أضف سؤال أو موضوع جديد          

بخصوص الشراء من المعارض بدون الحضور

up 2 down 2
badalfa -36
قبل 4 سنه و شهر



بسم الله الرحمن الرحيم
السلام عليكم ورحمة الله وبركاته

استشارة من اهل المعرفة والخبرة وجزى الله خيرا من نصح لله.
انا لي اكثر من شهرين ادور هايلوكس دبل خليجي اصفار بالمدينة مالقيت.
والظاهر مافيه.مع اني اشوفها-الخليجيات-منتشرة بالمدينة.لكن الظاهر من برا المدينة.
من الرياض او القصيم..
فايش رايكم بالشراء من معرض سواء بالرياض او القصيم بدون ما اسافر
احول له  بعد ما اشوف صورتها بالواتس واتاكد من انها نفس اللي ابغاها.
هل هناك خطورة بالتعامل مع المعارض بهالطريقة..
مثل معرض اليحيى بالقصيم او معرض البحرين بالرياض.
اللي ابغاها مثل هذي البحرينية
http://haraj.com.sa/116328769
 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما اعتقد بتفرق معك طيارة 300 ريال وساعتين وانت بالمدينه الثانيه اللي فيها السياره

وتستلمها بنفسك افضل ما يرسلها لك المعرض ولا تدري من بيوصلها للنقليات

ويمغطها بالطريق يسوي تجارب بعضهم ما يخافون الله


up 7 down 0
ابراهيم التركـي 1145
قبل 4 سنه و شهر



انتبه وانا اخوك من الشرا بالتحويل

ان اطلعت على مواضيع كثير بالمنتدى وبالموقع كثير انصب عليهم

اذا تبي تشتري روح بنفسك للمعرض وشوفه بعيونك واشتره

شغل تحويل وبيرسلونه لنا هذا كله بترجع عليك ومعرض للسرقه والنصب بدرجه كبيره

وكلها يوم تاخذ طيران تشوف السياره اللي تبيها ثمن اشترها واشحنها افضل

وانت لك الخيار

بالتوفيق


up 4 down 0
amear 1335
قبل 4 سنه و شهر



اركب مع كداد للرياض علشان الرياض فيها تكاسي و اشتر من هناك و شف السيارة اللي تعجبك واشترها 
اما سالفة انك تعطي المعرض الفلوس بدون ما تشوف السيارة قدامك صراحة شئ يخوف 
ولا انك تطلب من معرض في المدينة يجيبها لك بالمواصفات اللي تبيها 


up 4 down 0
5alaf 692
قبل 4 سنه و شهر



روووح بنفسك وانا خوك انت بتدفع اكثر من85 الف مابتفرق معك تسافر ب300ريال 
منها تطمن وتشوف الموتر على الطبيعه وتخلص امورك وترتاح نفسيا
وترجع لديرتك وانت مرتااح فنصيحتي لك لاتشتري على الصورة روح بنفسك
والف مبروك مقدما 


up 5 down 0
الرفاعي33 13838
قبل 4 سنه و شهر



جزاكم الله خير جميعا
المشكلة ما احب اطلع برا المدينة نهائيا ولاني راعي سفريات مررة.
وموضوع اطلبها من معارض المدينة كم ممكن ياخذون ربح زيادة عن السعر الاساسي.




up 2 down 1
badalfa -36
قبل 4 سنه و شهر



أعتقد انك منت عجزان عن قيمة التذكرة والروحة لهناك ولا تستعجل دور ولف و تفحصها من إلى 
روح ترى الهايلكسات الخليجية أنواع وفيه نوع ماكينتة 2000 يزورونه الشريطية وبالخطوط ويبيعوه بقيمة الفل كامل 
حاول تدور وارد قطر ولا الساير ولا البحرين وتتأكد إن الماكينة2700 
الأردني و البريمي والفطيمي بالغالب ملفقة حالها حال السعودي
الأفضل بالشكل  السعودي والأردني ويتفوق الأردني بالكاميرا وأزرار الدركسون وجميعهم يجي فيهم الديكور حق القير
البريمي والبحريني و القطري بدون ديكور القير فايدته أرتب وأحلى 
أول ما تاخذ الهايلكس إشتري جنوط السعودي وخط السعودي أصلي وصدام السعودي الأمامي وتتصير أحلى من الخليجي 
والسعودي 




up 1 down 0
316
قبل 4 سنه و شهر



جزاكم الله خير جميعا.
ماتقصر ياهايوش الظاهر باطلبها من معرض بالمدينة واريح راسي.



up 2 down 0
badalfa -36
قبل 4 سنه و شهر



مالك الا تسافر ولا تصدق اللي يقول حول لي 
ترا ما تفرق معك دامك تدور من شهور
روح القصيم هم حقين السيارات ذي 
خذ اجازه وروح
الله يسهل لك 


up 0 down 0
i6rb_ 163
قبل 4 سنه و شهر



أعتقد لو طلبتها من معرض بالمدينه، أقل شيء بياخذون فايده ألفين ريال أو ألف و خمسمئة على أقل تقدير


up 0 down 0
فايز 2012 461
قبل 4 سنه و شهر



فيه معارض معروفة عادي حول فلوسك ويرسلولك السيارة باسمك
بس تاكد.من المعرض وابحث عنه في النت .




up 0 down 0
w1w1 2202
قبل 4 سنه و شهر



اخوي الهلكسات الخليجيه بانواعها لاتعد ولا تحصى بمعارض الدمام اصفار بحكم شغلي فيه كل يوم
اذا حبيت ادورلك سعيي 500 وفلوسك تحولها علي بعد ما اصورلك السياره اللي تبيها ومن نفس المعرض
واخلصها لك وان حبيت ترسلها بسطحه على طول ولا بلنقليات اللي تحب
واذا عندك احد بلدمام ابد يمرني وابشر بسعدك وحول فلوسك عليه وانا اساعده بتخليص الاجراءات


up 1 down 0
qqq11r 108
قبل 4 سنه و شهر



يارجال الوكالات وبالله تسلم من المخوش والرش اجل كيف لو معرض وهي واقفة بالمعرض قدام الزباين 

ووممكن تنحك 
على كل حال الموضوع فية نسبة مخاطرة عالية لذلك الافضل تروح بنفسك ومنها تغيير جو 


up 0 down 0
iTalal 152
قبل 4 سنه و شهر