قصة صاحبي .. انضحك عليه بكامري سعرها 25 ألف ..التفاصيل ..
7
3
إضغط هنا للإخفاء
السلام عليكم ورحمة الله وبركاته ..
لدي صديق .. كان يبحث عن سيارة تناسبه
لأنه اتعرض لحادث اجارنا الله واياكم .. وبعدها أصبح بدون سيارة
وباع شيء ثمين علشان يحصل على سيارة تناسبة ويرتاح من هم المواصلات ..
كان لما نزور المعارض .. ونشوف سيارة تعجبنا .. الدلال يرفع العيار وندعس لها
مرات يطلع دخان يعني من وجهة نظره مبوشة .. ويمكن هالكلام صحيح
وحصل كامري 2004 قسما بالله وكالة جديدة ونظيفة جدًا ماشية يمكن 270
سعرها 20 الف .. وقاله انها مبوشة ما تنفع .. مع ان ممشاها قليل وانا مرررة حبيتها
بس في النهاية قال ما يبيها .
المهم جاه دلال ثاني ودله على كامري 2007 .. وفحصناها عند واحد فنان "يقولون فنان يعني"
وقال لصاحبي اتوكل على الله السيارة مو مبوشة ومية المية وتخدم معك .
المعروف ان موديلات 2007 مكاين المنيوم تنقص زيت .. بس بعد الشراء والانتهاء من الاوراق
ما قعدت معاه شهر .. الا والزيت يختفي مادري وين يروح ..
يقول راح مشوار لجدة جاء يعاير الزيت ما لقى فيها ولا قطرة ...
وحاليًا كلموه لازم يوظب المكينة أقل شي ب 5 ألف
مع العلم ان السيارة ماشية 4 مائة ألف ..
نصيحة السيارة لو كانت تمام ونظيفة وممشاها قليل خذها
أي سيارة مهما كانت نظافتها .. أكرر مهما كانت نظافتها وممشاها كثير وماتوظبت قريب
لا تاخذها ولو بألف ريال ...
حبيت الكل يستفيد من هالموضوع .. لأن فيه كثير ما تفهم في السيارات
وتشوفها نظيفة تقوم تشتريها وتنتكب نكبة العمر
والله يوفق الجميع
إبلاغ
سيارات للبيع
الردود
ممكن كان فيه تهريب في الصوفه وخويك راح لجده والزيت انتهى وبوشت
ليه من اول ماشيك عليها قبل يسافر
0
3
و الله مدري بس يمكن اقول بنفسي انت غلطان
المفروض انت بنفسك تقلَب السيارة و لا تعطي اي فرصة لا لدلال و لا للشريطي و يجيك و يقلك تعال عندي
سيارات نظيفة...و لا تعال عندك السيارة هذه ....
المهم الله يعوض خويك و ان شاء الله خيرة له
1
0
آمين , لا ما اظن .. لأن لو ملعوب بيظهر الممشى قليل
**نفر كويس ميه ميه
مافي آثار بوش ولا أي آثار للتهريب.. شيك عليها هو ..
بس زي ما ذكرت ان هالنوعية تحرق زيت من المكينة المنيوم
وغير كذا قالو له ضروري توضيب .. مع ان مافي اثار بوش!!
هذا اللي مجنني
0
0
فيه سيارات ماكملت مية الف ولقيتها موظبه وفيه سيارات ماشيه كثير ومكاينها نظيفه
والعبره ماهي بالمشي كيف كانت تستخدم السياره ولو تلاحظ السياره المعروف صاحبها واطريقة استخدامه يندفع فيها من معارفه اكثر من سعرها بالسوق لانها مضمونه
اذا بتشتري من السوق لازم تفحص عند واحد انت تثق فيه وفوق ذا ماتاخذ بكلامه تجرب بنفسك اذا عندك خبره او تاخذ معك احد عنده خبره صحيحه ماهو هرج بس وبعد الحرص ذا كله تعمل حسابك انك راح تلاقي اعطال اذا كانت بسيطه فاانت توفقت بالسياره
4
0
بالعكس وديناها عند اخويانا وفحصوها بنفسهم .. وخويي واثق فيهم
بس بيني وبينك قبل نشتريها ما كان ندري بالممشى ..
