أضف سؤال أو موضوع جديد          

مواقف مضحكه او محرجه لك في تعلم قيادة السياره

up 11 down 6
سعد خليل 6152
قبل 9 سنه و 2 شهر



اليوم نبي نتكلم عن مواقف مضحكه او محرجه لك حين تعلمك السواقه
وكم عمرك حين تعلمت القياده؟
وش نوع السيارهوموديلها؟
______________________________________________
البدايه من عندي : كان الله يسلمكم عندنا مزرعه وكان وقتها عمري 10 سنوات 
وعندنا سياره هايلكس 83 المهم كانت محمله باغيه السوق هذا رطب وهذا نعناع وهذا ليمون محمله انعام خير من الله
وصلاة المغرب على وصول المهم وابوي يقولي الليله ابيك تسوق والسياره محمله طبعا ونا اركب بالموتر وانقز وجيب وساده
مالحق وركبت واموري تمام ونا اشغل واعشق بواحد وتطفي وشغل واعشق وتطفي وابوي ياله يالولد اشغلتنا بنلحق
على الصلاه وعصبت وعشقت وادوس وفيه هذيك النخله اكبر نخله بالمزرعه كلها وابوي ياولد فرمله وقف 
يالولد بريك اللبشني وبدال مادوس فرمل دست بنزين ومايوقف السياره غير هالنخله ويجيني كف ماشي 200 والعداد مفصول ههههههههه
قسم ضيعت وجهي والسياره انعدم الوجه كله والنخله السنه الي صدمتا مطلعت برطب هههههه
وبوي علمني السواقه بارض مابها حتى الحصى والحين تعلمت الحمدللله
والنخله ليومك وضح علامات الصدمه بها ههههههه
اما اخوي صدم طبلون البيت حين تعلم هههههه ونفس الموتر هذا الموتر منحوس
________________________________________________________
بانتظار تعليقاتكم 

وبويم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أنَــƠ̴̴̴͡ـ̮Ơ̴̴͡ــا اول مره اسوق كانت لمن كان عمري ١١ سنه 
يومها كان عندنا سواق هندي ما يفهم شي قلتله عطني المفتاح احمي السياره 
طبعا هو مافهم إلا عطني المفتاح قام اعطاني المفتاح بعدين حميت السياره وكل شي 
١٠٠٪ بعدين جاني وساس اني احرك السياره قمت رجعتها ريوس وكان الشارع منحدر 
ما عرفت اوقف إلا لمن صقعت بطبلون كهربا وانعدمت الاصطبات وانكسر طبلون الكهربا بس الحمدلله ما انفجر بَــــسّ   انعدم مره  
طبعا هذا كله وابوي بالعمل 
قمت خذيت السواق وعلى التشليح ب كيلو ٢ واشتري اصطبات


up 0 down 3
r2oody -3
قبل 8 سنه و 11 شهر



انا اول مابديت اسوق صف ثاني متوسط قمت الصباح الخميس ورايح ابي اجيب فطور لاهلي الساعه 7 اتصلت ع واحد من الشباب وكانت اكورد مشغل اغاني واقلد اللي بالمقاطع اللي ينطلون المهم ع 50 بعدها 70 الين 90 وانطل وتتنح السيارة مشت بالعرض الين دخلت برصيف وتعلقت السيارة المهم الفطور وصل الساعه 9 والحلو بالموضوع محد درى


up 0 down 0
ابواحمد123 -23
قبل 8 سنه و 3 شهر