ماهو افضل زيت لجيوب التويوتا لاند كروزر ؟

مومهم نوع الزيت اهم شي اللزوجه المناسبه للمحرك ونوعية الزيت اصليه مايكون مكرر والأفضل التخليقيه بالكامل

زيوت بترومين ممتاز من تجربه ..

الافضل لزوجة 5-30 ويمشيك 10 الاف 

اما بخصوص بترومين 

فانا استخدم لسياراتي بترومين A1 واشتريه بالكرتون سعره 260 ريال فيه 12 علبه 

اقراء عنه في النت ورح تقتنع من تجارب الاخوان 

طبعا سعره في البناشر للعلبة الواحده 45 ريال يعني سعر الكرتون دبل 

موفق 

امش على الكتالوج ونفس ماقالو لك الاخوان اهم شي اللزوجة
البارح عند البنشري راعي لاند 14 يغير زيت ويقول السيارة باردة من شغلتها وديتها
للبنشري على طول وخايف لان السيارة باردة مايطلع كل الزيت 
ويظل زيت قديم بالمكينة ويقول لليمني ترا بذمتك لو صار شي للموتر 
واخرة هالحرص على السيارة يحط زيت تايوتا لزوجة  50w20 !! 

 w.asa  شركة تويوتا اليابانية عندها زيوت بلزوجه 5-20 و 5-30 و 10-30 ولها صور في النت 

لكن الوكيل هنا متمسك بلزوجة 20-50 اللي هو من قلف لانه رخيص ويكسب منه 

خويي معه سيكويا وكان ماشي وقتها 10 الاف وصوت المكينه حدث ولاحرج 

نصحته بلزوجه 5-30 وكان متخوف منها قلت له غير منه وعلى مسؤوليتي 

غير منه وهداء الصوت والان ماشاءالله تعداء الـ 100 الف ومايغير الا كل 16 الف بحكم عدد العلب 8 علب 

وكل واحد حر في حلاله 

موفق 
 

عبد العزيز  مو غلط يمشي عليه ١٦ الف
حتى ولو ٨ علب
انا سيارتي سبعه ونص و اغيره على ٨

i6rb والله الرجال شغال في مختبرات ارامكو ومره اخذ عينه من الزيت وهو ماشي 12 الف يقول اللزوجه زي ماهي ماتغيرت اللهم اللون فقط متغير وصار بعدها يمشي 16 الف وبعدين كل مازاد عدد العلب اكيد رح يزيد الممشى والا على كذا خلني اغير زيت معدني 8 علب وامشي عليه 8 الاف وحتى مكتوب في كتيب المالك للاستخدام الشاق التر يساوي 1000 كيلو صدقني الزيوت تطورت عن اول وحنا باقي متخوفين ... تحياتي 

ماهو افضل زيت للجيوب

انا غيرت من الزيت العادي الى زيت بترومين A 1 وحاول تشتريه بالجملة ممتاز والسيارة دقيقة الا وهي محتمية عكس الزيت العادي

ي الربع ماهو افضل زيت للاندكروزر جيب 99 وأيش رأيكم في زيت تايوتا علب لزوجه 20 .50

زيت الجيب غيره على حسب الكتالوج وليس حسب المنتج المسوق له من الوكيل
وشي جميل الاخوان بدأو يتثقفون عن الزيوت ولكن في مواطير راس واحد وبعضها يحتاج زيت ثقيل والمواطير اللي تجي راسين تحتاج زيت حفيف لصعوبة دورانه في المكينة
ولكن الخفيف في الخارج مثل الثقيل عندنا

يا جماعه كل الزيوت جربتها بس زيت بترومين A1 5.30 لا لا يقاوم زيت من الجوده العاليه
ويصلح لأي سياره ممممتاز خفيف على المكينه ولا يخرب معك
البلوف

5w30 ليس مصمم لاجوائنا عندي في كتلوج سيارتي مكتوب للاجواء البارده حتئ لو تخليقي بعض السيارات تبخره وينقص الزيت المناسب لاجوائنا 15w40 او 20w50 وللجيوب 15w40 اللي هو 4×4واللي يقول شف غطاء المحرك انا اقول شف درجه حرتره بلدك لان المصنع يكتب درجه حراره جوه

ارجع لدليل المالك وبتلقئ الجواب الشافي الشركات المصنعه ماوضعت الارقام عبث لو المساله بالنفسيه كان قالو كلن يختار زيته بمزاجه ويقصدون 5w30 افضل قصدهم انشار وقت التشغيل ولكن لاجوائنا شديده الحره ماتفع الزوجه الادنئ اتمنئ اني افدتك

طيب وش الزيت المناسب علمن ان سيارتي لاندكروزر 6v 2010
وكم الزوجة المناسبة

في الصيف الحار يفضل ان تكون لزوجة الزيت 10w40 او 20w50 >>>>>>>> اما في الشتاء البارد يفصل ان تكون لزوجة الزيت 5w30 ....... والعلم عند الله

عندي سيكويا ٢٠١٢ ومحتار وش الزيت المناسب علمآ بان الزيت الحالي هو كاسترول مقنتك 10w40 وغيرت تخليقي فوكس تيتان سوبر سن 5w30ديكسوس .. ومشيت عليه 1500 كيلو ونقص كثير .. وشغلت السيارة ومع التشغيل طلع دخان كثيف علمآ بان السيارة ماشية 105الف كيلو

عندي جيب لاندكروزر ٢٠٠٢
٦سلندر وش افضل زيت

عندي شاص 84 وش افضل زيت له

السلام عليكم ورحمه الله عندي جيب ٢٠١٥ ماشي ٢٠٠ ومحتار في الزيت وجوناسلخ افيدوني جزاكم الله خير