نصيحة لوجة الله بخصوص ممشى السيارة
9
2
إضغط هنا للإخفاء
السلام عليكم ورحمة الله وبركاتة
فية محل ينزل العداد بثلاثمئة ريال يرجعة لو تبي وكالة
لذلك اذا بغيت تشتري سيارة مستعملة وأنت ماتعرف صاحبها لايغرك الممشى
لو حلف لك مية يمين لاصار انك ماتعرفة لا توهق عمرك
واحد موترة ماشي ٦٠٠ لاندكروزر وموظبة المكينة ماجابت لة ٥٠ الف ويرجع العداد ٣٠٠
ويبيعها بال٨٠
لذلك نصيحة لوجة الله اذا لقيت سيارة من السيارات المرغوبة مثل اللاندكروزر المديلات القديمة
والباترولات القديمة وممشاها قليل حاول انك تتأكد عشان ماتنغبن
وبعض محلات الفحص قسم بالله دبشة يشبك الاسلاك ويقولك تمام وبعد كم يوم تطلع العلل في المكينة والقير
بالنسبة لموضوع انك كيف تعرف ممشى السيارة هل هو ملعوب فيه او حقيقي ,, بأربع خطوات
1- محطة الفحص الدوري , تروح تطلع النسخة حقت السنة اللي راحت وتشوف العداد وتقارن وتقدر .
2- زيارة مراكز الخدمة السريعة الكبرى " بيترومين , اي سي ديلكو ... الخ " وتزويدهم برقم اللوحة لانه اكيد قد زارها "
اذا السيارة اقل من موديل 2007 الحل انك تروح الوكاله برقم الشاصي اذا كانت سعودية ويطلع لك اللوحة السابقة كم كانت وترجع للمراكز المذكورة وتشيك .
3- تقارير الكارفاكس للسيارات الامريكية.
4- عاد هذي مو شرط اكيده لان العداد قد يكون ملعوب فيه آليا ,,, وهي انك تنزل راسك تحت الدريكسون وتشوف المسامير حقت العداد من داخل هل هي سودا بنفس اللون او انها مخدوشة وصايرة فضية , مثل نظام سوق الجوالات بمعرفة الاجهزة المفتوحة من غيرها وعندهم مجاهر خاصة بذلك قد تفيدك ,,,
الجزء الاخير مضاف من موضوع الاخ ياسر
إبلاغ
الردود
عادة مايسوي هالحركات الا الشريطيه فيهم نجاسه وخبث اعوذ بالله .. الا من رحم ربي
12
1
جيت لورشة ابفصل جرس السرعة يستمر من 120 و طالع
يقول لي العامل عندنا تنزيل عداد لكن فصل الجرس ما يعرف له !!!!
صار الموضوع كنه تركيب مساحات الله المستعان
6
0
بس ياليت حد يفيدنا ..
فيه طريقة تكشف الممشى الحقيقي ؟ ولا لا ؟
5
0
وفية ناس تصدق
1
0
الطريقة المعروفه بين الناس انك تروح الفحص الدوري و تطلب برنت للموتر و قارن بالممشى بين الفحص و الطبلون
3
0
لكن مهي مضمونة ومو صح في بعض الأوقات
ممكن تعرف إذا منزل عدادها من حالة السيارة بشكل عام
يعني مثلا تماسك السيارة و هل فيها قربعة أو لا
وممكن تستدل بالبودي اذا كان مرشوش مثلا وممشاه قليل ما تركب على بعض
وحالة الداخلية بالنسبة للديكورات
وممكن كمان تعرف من مسكة الطارة تشوف هل هي مهترية أو لا وتشوف
حالة الأزارير هل هي مهترية أو مكسرة
لكن هذي الأمور ممكن يزبطها الشريطي وما يكون عندك ذرة شك
لكن أعتقد السيارة الماشية كثير ومنزل عدادها ممكن تشك فيها من حالتها
4
0
1
0
عن الممشى وبصراحة شفت بعض المواتر ممشاها
بال50 وال60 الف وحالتها كانها ماشية 300
على فكرة في بعض الناس يفصل عداد السيارة
وبالتالي ما يحسب الممشى ، كذلك في بعض المواتر
اذا صفر عدادها يطلع صفر على يسار الرقم مثلا الممشى
كان 120 ونزله الى 60 يكون فيه صفر يسار السته 060
5
1
1
0
1
0
و يعطيك الف عافية على الموضوع
تصدق انا سيارتي عدادها 500 الف ... و رحت اول مرة افحصها (لاني يوم اشتريتها كانت مفحوصة) و طبع لي البرنت و شفت العداد 400 الف
يعني انا مزود في العداد 100 الف!!
بصراحة انهبلت بس الحمدلله فصحتها و ماشي عليها
1
1
معروف ان الاستخدام الامريكي غالبا يكون ماشي كثير
الافضل تطلب تقرير كارفكس وتقارن العداد قبل التصدير
والافضل دائما شراء المستعمل من قريب او صديق
لان ماعاد تضمن شي
3
0
تنزيل العداد موجود له 10 سنوات ومنتشر
وقبل ما تجي الاجهزة لتنزيل العداد كان فصل العداد منتشر بكثرة
قبل 9 سنه و 10 شهر