كيف تحافظ على اعصابك اثناء القيادة ؟

وهناك من يقود على اقل من مهله في خط السرعة

بصراحه ما ارتاح الا اذا شطفته كذا اكون حافظت على نفسي من العصبيه :)

الاستغفار 
حتى لو كنت متضايق استغفر ربك وراح تحس براحة 

ابو عبدالله ! كذا تصير مشاحنات بينكم ويرجع يأخذ تاره !!!! اليس كذالك

البعض يظن ان الطريق ملكه ولا يعلم ان الطريق مقم لثلاث خطوط

سرعة

متوسط

بطيء [خدمات]

اعتبر نفسك صايم
وقول استغفر الله
ولا حول ولاقوة إلا بالله
وحسبي والله ونعم الوكيل
وما في مشكلة حتى لو قلت اللهم اني صائم
لأنها سبحان الله تخليك تهدأ بسرعة!

مافية شي يخليك تعصب الا لمى يتجاوزك ورع ماشي 200 وبعد فترة تلقاه داق اشارة بيوقف فالمحطة اللي قدام
وصوت مسجلات الاغاني العالية جدا ً ونت واقف بالاشارة

يهون والله لو اني القى شايب ماشي على مهلة وماسك اليسار

السواقه معروفه امسك نفسك والاستغفار واجب لكن انا ماقهرني الى واحد جايك مسرع وانا مهدي عند مطبات ويضرب ذاك الفرامل  اشوي وهدي والتفت له واحصل ماسك معه ذا جوال ابو شاشه كبيره ماشوف الى شاشه جوال من قزاز ساطح نوره 

 ولا تكبس له ولا يفتح له الخط الى بطقاق مشكله الخط فاضي وخايف تتجاوز يمين ويلف عليك  واخر شي تحصل معه جوال ويرسل واتساب ولا يلمس حرمته وماهو فاضي لناس عاد تعال تفاهم مع ذا 

 والله ان فيه بعض الناس حرام فيه نور تكبس له ولا بوري ولا تشطفه وتحرق اعصابك علشانه  واخر شي يعصب يعني انت غلطان مفروض تعض على شمحمه وتحترم ناس مشكله تشطفه وباقي يستوعبك  وتشوف واحد ثاني يشطفه يوسع له طريق طيب ياحمار من بدري وسع طريق 

القران الكريم اذا اشتغل فالسيارة تهجد الشياطين   .... الله يستر على المسلمين 

@ سكودر

[ وتشوف واحد ثاني يشطفه يوسع له طريق طيب ياحمار من بدري وسع طريق ]


هههههههههههههههههههههههه

كلامك صحيح والجوالات هالزمن كلها لمس يعني لازم يستعين بيدينه بعكس زمان اول بالإزرار يد وححدة تكفي

يارجال شفت حالات لو انك ابكم تتكلم وتصيح
بااعلى الصوت ، لدرجة الجنون وضعت صورة 
صغيرة على الطبلون عصبية + ضغط + سكر 
= امراض مزمنه وحياة قصيرة 

تعوذ من الشيطان 

المسرع اعتبر وراه ظرف
والبطيء اعتبره شايب او توه يسوق
والقانوني هذا ماعليه ملامة 
بس اذا شفت احد يعابطك كشح له وتاكد انه بيهرب منك لاجا وقت الجد
لان المحترم مايسوي ازعاج للناس 
الا اذا شفت معاه وراعين مثله عاد حط رجلك ههههههههه

انا ما يرفع ضغطي الا اللي يحسب نفسه ملك ومعه موكب تمسك اليسار وماشي اعلى سرعة مسموحة وقدامك سيارات ويمينك سيارات ويكبس من وراك ويلزق كأن الناس حشرات يبغا الطريق مفتوح له ولا احد يمشي بمساره

وهذا تلقاه عند باب بيت ولا مسجد يهايط ويظهر اخلاقه الزائفة والله ما تدخل الا انت وانا بعدك

واخلاقه الحقيقية تظهر وهو متلطم او داخل سيارة