ارجو المساعده من اللي عنده خبره بالاندكروزر

اخوي لا تحاول احد يعبث في الموتر واستفسارك في المنتدى افضل شي وايضا" دايما" اسأل
اهل


الجيوب اذا انت في الشرقية فية ورشة في الخضرية متخصصة لندكروزر حسب ما سمعت

حياك الله اخوي ابو زياد الحين خشيت المنتدى وحصلت اغلب الموجودين نفس مشكلتي والعطل هو دينمو الدبل وانا موجود بالرياض وبنتظر اراء باقي الاخوان او بروح بكرا اصلحه ان شاء الله

وعليكم السلام


,,هذه مشكلة الجيب من موديل 2008 الى اخر موديل
,,احينا تفصل اصابع البطارية ويضبط,واحينا لازم تفك فيش الدينمو من الاسفل ويتنظف ويضبط ,واحينا لازم فك الدينمو واستبدال ترس من الداخل,لكن نصيحة لك شوف موقع مكشات خيمة اعطال السيارات او رابطة ملاك الجيب,او موقع تويوتا العربيه قسم لاند كروزر

انا لاحظت اول انه الثقيل ماتشتغل لمبته والخفيف تاشر وجيت عند كهربائي وفصل الاصبع ورجع ركبها وعلقت اللمبه رفضت تطفي وقال مااعرف له يمكن يبي برمجه ومن طلعت من عنده طفت اللمبه وشغلت الخفيف اشتغل والثقيل لمبته تاشر ودي اجرب افصل اصبع البطاريه كم ساعه وارجع اجرب ان شاء الله يظبط وانا خوفي انه يلعب فيه ومشكورين اللي رديتو على الموضوع لو معي نقاط عطيتكم لايك لكن لكم دعوه احلى من اللايك الله يرزقكم سعاده لاتفنى ويحرم جلودكم على النار

اخوي مشكلتنا في الورش ان القليل فيهم فاهم وافضل شي دائما" تودي السيارة عند متخصص فيها طبعا"خارج الوكالةبالنسبة لنا
احكي لك هذة القصة قبل اسبوعين ركبت مع صديق عندة جي اكس ار تقريبا" 2007 او 2006 ويوم مشى واسمع القير طبعا" تماتيك عند التغيير يخبط الحديد في الحديد واذا خفف يحصل نفس المشكلة قلت لة عندك مشكلة في القير قال غيرت صوفة الدبل قلت يمكن الزيت ناقص والتروس تضرب في بعض ورني الزيت يوم طلع الزيت والا هو زيت قير تماتيك طلع خوينا ما يعرف شي في الندكروزر راعي عادي هذا زيت قير مش دبل المهم قلت نروح البنشر نفحص زيت القير فحصة اليماني وان اشوفة ناقص كثر عند coll والسيارة حارة قال اليماني لازم تمسك خط عشان يحتر القير ويرتفع الزيت قلت الحرارة ربع كثر الكلام مع اليماني قلت لخويي زيتك ناقص ولا تمشي بالسيارة يخترب القير ورح عند التريستار شف كلامي صحيح او اليماني وقلت الحين زود زيت وزود تقريبا" نص او علبة ونفس العيارومشينا وجيناه اليوم الثاني عند خوية قلنا زود زيت وزود وغير كلامة اليماني قال انا ما قال تمسك خط المهم مشينا وخفت الضربة في القير وصار ناعم وخوينا راح التريستار وقالو لة زيت القير ناقص كثير زين ما احترق
هذي قصة حصلت معي شخصيا" حين ذكرت القصة حبيت الكل يستفيد لان اكثر عطل السيارات من الورش تدخلها ويخربوها عليك

اول شي ابشركم عرفت المشكله وانه بغى ينضحك علي انا الجيب شاريه توي مالي فتره وماقد استعملت الدبل الثقيل والسوري يوم جيته حط القير ب p وشغل الدبل وجلس يزمر وتطفي وتشتغل اللمبه وقالي عندك الدينمو ولازم تفك وتتصلح واثر الصح يحط القير ب Nوتشبك الدبل الثقيل رحت قبل شوي بفصل الاصبع وحطيت القير على N وشبكت الدبل واستغربت انه شبك ومشيت طلع ثقيل الجيب يعني شابك وفصلته وسويت نفس حركة السوري وطلعت اللمبه تاشر ويزمر وانا بغيت اصدقه واخليه يفك الدينمو لكن الحمدلله اني اكتشفت قبل يلعب فيه ف نصيحه انتبهو تاكدو قبل تروحون بعضهم يلعب على الشخص وتسمع كلامه تقول ذا خبره ومافي مثله وهو نصاب بس يبي فلوس
وكلامك صح يابو زياد والله يجزاك خير انت واخوي ابو نادر

اخوي وين مكانك لان امس طلع عندي مشكلة في الدبل
شف اسمي ومواضيعي بعدين وش قصدك بيزمر تقصد يضرب بوري يعني هرن يا ليت توضح