بخصوص الشراء من المعارض بدون الحضور

ما اعتقد بتفرق معك طيارة 300 ريال وساعتين وانت بالمدينه الثانيه اللي فيها السياره

وتستلمها بنفسك افضل ما يرسلها لك المعرض ولا تدري من بيوصلها للنقليات

ويمغطها بالطريق يسوي تجارب بعضهم ما يخافون الله

انتبه وانا اخوك من الشرا بالتحويل

ان اطلعت على مواضيع كثير بالمنتدى وبالموقع كثير انصب عليهم

اذا تبي تشتري روح بنفسك للمعرض وشوفه بعيونك واشتره

شغل تحويل وبيرسلونه لنا هذا كله بترجع عليك ومعرض للسرقه والنصب بدرجه كبيره

وكلها يوم تاخذ طيران تشوف السياره اللي تبيها ثمن اشترها واشحنها افضل

وانت لك الخيار

بالتوفيق

اركب مع كداد للرياض علشان الرياض فيها تكاسي و اشتر من هناك و شف السيارة اللي تعجبك واشترها 
اما سالفة انك تعطي المعرض الفلوس بدون ما تشوف السيارة قدامك صراحة شئ يخوف 
ولا انك تطلب من معرض في المدينة يجيبها لك بالمواصفات اللي تبيها 

روووح بنفسك وانا خوك انت بتدفع اكثر من85 الف مابتفرق معك تسافر ب300ريال 
منها تطمن وتشوف الموتر على الطبيعه وتخلص امورك وترتاح نفسيا
وترجع لديرتك وانت مرتااح فنصيحتي لك لاتشتري على الصورة روح بنفسك
والف مبروك مقدما 

جزاكم الله خير جميعا
المشكلة ما احب اطلع برا المدينة نهائيا ولاني راعي سفريات مررة.
وموضوع اطلبها من معارض المدينة كم ممكن ياخذون ربح زيادة عن السعر الاساسي.

أعتقد انك منت عجزان عن قيمة التذكرة والروحة لهناك ولا تستعجل دور ولف و تفحصها من إلى 
روح ترى الهايلكسات الخليجية أنواع وفيه نوع ماكينتة 2000 يزورونه الشريطية وبالخطوط ويبيعوه بقيمة الفل كامل 
حاول تدور وارد قطر ولا الساير ولا البحرين وتتأكد إن الماكينة2700 
الأردني و البريمي والفطيمي بالغالب ملفقة حالها حال السعودي
الأفضل بالشكل  السعودي والأردني ويتفوق الأردني بالكاميرا وأزرار الدركسون وجميعهم يجي فيهم الديكور حق القير
البريمي والبحريني و القطري بدون ديكور القير فايدته أرتب وأحلى 
أول ما تاخذ الهايلكس إشتري جنوط السعودي وخط السعودي أصلي وصدام السعودي الأمامي وتتصير أحلى من الخليجي 
والسعودي 

جزاكم الله خير جميعا.
ماتقصر ياهايوش الظاهر باطلبها من معرض بالمدينة واريح راسي.

مالك الا تسافر ولا تصدق اللي يقول حول لي 
ترا ما تفرق معك دامك تدور من شهور
روح القصيم هم حقين السيارات ذي 
خذ اجازه وروح
الله يسهل لك 

أعتقد لو طلبتها من معرض بالمدينه، أقل شيء بياخذون فايده ألفين ريال أو ألف و خمسمئة على أقل تقدير

فيه معارض معروفة عادي حول فلوسك ويرسلولك السيارة باسمك
بس تاكد.من المعرض وابحث عنه في النت .

اخوي الهلكسات الخليجيه بانواعها لاتعد ولا تحصى بمعارض الدمام اصفار بحكم شغلي فيه كل يوم
اذا حبيت ادورلك سعيي 500 وفلوسك تحولها علي بعد ما اصورلك السياره اللي تبيها ومن نفس المعرض
واخلصها لك وان حبيت ترسلها بسطحه على طول ولا بلنقليات اللي تحب
واذا عندك احد بلدمام ابد يمرني وابشر بسعدك وحول فلوسك عليه وانا اساعده بتخليص الاجراءات

يارجال الوكالات وبالله تسلم من المخوش والرش اجل كيف لو معرض وهي واقفة بالمعرض قدام الزباين 

ووممكن تنحك 
على كل حال الموضوع فية نسبة مخاطرة عالية لذلك الافضل تروح بنفسك ومنها تغيير جو