شاف في العداد حق الزيت وع باله هو الممشى ولا سألنا صاحبها عن الممشى
1
2
شوف أنا متفق معك مية بالمية .. ان الاستخدام مهم جدًا
غير كذا أي سيارة ممشاها كثير ابعد عنها .. والدليل في السوق دايم لما اروح المعارض
الكل يهرب من السيارات اللي ممشاها كثير مهما كانت نظيفة ...
لأن البساتم والسبايك وأمور كثيرة لها عمر افتراضي حتى لو استخدامك حشمة .
واللي ممشاها قليل واتوظبت .. هذي ترجع لأسباب كثيرة مثل اهمال الزيت وعدم تغييره
لأنه يتحول لشحم ويسدد مجاري الزينت وتنتج عنه مشاكل
1
0
وبعض الامور اتفه من المكينه تكرهك بالسياره بالذات بالسيارات الحديثه وهي مشكلة العضلات اللي كثير يهملها وتتوسع المجاري اللي تركب فيها او يروح لورش ويخترعون له بالسياره وسحب شاص وقص وتلحيم وقتها تغير كل شي وتبقى السياره زي ماهي. وقيس عليها الكهرباء وغيرها
ليتها مشكله مكينه تتوظب او تتغير وتنتهي
1
0
صدقت والله .. انا قبل فترة كان عندي مشكلة بالكامري موديل 2002 .. عزمها مرة طايح ..
وبعد خساير وروحة وردة .. اكتشفت ان المشكلة من حساس خلف المكينة ضبطته يمكن ب 60 ريال
قطعة وتركيب .. والحين ماشاء الله .
وشراء السيارة يبيلها واحد فاهم فعلاً .. لأن زي ما ذكرت السيارة اللي اتغير لها اشياء كثير ينخاف منها
عكس لما تكون مشكلة وحدة وتحصلها جذريا .
نسأل الله السلامة
0
0
...........
0
0
وجلست شهور قليله جدا وخبطت وباعها ..وصاحبها الجديد ركب لها
مكينه 2007 جديده من دبي ووالله العظيم خبطت ووظبها وخبطت
وانا شخصيا كانت عندي كامري 2011 خبطت بدون مقدمات على
ممشى 200
عموما معروفه الكامري جوده وخدمه بس مشكلتها تنقصصصص
وتنقص كثير والله على كلامي شهيد .
1
0
وصاحب الموضوع خله يبيعها ويشري موتر يخدم مثل الكورلا او كراون فاكتوريا او النترا
+1
2
3
أعتذر من صاحب الموضوع*
كورلا2006 كم تسوى
قير عادي الزجاج أتماتيك
صدامات مرشوشه
الممشى دون 300الف
0
1
فيه سيارات 2000 - 2005 ممشاها 250 الف تقريباً .
لكن كلها حكات و قرقعه و السبب اهمال صاحبها .. وفيه العكس اعرف واحد معه 2007 ماشيه 420 الف ..
0
0
0
0
الله يعوضه إن شاء الله
سيارة بهذا الممشى لو وكالة ما أخذها ممشى كافي جداً لسيارات لها عمر إفتراضي , شكراً على النصيحة
0
0
0
0
اكثر من 600 الف مع المحافظة والاهتمام المستمر والاستخدام الهادئ.
اكثر من 300 الف مع المحافظة والاهتمام النسبي والاستخدام المتوسط
تقريبا 200 الف مع الاهمال والاستخدام المتوسط
اقل من 100 الف مع الاهمال والاجهاد الشديد
0
0
يعني تروح تشتري موتر 400الف ماشي ايش تتوقع منه مكينه وقير وعضلات
خلاص صاحبها حلل سعرها كرفها لي 400الف وهي 4سلندر يعني المكينه ماتحمل هل كرف اساسا
0
0
قبل 9 سنه و 9 شهر