شريت كامري 2015 وش رايكم اركب زينون ولا لا

طيب الكامري عدسات يالطيب 

الكامري شد بلد نورها ممتاز جداً واغلب سيارات تويوتا نورها كويس ولعلمك الزنون ترى مهب مثل الاصفار في الخط وفي الغبار


البعض فاهم الزنون خلاص افضل في كل شي لا مهب شرط



يعني لو بتروح تركب لك زنون ابو 300 ريال انا اقول لك اياها والله ان يطلع اخيس من نور الوكالة الاصفر يعني لاتتوقع بيكون انتشاره بشكل مبهر اللي يبي الزين يدفع هاذي وجهة نظري



انا موتري كيا اوبريس وحبيت اطق لهم طق انوار زنون اجددها عن حقت الشد بلد لأن نورها زنون شد بلد محولات شد بلد ، ورحت لواحد تعاملت معه كم مررة بس شغلات بسيطة قال ميدي عندي جوز المانية طبعا يجي فيها محول الزنون حق الاوبريس وسعرها شوي غالي قال لي بحسب لك الثنتين ب 700 ريال يارجال عدل بدل لمبات بس بدون محولات وقلت ركب اشوفه اول ، ركبه والله كن موتري زنونه عادي كني مركبه في الغرابي يعني ماتحس انه شد بلد ولا محولات وكالة قلت له شلها ما ابيها ولا تستاهل



ورحت لزميل لي سعودي معروف في البديعة هم اخوان اثنين تخصصم انوار بس يوزن يغير محولات لمبات وشغل كله اصلي ماعندي شي تجاري ويعطيك سعرها من الاخير ، رحت له الله حق دفعت 1000 وشوي على لمبتين لكن رجع نوري احسن من الشد بلد زنون وكالة ازرق على بياض وفي الخط فارش ماشاء الله لكن اللي ركبتها ام 700 ريال كان النور عادي جدا زي نور اي سيارة ف نصيحة يا تركب نوعية كويسة عشان تضمن سلامة موترك بكره مايلذع من محول ولا فيش يحتر والسبة هالزنون




خلاصة الكلام اقترح نور الوكالة وتراه كويس اذا عاد انت تقول ابي اجمل منظر هاذا شي ثاني


بالتوفيق