استفسار عن توضيب قير شاص 1993 ؟

لابد من فك القير والتأكد اولا من التروس بأنها كلها سليمة

مافيه شيء من اسنان الترس متأكلة لان اغلب الجيوب يستخدم القير الثالث بكثرة

حتى لو ياخذ يوتيرن يتركها بالثالث لان القير قوي ويمشي معاه ولكن مع الوقت يأثر على التروس

اذا كانت سليمة لابد من تغيير الصحن والدسك والكلتش وفحمة الكلتش

هو المسؤول عن نقل النمر بسهولة الدسك ولكن طالما السياره موديل قديم

لو تغيرها لحالها راح يكون فيه خلل بالقطع الثانيه ولا تضبط معك

وانت فكيتها خلاص غيرها كاملة الفحمة بالغالب رخيصة الاصلي ما تتعدى 80 ريال 

الباقي ماهي تكلفة عاليه ولكن لابد من تغييرها كاملة

كفيت ووفيت يا اخ ابراهيم
ووش تقصد بالي لو غيرتها لحالها بيكون فيه خلل ؟

إذا كان القير "يقر" ما يحتاج توضيب ؟

الدسك هو المسؤول عن سهولة النقل من ترس لترس

ولكن تأكد ممكن عندك نفس التروس متاكلة

لابد من فك القير اولا ولكن بالغالب تكتفي بتغيير الدسك

ماانصحك تفك القير نهائيا لأن السيارة قديمة وفكة القير اكيد تكاليفا كثير وراح يحلقها خساير كثيرة زيت ووجه وكثير من القطع لو فكيتها ماراح تقدر ترجها مرة ثانية وبعدين السبارة قديمة ليش تفك وتربط فيها دام انها ممشيتك وغالبا المشكلة عندك يااصلاح كلتش او الصحن والدسك يبغالها تغيير

ابو نواف

القطع اللي انت ذكرتها كلها داخل القير يعني لازم يفك اقير عشان يغيرها

ابراهيم الاولى يبدأ بالسهل والاقل تكلفه اللي هو تغيير الصحن والدسك خاصة انه اغلب الظن ان المشكلة منه

ابراهيم فيه فرق يوم يفك القير من المكينة ويغير الصحن والدسك عنه يوم يفك الكرتير ويشيك على داخل القير

ابو نواف 

حسب علمي ما يقدر يغير اي قطعه من اللي ذكرتها الا بفك القير لازم ينزل القير عشان يغير القطع

انا معك يبو خليل لكن ترى فكة القير من المكينة مالها دخل بالزيت ووجه الكرتير فقط يحرك القير للخلف شي بسيط ويركب الصحن والدسك ويرجعه مكانه والعملية سهلة جدا ماتاخذ ساعتين وغير مكلفة كشغل يد لكن اسعار القطع ماعندي علم  

عفوا الصحن والدسك ماهي داخل القير مكانها بين القير والمكينة

انا معك يا ابو نواف

ولكن لازم ينزل القير لفحص التروس

السياره لو كانت موديل 2012 مثلا وطالع 

ممكن التروس باقي عمرها جديد ما استهلكت يكون الخلل بالقطع الاخرى

ولكن سياره موديل 93 وجيب بعد يكون فيه ضغط على التروس سنوات طويلة

لابد من التأكد منها اولا

ركب قير 2005 يمد أكثر 

ولو الحاله الماديه تعبانه ركب نفس الموديل من التشليح 

احترم رايك وخبرتك ي ابراهيم لكن حسب وصف الرجال وبناء على خبرة سابقو واكثر من مرة مرجح عندي ان المشكلة ماراح تتعدى اصلاح كلتش او صحن ودسك وهذا احتمال اكبر ومرجح عندي بنسبة 90 بالمية لان ابقير العادي غير الاوتو العادي لو ترس الخامس مثلا انكسر منه سن واحد فقط ماراح يلقم الخامس ابد وصارت معي بدسسن 95 صار القير يفلت بالخامس ويوم فكيته حصلت المنكسر سن واحد فقط

يعني يا أبو نواف رأيك ان المشكلة في الكلتش أو الصحن أو الدسك ؟

يابو باسل خذها مني والله كان عندي نفس مشكلتك ونفس الموديل 4 سنواات والقير يقر بالنمر كلها غيرت صحن كلشت ودسك وفحمات حق القير ومافيه فايدة

نصيحتي لك : قيور هالموديلات ما تتوضب ابداً هالكلام مو من عندي هالكلام من عند مهندسين خبراتهم كبيرة جداً حتى الوكالة تقول كذا

مامعك الا تستخدمة وصدقني بتتعود على الوضع او تدق لك بقير من التشاليح اسعارة من 2000 - 3500

طيب ليه ماتجرب تغير الكلتش والدسك والفحمه 
اذا ضبط خير وبركه من رب العالمين واتمنى ذلك

واذا ماضبط و تأكدت ان الخلل في القير وقتها الله يعينك تاخذ لك قير من التشليح و الكلتش والدسك والفحمه اللي ركبتها جديدة انت مستفيد منها هو كذا ولا كذا لو تبي تغير قيرك تبي تركب اصلاً طقم كلتش جديد

المشكلة يا "آرق سنود" أن سعر الكلتش والصحن والدسك والفحمة 1800 ريال غييييييييير شغل اليد
بس سعر القطع :(

والظاهر بأخذ بنصيحة "الـرحـآآل"