيء مميز وفريد من نوعه الله يقويك انا اذا اكلت حفره في حاره اقدر اهدي
ﻻكن متى تحنب وتحط يدك على قلبك وتتشهد اذا كنت في خط سريع وتاكلها ورأسك يدق السقف وتسبسب امم ام البلديه والمسئولين
وشكرا'
0
0
الله يقويك
قبل 9 سنه و 2 شهر