نيسان لوريل vs تويوتا كرسيدا ايش تختار

كرسيدا وبقوة كانت عندنا وحده نسيت موديله كم كانت تشيل اهلي كلهم وكثارين حنا 12 واحد وبوكس واغراضنا نحطه بالتنده 

وكانت تخدم ولا تخرب واجد ايام الصناعة على ذمة 

كلا السيارات تخدم لكن هي ع كيفية الاستخدام اذا محافظ عليها راح تبقى معك طول المده ماتطلب قطع وشي
واذا مو مهتم فيها راح تطلب 

وجهة نظر

لو انا ممكن اللوريل بحكم ايامه كان له شعبيه وشكله كان كشخه لين الحين ماشاء الله عليه 
وكافي  عزمه قوي و٦سلندر طرب كان والله كان نفسي امتلك
واحد كان مع قريبي اخوه السدريك كان قوي قوي هو واللوريل اقوياء ابداع يشهد الله اخسن سيارات نيسان للجيل القديم 
قوه عزم هيبه تحمل وشده الله  وكافي تايوتا مايختلفون عن بعض 
مع اني احب الكرسيدا حب شديد لاكنهم اخوان مافضل احد بينهم

روعه رجعتني لذكريات الطفوله كنا نسافر عوائل ونطلع اكثر من سياره للطايف وكنت اطلع مع ولد خالي كان معاه وحده قراندي 86 أيام حرب الخليج كانت سيارات روعه هي والجي تي اكس اذاتعرفونها طبلونها الكتروني ذي السيارات تذكرني بالطفوله لان سافرت واجد عليهم وين أيام الطايف والرمن والبرشومي شي معليش اسهبت بالكلام بس انت ذكرتني في أيام حلوه

اللورل مجنونه والله لوتشتريها بي 1500ريال تصفق طبلونها 200 بس عيبها مشهورها بفلتت العامود عامود الكردان

كرسيدا احسن.           

مايحتاج كرسيدا
هل تشوف لوريل الى الان تمشي
نادر جدا ومستحيل في بعص المدن
بينما الكرسيدا لا ابالغ ان قلت تشكل 70 من السيارات
القديمة التي لاتزال تعمل
والباقي الهايلوكسات القديمة.

اللورل
200L
240
هذي سيارات نيسان بالثمانينيات 
اتذكر القراندي يوم تعشق بالدي السياره تفررش بالارض اسمها قراندي GTX غير شكل اللي بالصوره

مميزززه لدرجه الطبلون الكتروني ارقام 
كانت مع اخوي الكبير 
راحت تالف وجت بعدها نيسان 200L 
النيسان هذي سافرنا فيها عده مرات ولاعمرها وقفت فينا وبعناها قبل فتره على جا

بامانه انا اقولك اللورل والنيسان سيارات ممتازه بس فكر بقطع الغيار اولا ؟

اجرب الثنتين واشوف اللي تجوزلي واخذها

اخوي الكرسيدا عملية اكثر اللوريل روعة واعشقها ولكن تجي كربريتر كهرب خرابه واجد وماتحصل قطع