اف جي او يوكن2007

إذا أنت راعي طعوس أف جي

إذا سفريات وداخل المدينة يوكن وأفضل الإكسبدشن

طبعا في كلا الحالتين أهم شي النظافة


بالنسبة للون المرغوب ما أدري

اخوي خذ لك يوكون وريح راسك بلا اف جي بلا خرابيط كل سيارات تويوتا انهبلت ماعاد بقى فيها الصاحي الا الافلون 

خذ يوكون اسود او لونه المرغوب اتوقع سمني او حجري او ذهبي وارتاح من تويوتا وبعدين الاف جي كنه دباب ما غير يحن وثقيل 

خذ لك بس يوكون وبتدعي لي ان شاء الله 

شكرا لمروركم و لوقتكم مع التحية 

بس عندي استفسا ر ليش سعر اﻹكسبدسن رخيص مقارنة بأبناء فئته

يوكن افضل
بس حاول تاخذ ٢٠٠٨

يوكن يالغالي
بدون اي منافسة

اسعار الاكسبيدشن رخيصه
لان شركة فورد ماعندها الطمع والجشع الي عند باقي الشركات الي الدور الربح دبلات

ال اف جي اي لون الا الاصفر والازرق والعنابي 

اما اليوكن الاسود ةالذهبي والفضي 

الالوان المرغوبة من وجهة نظري 
---------------------------------------------

بالعربي بين قوسين (( اذا انت شباب اف جي و اذا عايلة يوكن )) 
مايبيلها واحد اثنين 

بس اهم شيء اليوكن دبل اذا انت راعي طعوس 

مروركم شرف لي و شكرا على النصائح انا على اﻷغلب قررت اشتري يوكن ان شاء الله و لو احد يقدر يغيدني بانواعها و اي نوع افضل بكون من الشاكرين

لا تاخذ الا فل طبعا اذا بتشتري من صاله امريكي يعني لا تاخذ الا فل فتحه وشاشه وجلد ومراتب متحركه 

بس انصحك ابعد عن الدينالي تراه غثيث وبيعته للاسف صعبه 

مره خويي راح يبيع دينالي يقول جلست بالساحه ساعتين حتى ماحد مر علي وقال كيف الحال هههههه 

واللون المفضل هو الاسود والذهبي والعسلي هذي هي افضل الوانه 

واهم شيء افحصه بفحص معروف وعنده ذمه وافحص الموتر شامل بودي ومحركات 

والافضل انك تشتري 2008 صح انه غالي بس يمدحونه اكثر من 2007 

تحياتي لك 

شكرا جزيلا كفيت ووفيت الله يجعلها بميزان حسناتك 
بصراحة كنت مفكر بالدينالي بقولوا انشط و مواصفات عالية بس دحين رح آخذ بنصيحتك يوكن فل 2008 تحياتي للجميع واحلى لايك

الله يسلمك ويجزاك خير 

هالمنتدى ما حط الا عشان نستفيد من بعض ونتشاور فيه وانا ما سويت الا الواجب 

والله يرزقك بالموتر اللي يسرك وبالسعر اللي يرضيك 

الله يعطيك خيره ويكفيك شره يارب 

أف جي ولاتشاور موتر يملا يدك
إن بغيته بر وإن بغيته صحراء وإن بغيته مدينة وإن بغيته بيع
عيبه الوحيد قزازته الأمامية واقفه أي حصاة تشعرها