صوت في المكينة عند تشغيل السياره

اخوي الكريم انصحك لا تسوي شي تندم عليه على طول روح 
للوكالة وسمع مهندس الاستقبال اللي استقبلك الصوت  لأن سيارتك تحت الضمان 

الصوت واضح
ارجع لهم 

اخوي والله مادري ليش احس الصوت عادي 
عالعموم وديها وقولهم اول ماشغلها يطلع صوت خرخره وش معناها واوقف بحلقهم ولا تطلع الى وانت ماخذ ولو جزء بسيط 

الصوت عادي السياره بارده ومابعد ارتفع الزيت  واذا سياره مامشت الى 5000 غير لها زيت 10 30  وامورك بسليم او زيت 10 30  

هذا صوت الاحصنة توها تصحى هههههههههههههه

هذا صوت تكيات الجنزير 

ما دام السياره على الضمان، ودها الوكاله يصلحونها

الصوت طبيعي لان الظاهر حاطين لك زيت 20w50
اسحب على صيانة الوكالة ماعندهم الا الفلس 
ودايماً استخدم زيت 5w30 وابتعد عن 20w50 اطلاقاً ومابتشوف الا العافية

موفق.

الصوت عادي جداً

يعطيكم العافية يا اخوان
انا بروح الوكاله اليوم و اشوف ايش السافه

أنا معي كورولا بس موديل أقدم .. وكان يطلع عندي بالمكينة صوت
رحت لميكانيكي في صناعية الحراج بالرياض .. وقال لي فلتر مويه
شريت فلتر مويه أصلي "انتبه من التقليد" وركبها , وماشاء الله تبارك الله .. الصوت اختفى
الله يوفقك وييسر أمرك وكل مسلم

غير الزيت إلى 10w30 أو 5w30

و أمورك سليمة أن شاء الله

الافضل تستخم زيت بلزوجه 5-30 او 10-30 

وتجنب زيت تويوتا الثقيل 

السيارات الجديده زيوتها خفيفه 

انا معي كورولا 2015 واحط لها زيت 5-30 بترومين A1
وعادي نفس الصوت 

شكلها الكرلات كلها كذا

نفس صوت موتري 
موديلها 2011 ١.٦ 
نفس الصوت بس انت اطول شوي اول ماتدق سلف تطلع الخرخشه القويه ثم بعدها ب٣ ثواني يطلع صوت تك تك تكتك ثم يختفي الصوت 
مدري وش السبب 

الظاهر ان ذا الصوت في اغلب سيارات التويوتا 
عند خويي هايلكس 2011 اول ماشغلناها طلع فيها نفس الصوت بس هادي  
وايضا اف جي 2008 اول ماشغلناه طلع نفس الصوت بس خفيف مره 

السلام عليكم ورحمة الله وبركاتة
ياشباب عندي فكس ار ٢٠١٢ اول ماشغله يطلعلي صوت طقطقه واذا احتما يختفي
افيدونا جزاكم الله خير