رايكم في الموتر التأجير المنتهي بالتمليك

خذ قرض شخصي من البنوك مثل بنك الرياض لازم تكون موظف لك 3 شهور فقط 
واشتري السيارة باسمك احسن من التاجير !

الناس اللي نصحوك تبعد عن الايجار خلهم يسلفوك مبلغ وتشتري سياره وتقسط لهم ...
صدقني انت اللي بتداوم ومحد منهم بيقولك هذا موتري داوم فيه .. 
شوف لك سياره يقكون قسطها مناسب لك عشان ما تنضغط 

والله يا عزيزي التاجير المنتهي بالتمليك واضح من اسمه و انا سالت قاضيي محكمه جارنا 
قالي اي شي يدخل فيه عقدين حرام 
وانا اعرف كثير ناس يا يصدم ي تصير له مصيبه بالسياره 
نصيحه اذا قدرت تصبر وتاخذ لك سياره كاش احسن لك وتكون بقرض عشان الفائده تكون اقل بانسبه لك

انا افضل أخذ تأجير منتهي بالتمليك ولا أخذ قرض عشان اشتري سيارة لعدة أسباب
من ضمنها التأمين الشامل، وطرق التخلص من السيارة لنفرض انك اخذت سيارة وبعد سنة مثلاً حبيت تغيرها تقدر تتنازل عنها.
انا انصحك تفكر بالموضوع وتقيسه من كل الجوانب سوا على القرض او التأجير وتشوف الانسب ولف على كل البنوك وشوف مين الاقل فيهم ومين شروطه تناسبك اكثر ولاتستعجل.
ولاتتهور وتاخذ شيء اكثر من طاقتك.

ياشباب لأحد يفتي من كيسه 
كان حرام وبعدين حطو شروط للحلال 
وانت خذ العقد ورح شيخ ويعلمك هو حلال والا حرام 
والحلال له ثلاث شروط 

نصيحه أبعد عن المنتهي بالتمليك 
1)الرسوم الادرايه
2)أذا تبي تنهي العقد لأزم تدفع 5000لشركه

الي اعرفه والله اعلم ممكن كل شخص له حالته ، لكني  شفت كثير ناس هنا في الموقع تشتكي من الايجار منتهي بالتمليك ويقولون اذا صدمت فيها ياخذونها منك  تالف ، انت روح اسالهم وشوف وسأل عن مشروعيتها حلال ام حرام الحرام ما فيه بركه والله اعلم 

نصيحة ابعد عن التاجير المنتهي بالتمليك
بدايته حلو انك اخذت سيارة لكن بعدين تتندم لما تشوف ان راتبك راح اقساط 
نصيحة خذلك سيارة على قد الحال واذا اطريت للتاجير المنتهي بالتمليك خذلك
سيارة مايزيد قسطها عن ١٠٠٠ ريال وواضب على السداد
 وبالتوفيق لك 

انا اشوف التاجير له ميزات اذا توفرت فيه بعض الشروط
امكانية ترجيع السياره او التنازل عنها وكذا تفتك منها 

عكس القرض اللي اذا اخذته راح تبقى تسدد   طول الوقت وماتقدر تتخلص منه الا لمن تسدده كامل

والله الذي لاإله الاهو ان مواتر التأجير المنتهي بالتمليك مافيها خير وبركه اذا تقدر تصبر وتجمع كم قرش او خذ قرض وانا ماأقول الا حسبي الله على اللي منع الاستيراد وخلى الشعب يضطرون للحرام .

الله عليك يابو غاليه تسلم يمينك على الرد 

على قد لحافك مد رجليك
اشترى سيارة مستعملة و لما ربنا يفتح عليك اشترى جديد
ابعد عن الدين فالدين هم و غم ليل و نهار
و لو صدمت منك خسرت فلوسك و الدين باق فى رقبتك

من تجربة شخصية ومن تجربة اكثر من واحد اعرفهم عز المعرفة

السيارات المشتراة بنظام الايجار بالتمليك ما فيها بركة ابداً وغالبا يجيها

اكثر من حادث أو تبهذل راعيها بالخرابات بعد نهاية العقد أو تروح تالف

(مهب شرط يكون الحادث قوي ممكن يكون عادي لكن تكلفة التصليح

تتعدى ٥٠٪ من قيمة السيارة وبالتالي تعتبرها الشركة أو البنك تالف

وهذي صارت لي شخصياُ) ، غير كذا ما تقدر تتصرف بالسيارة كونها مهيب

 بسمك (مثلاً لو راحت السيارة تشليح ماتقدر تبيعها البنك يتصافى مع شركة التأمين

ويقفلون لك العقد) وكذلك مهب كل البنوك تقبل التنازل عن السيارة أو ترجيعها ولو قبلت

تكون هناك شروط صعبة. شوري عليك اذا قدرت اشتر موتر كاش ولو مهب ذاك الزود

واذا انحديت على القروض فخذ قرض شخصى على الأقل تكون السيارة بسمك وتقدر 

تتصرف فيها 

اخوي سيارته اجار تمليك وللان ماصدم بها وباقي ممتازة

لها معه ٨ سنوات 

سيارتي داخله في الثالث والحمدلله امورها طيبه

اقاربي ايضا اغلبهم اجار تمليك وماشية معهم

خذ ايجار مع الوعد بالتملك

تراها افضل بمليون مرة من الكاش

انا ابنصحك نصيحه وكلن ورايه ولا انت مجبور تاخذ رايي 
التاجير المنتهي بالتمليك بغض التظر عن الحلال والحرام ماعرف فيها شي ولا ودي ادخل نفسي وانا ماعرف 
ثانيا الايجار له ايجابيات  وسلبيات 
ايجابياته
ان الموتر عليه تامين شامل على ما اضن
وايضا تقدر تتنازل عنها فاي وقت مثلا اذا لاقدر الله انفصلت من وظيفتك او صار لك ظرف تحتاج راتبك فيه  تقدر تتنازل عنها وترتاح ولا كانك شريت سياره
والقرض فيك فيك بتسدده كامل ولافيها نقاش 
بيفيدك اذا اخذت قليل  
واللي يقول اجمع راتبك واشتر كاش كيف اجمع ونا محتاج موتر اللحين ولو جمعت ماراح اجيب الا سياره مستعمله وموديلها قديم انا ما اقول ان كلامكم خطا لا والله 
لكن ماينفع او مايتناسب مع الظرف اللي امر فيه 
وانا الان ماعندي سياره ومتوهق وان شالله ابطلع سياره تاجير واستعملها مده وبعدها بتنازل عنها لاني اشوف نفسي ماراح اقدر اسدد فيها خمس سنين  
وبالتوفيق للجميع

نصيحة مجرب قبل شهر تقريبا 
اذا البنك ماقبل يشتري لك سيارة واخدت عن طريق شركة تأجير والله ثم والله ان الأرباح حقهم توصل 12 % واحيانا اكثر
وانا كنت بشتري التيما فل عن طريق شركة تأجير وكان المبلعع كامل 155 الف ريال والحمدلله اني هونت وبشتري لي مستعمل احسن لي مية مرة

المشكله مو بالبنك المشكله بالفل كامل