أضف سؤال أو موضوع جديد          

كم سعر طبلون الفورتشنر تشليح ؟

up 1 down 2
bakeetdo99 84
قبل 6 سنه و شهر



ودي اعرف كم اسعار طبلون الفورتشنر بالتشليح ؟ 
وهل يمكن احصله تشليح الحاير ؟؟؟

وطبعا سبب تغيير الطبلون لأن فيه بعض الامبيرات إضائتها لاتعمل ولا لقيت حل لهاذة المشكله وكل مارحت لكهربائي اما انه يقول ما اعرف او ا نه يطلب مبلغ خيالي ،،، قلت في نفسي خليني  اشتري طبلون جاهز وخلاص ،،،،

على العموم اللي عنده اي معلوم عن هذا الموضوع يتفضل لايبخل علينا بها ،،،، وشكرا لكم جميعا ،،،،







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فك العدادات وغير اللمبات فقط . بتخسر نفسك 500 ريال او اكثر عشان لمبات سعرها ما يتعدا 50 !!


up 2 down 0
ahmed195 1821
قبل 6 سنه و شهر



عليه طلب الطبلون لكل السيارات وسعره غالي في التشليح


up 0 down 0
موبار اونلاين 706
قبل 6 سنه و شهر



لليارس مرة سألت قاللي الزول

650 وكمسين آآآآآآآآآآآآآآآآآآآآآآآآي

قلتاليلو غالي يا عصمان

قاللي ماداير تاشيلووو زوتمية وكمسين اخر آآآآآي

عاد الفورتشنر يمقن اغلى

انا اقولك ابحث باليوتيوب طريقة فتح الطبلون لنوع سيارتك ترة سهل افصل صبع البطارية وشمر ساعديك و [ اتعلم] كل الهرجة لمبة صغيرة وان لم تكن اللبمة على الاقل تستبعد اختيار اللمبة معطوبة ويكون تعلمت شيء عن سيارتك


up 0 down 5
ryyan555 702
قبل 6 سنه و شهر



اذا انت بالرياض

رح للغرابي محل التمران وفيه كم محل حوله يغيرون لك الاضاءه ويركبون لك لمبات للطبلون ليد عادي

اللي تبي بلا طبلون من تشليح بلا خرابيط

والشغله كلها ان كثرت 300 ريال


up 0 down 0
amear 1347
قبل 6 سنه و شهر



سعر الطبلون كامل في الوكاله من 2500 لي3000 وعساك على القوه


up 0 down 0
ابو مساعد 1234 66
قبل 6 سنه و شهر



اذكر واحد من العيال انسرق الطبلون حق موترة هوندا اكورد ماشي ثلاث الاف بس 
راح التشليح يدور لقى له كذا واحد ولا يدرون من الممشى وارخصهم قاله خمس الاف 
مر الوكالة قالوا له ثلاث الاف والممشى اصفار مع التركيب وكل شي 



up 0 down 1
ابو فرح مازدا 538
قبل 6 سنه و شهر



صباح الخير للجميع


من واقع تجربة لي من فك وتركيب العدادات وكثرة التجارب في العدادت منها الي نجح ومنها الي خرب عندي




حبيت ابين لك شغلة بسيطة ان عداد الفورشنر والانوافا الفل عداد ليـــد (( نفس اللكزس الانوار الداخلية )) وانت الي عندك انوار الامبيرات محروقة فقط وامرها ان شاء الله بسيط اذا انت من سكان الدمام تواصل معي افك لك العداد ونروح محل تركي فنان في بداية شارع الملك سعود (( شارع تايوتا )) قريب من الكبري المعلق تراه جيد وشغلة مظبوط فا اذا انت من اهل الشرقية تواصل معي 0502477675 ابوفهيد كلمني اتواعد معاك وافك لك العداد واركبة بدون مقابل نمر المحل يظبطة لك اذا يعرف ونرجع اركبة لك طبعا لاتشيل هم روحة رجعة على سيارتي الخاصة والعدة عندي كاملة + عشاك عندي لوحبيت




فقط احتاج دعوة طيبة منك في ظهر الغيب لي وليشيباني +1 تستاهل


up 2 down 0
maldkheel 521
قبل 6 سنه و شهر



يا صاحب الفورتشنر لا تخاف ترى فك الطبلون سهل كلش كلبسات وان كثرت مسامير مربع فقط لا غير واخوك ابو فهيد ما قصر ماشاءالله عليه


up 1 down 0
ryyan555 702
قبل 6 سنه و شهر



اذا انت بالدمام 

في محل اسمه العناية المصرية في شارع الملك سعود

سألته عن تغيير لمبات الطبلون 

قال 150 

واي لون تبيه بعد


up 0 down 0
dammam611 127
قبل 6 سنه و شهر