ممكن تفيدوني ياخواني الكبار خخخخ

كم عمررررك ياوليدي

تبي واسطه وانت باقي ما تعرف تسوق ههههههههههههه

انا برأيي خلك على الاوتوماتيك حتى تتقن سواقته بعدين روح للعادي

المقصد تعلم كيف تتعامل مع السياره بشكل عام بالزحمة و كل شيء

والقير بسيط اصلا حتى لو تجلس طول عمرك على قير اوتوماتيك ما عندك مشكله

الدعوه بسيطه

اقرب مخطط وفرفر فيه


مادام تعرف اوتو العايدي ماهو صعب

اذا تحتاج للعادي كمل تعليمك عليه واذا ما تحتاج اتركه 

لان با اختبار الرخصه مهوب  طالبينك تختار قير عادي

بكيفك تبي تماتك او عادي كلها نفس الرخصه 

وانا اخوك القير العادي حاول تسوق فيه في البر
او مزرعه لين تتعود تعشق بدون ماتناظر للقير
وعندي لك كم نصيحه اتمني تقبلها من اخوك

١- الدنيا ماهي طايره لاتسرع نهائي وامش علي مهل
٢- التفحيط وتجربتة انتبه منها لان تراه دمار للنفس وللمال
٣- رضا الرب من رضا الوالدين وعليك بطاعتهم وقضاء حوائجهم
فوق حاجات الناس لاتخليهم علشان فلان وعلان
٤- اعط الطريق حقه ولا تتسبب بدعوة عليك وحاول تكون
الدعوة لك

ابراهيم والله انك جبتها . قلت للوالد اشتري لي سيارة بتعلم علىها العادي قالي تعلم على الاوتو اللي معاي واذا جيت تطلع رخصه طلعها عادي وتعلم هناك ههههههه :( 
صاحب الموضوع ازعجتنا بمواضيعك ههههههه شوف لك شي غير السيارات ضيع وقتك فيه هههه امزح امزح . المهم اذا عمرك 17 تقدر تطلع رخصه صارت مع اخويا قبل 4 سنوات تقريبا راح مع الوالد وطلع الرخصه انصحك تتعلم اكثر لأن العادي اذا طفى عليك وقت الاختبار بترسب وتعيد الاختبار بعد اسبوع ( 3 مرات محاوله بعدها تسجل من جديد وتدفع ) 
________
على طاري سواقة العادي المفروض راعين التكاسي يسحبو رخصهم ويعلموهم من جديد ههههههه ما يعرف يبدل من الاول للثاني وتطفى عليه في اليوتيرن هههههه 

العادي سهل جدا ، تبي تعرف الوقت الصحيح للتعشيق اذا كان موترك 5 تعشيقات عطها الخامس واثبت على سرعه 120 اوك

بعد ماتوصل 120 لاحظ ضغط الدعسه ( RPM ) بالعاده اذا كانت 4 سلندر يكون على 3000 دورة بالدقيقه واذا هي 6 سلندر يكون على 2000 

الرقم اللي يثبت عليه موترك على سرعه 120 خلاص هذا هو افضل وقت للتبديل من الاول للثاني ومن الثاني للثالث وكذا  ، اتمنى تكون وضحت الفكرة

اللحين فهمني مين الي يسوق عادي.. اغلب السيارات قير اوتو غير الاجره 



طلع لك رخصه تماتيك وريح عمرك حتى الهايلوكس صارة قير تماتيك 


كم سنه وراح يختفي القيرر العادي شوف انا طلعت رخصه قير تماتيك والحمدلله عآآآيس 

عآيس // عآيش 


اسف اكثب بالجوال 

تبي تعرف انك سواق صحيح 

روح دور لك طلعه مثل طلعه الهدا خلي خشم الموتر في السماء ووراك حفره ...امزح امزح

اتحداك تشيل رجلك من الفرامل وتمشي بدون ماترجع
ان مشيت بدون ماترجع السياره ورى فانت اتقنتها
 اما اذا رجعت ومشيت فانت ما اتقنتها

