أضف سؤال أو موضوع جديد          

سيارة جديدة ودخلت الصناعية

up 2 down 2
legend boy 72
قبل 6 سنه و شهر



السلام عليكم ورحمة الله وبركاته

شخباركم يا الربع عساكم طيبين ان شاء الله

المهم قبل 4 اشهر قررنا نأخذ سيارة عائلية للوالد الله يحفظه وانحدينا على الاينوفا بسبب نظام التأجير بمناولة اليد
وبصراحة ارتحت لان تويوتا سيارة تتحمل وقوية وخصوصا انا الاينوفا مكينتها مكينة هايلكس وبتكون قوية طبعا انا عارف ان فيه افضل من الاينوفا بس مثل ما قلت انه انجبرنا نطلعها المهم جاني الوالد بعد العشاء وقالي شوف لي السيارة وش فيها فراملها تطلع صوت وما تمسك زين قلت اوكي ورحت اجربها تفأجات بالمرة الاقمشة منتتتتهية ولازم تتغير قلت للوالد بكرة بأوديها الوكالة قالي الصباح معاه مشوار ضروري ويحتاج السيارة قلت اوكي بألحق الصناعية اضبطها ولا انا ناوي بكرة اروح الوكالة اتفاهم معاهم كيف الاقمشة تخرب والموتر ما مشى 20000 كيلو بس 
رحت الصناعية وسعرت قيمة الاقمشة الوكالة قالي ب350 وبعدها ماليزي ب130 قلت ليييه الوكالة غاليه كذا ويمكن بعد 20000 ثانية اغيرها ما يصير كذا قالي التويوتا صارت كذا بصراحة انصدمت مو معقول كذا انا معاي اكورد واذكر اخر مرة غيرت اقمشة قبل سنة ونص ومشيت عليها فوق ال80 الف كيلو
سلمت امري لله واخذت الوكالة ب350 وركبته ب30 

وش رأيكم في الاقمشة حق تويوتا ووين المدح والسمعه حق تويوتا انها تتحمل؟
وتتوقعون الوكالة تقدر تفيدني بشيء؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا فعلا مكينتها زي مكينه الهايلكس انا بنصحك نصيحه
عندنا هايلكس موديل 2011 و 2013 وكامري
2011 جميعها زيتها ينقص باستمرار انتبه للزيت
وعاير بشكل يومي مراح يكلفك 3 دقايق 

.


up 2 down 0
الشمري 1414 224
قبل 6 سنه و شهر



بالنسبة للأقمشة تتآكل بسرعة وهذا الشيء صحيح من تجربة

كل سيارة و لها عيوبها مافي شيء كامل 


up 1 down 0
alkathiry 706
قبل 6 سنه و شهر



والله يا عزيزي شف التويوتا ماحد يختلف على جودته
بس فيه قطع ترى تعتمد على صاحب السياره وسواقته
المساعدات والاقمشه وكراسي المكينه والقير والكفرات وعضلات السياره عموما تعتمد على طريقه سواقة الشخص
رجلك حاره وتدعس وتطامر ارصفه وتاكل حفر ومطبات على سرعه توقع انها ما تطول معك
أنا معاي أكسنت أقمشتها الامامي تجاري أبوكلب بخمس واربعين ريال لها معاي سنة ما أشتكت 



فشكل الوالد الله يحفظه رجله حاره وراعي تدعيس ومقاومات
فأنصحكم تزوجونه تشتتون شوي من الطاقه الزايده عنده
ههههههههههههههههههههه



up 10 down 0
als7aimy 1176
قبل 6 سنه و شهر



اخوي شكله والدك الله يحفظه سواقته هادية ونظام فرامل كل شوي عشان لا يتعدا ٨٠ هو يحسب انه يحافظ عليها كذا 


up 0 down 0
benz lover -81
قبل 6 سنه و شهر



يمكن ابوك الله يحفظه لكم مايمسك فرامل الا اذا قرب من اللي قدامه

ويمسك بقوة كذا تروح الاقمشة

انا معي كورولا

غيرت بعد مامشت حوالي 70 الف والقديمة جلست سنة وشوي

مع اني اطامر واقاوم وامسك فرامل بقوة 


up 0 down 0
coco13 894
قبل 6 سنه و شهر



نفس المشكلة هايلكس2015غيرتها على 10000تقريبا 


up 0 down 1
3bo6e 27
قبل 6 سنه و شهر



عندنا وعندك خير اناكانت معاي مازدا 2014 ماوصلت 15الف كيلو والالقماش على الحديد اغلب السيارات كذا


up 0 down 0
قودزيلا -63
قبل 6 سنه و شهر



تويوتا معروفة مشكلة الفحمات معها وابشرك حتى اللكزس اخوي معه 2013 ومغير فحمات قبل 4 او 5 شهور يعني كمل بس سنة


واخوي مهب من الناس اللي يلحم ولا يهدي بقوة ودوامه في السويدي وهو في الشفاء واغلب اللي مشاه خط بس


انا يوم قال لي انصدمت ، ومررة قبل سنة شفت سيكويا جديد في العضيب كنت جاي ارصص والقاهم يغيرون فحمات امامي خلفي وخرط هوبات والموتر مامشى الا 25 اظاهر


عادي جدا


up 0 down 0
a.ibrahem 3164
قبل 6 سنه و شهر




عندي اللاند ماشي 30 الف والحين اول مرة بغير الفحمات 

هي على استخدامك صح ان فحمات تويوتا اسرع من غيرها لكن الاستخدام له دور كبير 


up 0 down 0
shecoo 565
قبل 6 سنه و شهر