من لديه الخبره في لاندكروزر

طبعا أقصد 2007 إلى ممشاه دون 70 بالكثير 

فرق 8 سنين وتشاور :) 

بدون تفكير 2015 

إذا كلهم قير عادي، أنا مع ال ٢٠١٥.
لأن ال ٢٠٠٧ ماشي قليل، بتحصل سعره فوق ال ١٠٠
إذا بتدفع فوق ال ١٠٠، خلك على الموديلات الحديثه

الجديد اضمن ومكينه اقوى والبدي اخف وزن
انا ارشح لك ٢٠١٥

بس المشكله يااخوان 
يقولون الجديد قوت مكينته 4000 والقديم 4500 
المكين الجديده هل ماقيل عنها صحيح تبرد في الطلوع نرجو الرد بكل 
امانه بعيدا عن العنصريه ومن لديه أي عيوب في النوعين الرجاء ذكرها 
والله يااخواني خايف احط فلوسي واتحسف عليها 
علما اني لقيت 2007 ماشي 50  GXR3 طالب 165 الف قير عادي 
وعلما  GX 2015 أصفار حول 180 الف قير عادي 
وكل ماقبلة واحد قال 2007 وبس ومايطيح مع الطلوع ومكينه رأس واحد 
ومافيه تركشن للبر أخير لك والعذروني علی الاطاله 

خذ لك 2015 أضمن لك و أول من يسوقه انت

خذلك 2015. جديد وكرت وضمان…  وريح نفسك. واكشخ. مع الناس2007 قديم ويمكن ملعوب فية لان عندنا بعض الناس ما تخاف الله… .. ولد عمي شرا 2002 كرت وفحص كل شي كويس بس يوم طلعه من المعرض ما وصل اخر شارع المعارض الا وهو مبوش.…  ويوم كشف علية عند الورشة. طلع ملفق الماكينه

2007 اذا لقيت واحد ثقه 2015 اكيد كويس بس قيمت ال2007 فيه وما تنقص ال2015 طلعه من المعرض على الحراج وشف كم يفرقون 

والله الجديد افضل وعلی يدك وضمان وكالة افضل من 2007 اللي ما تدري وش في بطنه بعض السيارات ماشي 50 الف كلها استخدام طعوس ولاعن والديه فنصيحة الجديد افضلك
موفق

2015 و بس 

انت مصدق ان اللي موديله 2007 ماشي اقل من 70 الف؟؟ 

والله اشم ريحة نصب كبيرررررة بتاكلها لو انك شريت موديل 2007 

اخوي انا توني بايع لاندكروزر من شكل الـ2007 و لي اكثر من 14 سنه وانا اسوق اللاندكروزر من موديلات 98 - 2007
و ولد عمي معه GX 2014 سته سلندر قير تماتيك
و دايم نكشت سوا و ندخل انواع التضاريس المختلفه 

فرق السماء عن الأرض بين الـ2014 وبين جيل الـ2007

تقاومت انا وياه خط وراح عني بمسافه .. 
و جربت موتره في النفود .. ونفود الدهناء هيار اقشر يهد حيل الموتر مع ذلك ماشاء الله عليه يتندح كأنه غزال
مدري من وين جابو الناس مقوله ان المكينه الراسين ضعيفه !
271 حصان فيها حقها + لها افضليه في توفير الوقود .. موديلات 2007 وتحت اسألني عنها تلهف البنزين لهف خاصه السته سلندر .. الفكسار الثمانيه يمكن اشوا شوي

انصحك خلك على الجديد خذ كلام مجرب 

أضم صوتي للشباب وأنصحك بالجديد 2015
وللعلم أخوي (موادع) ترى اللاندكروزر ينتظره
فيس لفت (تعديل في الواجهة والخلفية) في الموديل
القادم 2016 .. ويتوقع وصوله للخليج في شهر 10
القادم .. وبالتوفيق طال عمرك .

2015 الجديد طبعا افضل بدون مقارنة ونزل 8 سرندل GX راح يعجبك

خلك على الجديد أفضل

شاكر لكم إخواني 
وتعبتكم معاي وبيض الله وجيهكم 

ياخواني نويت أخذ جديد أفضل وارد 

صــحـيـح إن 2007 شــيخ ، وشكله أجـمل من الجـديد بلا مقارنة ، لكــن الجديد يضل أضمن وأفضل وعلى يدك ..
الله يعطـيك خيره ، ويكفيك شـره مقدماً ،،

اخوي ٢٠٠٧ سوقه فيه لانه ياباني ولكن اذا ماكان vxr انسى وبتحصله ب ١١٠ وفوق والنظيف يوصل ١٣٠٠٠٠ لذلك طقلك ٢٠١٥ لان اللاند اغلبه مهلوووك بالبران والطعوس 

اليحيى افضل شيء