الى أقصى اليسار وتحشر عصا الغيار بالزاوية هو رقم1* وتمشي السيارة بس تصل سرعة 20
 ارجع بالعصى مباشرة للخلف يركب الغيار الثاني بس تصير السرعة 40 اخطف العصا اليى المنتصف والأمام يركب الثالث*
بس تصير السرعة 60ارجع بالعصى الى الخلف مباشرة يركب الرابع *بس تصير السرعة ثمانين وما فوق**
 اخطف العصا الى أقصى الزاوية اليمنى والأمام يركب الخامس * ومع الممارسة من صوت المحرك تعرف انه يريد تغيير النمرة *
 طبعا كل هذه الحركات تكون رجلك اليسرى  على دعسة الكلتش عند التغيير للصاج  والبنزيين بالرجل اليمنى مرفوعة
 وبعد الافلات للكلتش تعطي بنزين مباشرة ** وأصعب شيء للسائق الجديد هو الوقوف بطلعة عند اشارة
الخطر أن تفلت السيارة الى الخلف او تنطفء واسمع بواري ليوم البواري من الخلف ** لذالك تكون رجلك اليمين  على الفرامل  واليسار على الكلتش 
وبريك اليد مشدود* عند النطلاق وبحركة سريعة تدعس بنزين وتفلت البريك اليد وتشيل رجلك بهدوء عن الكلتش وتنطلق السيارة بدون مشاكل **
وللخبراء بامكانك توقف السيارة بالطلعة على الكلتش وذالك برفع رجلك عن الكلتش بهدوء مع دعسة بنزين متوسطة حتى ترتج السيارة 
بين التشغيل والاطفاء مع الاستمرار بدعس البنزين وعند الانطلاق ترفع رجلك نص رفعة عن الكلتش مع البنزين **

تعلم على العادي جيداً ولن تواجه مشكلة في قيادة أي سيارة مستقبلاً 
" نصيحة والدي رحمة الله عليه " , موفق 

انت الحين كمل توماتيك لين تتقن السواقة بشكل عام وتتعود على الزحمات وكيف تتصرف بالسيارة في حال الوقوف المفاجى وتعرف وزنية السيارة الخ ...

واذا تمكنت منها مررة بعدها انتقل للعادي حنا تكون انت عارف اساسيات السواقة يعني عارف وشلون تتجاوز عارف كيف تهدي اللهم زاد عليك موضوع الكلتش وبكذا بيصير الموضوع عليك سهل جداً


يعني انا يامكلمك اعترف توني متعلم العادي من سنة وانا اسوق لي 7 سنوات تقريباً لكن لما سقت العايدي مافرقت معي لأني ولله الحمد عارف وزينت الموتر واعرف كيف اتصرف في الزحمات اللهم اني بديت اعود نفسي على الكلتش وانسى التوماتيك ودعست فيها والله متعلم من موتر شركة عطوني اياه اخلص مشوار لهم وعطوني اكسنت 2012 وبعدها خذيت الايسوزو وصرت اروح للغرفة التجارية في شارع الوزارات وزحمة واقومه كنه توماتيك بدون مبالغة لأني تمكنت منها مررة بسرعة وفي وقت قياسي


بالتوفيق

المشكلة يا اخوان الي بيقولي اتعلم اوتو بعدين ارجع للعايدي العادي ماعندنا غير كورولا وهايلوكس الكورولا ماقدر اتعلم عليها يعني مرة او مرتين بالكثير ف الشهر 
الهايلوكس قدييييم والقير قاااسي هههه و طويل 
بالتسبة للاوتو عندنا لكن كلها حقت اقربائي ماقدر اسوقها لانهم سفريات شغل كله بيسارتهم
فكرت اشتري اكسنت قديم اوتو او اكورد ٢٠٠٦ اوتو برضه هل تنصوحني اشتري بس عشان اتعلم عليها ولا مايستاهل اني اشتري سيارة