45 الف اي موديل افالون تجيب لي ؟

ممكن 2005 او 2006

لكن ما أتوقع تحصل النظيف منها الا بشق الانفس ""






موفق :(

أنصحك تواصل مع العضو ابراهيم التركي بينصحك بالسيارة العمليه واللي على قد مبلغك والله يوفقك 

افالون 2006 الى 2008 فل كامل ليمتد لؤلؤي
لان اللون الؤلؤي مرغوب وحلو واختيار موفق رغم ان ارشح
لك النترا وكاله .

الله ييسر امورك ياصديقي .

الله يعطيك العافيه اخوي 07sbeshal

اخي ابو غيده جاري البحث عن العضو ابراهيم التركي

لاهنتم

الشمري الله يسعدك انا عندي عائله والسيارات الصغيره ما تناسبني

امين يا غالي

ما بتلقى نضيف افالون 
بس راح تلقى اوريون نضيف 
بس عيب الاوريون الداخليه مهي حلوه بس يمديك تخشبهها عشان تصير افضل

كابرس ٢٠١١ ماشي أقل من ١٠٠ ألف، أعتقد إنها أنسب سياره لعائله صغيره بهالمبلغ

اخوي اقل شي بتحصلها ماشية ٣٠٠٠٠٠ ابتعد لانها موتر خطوووط بتكون ع اخر عمرها عموما قيمة ٢٠٠٦ ذي الحدود 

الله يسعدكم يا اخوان ما قصرتو والله 

بخصوص الازيرا انا ودي فيها بس ودي الشكل الجديد 
والماركيز العين عليه بقوه وباذن الله بابحث 

طيب لو زدنا الميزانيه إلى 50 الف هل ممكن احصل افالون نظيفه او ازيرا 2012؟

السلام عليكم
ياغالي انا من القصيم
يوم الجمعه افالون 2008  فل كامل لون رصاصي فاتح امريكي
نظظظظظظظظظظظيف ماشاء الله تبارك الله
ماشي 90 الف ميل 
موتر مشروط من محركات وبودي
وصل بالحراج 40 الف
وراعيه حدها ب 50
وكان ممكن يبيع ب 48  لكن السووق تعبان
ونا لو معي فلوس ماخليتها تروح
السياره ماشاء الله وقفتها وقفه مللللك من النظافه

نصيحه انزل للمعارض وشووف بنفسك

تبي تشتري انزل المعارض وشوف حراج المعارض اوقات تلاقي فيه صيدات

لاتناظر للموقع ابد.. اسعار وهمية 

اخوي انصحك تنزل الحراج تدور النظيف تحصل سيارات صيده ... بالنسبه للأفلون تحصل بس ماشيه واجد 
كانك تبي سيارة عملية ومريحه وعائلية دور لك فورد او طلع لك النترا او سيراتو وكالة صدقني بترتاح وحجمها جدآ مناسب مهي صغيره

والله يوفقك ويسهل امرك

احسنت الاختيار افالون سيارة رائعة من افضل سيارات تويوتا السيدان
بس لو تزود المبلغ 10 الاف تضمنلك افلون نظيفة 2008 وممشاها على قدها
ودورلك على وحدة بالكثير فيها خدشة بالصدام اما يقولك مرشوشة افحصها فحص شامل 
ولو جا فيها ضربة او علة خله يدفع فلوس الفحص
وربنا يوفقك باختيارك 

بيض الله وجيهيكم يا اخوان وما نستغني