عندي مشكلة في الهايلوكس

المشاكل هذي ما تظهر كلها الا بعد كرف السياره فترة طويلة

او ان خويك طالع فيه البر ينبسط ولعن ابو جده يراقي فيه واعدمة عليك

ما تطلع المشاكل الثلاثه ومع بعض بعد الا من كرف بشكل قاسي

!!
المشكلة ماأخذه مير يومين بس!!
والله إني مقهور ﻷني محافظ عليه

ابراهيم لا تبلفه على خويه تبيهم يتضاربون هههههههههههههه

خلهم يتضاربون
يومين بس وتطلع المشاكل هذي اصوات الديكور والباب ورجه وحاله والله ما بتطلع الا انه لاعن ابو السياره 

المهم ياشباب 
عندكم حل لهذي المشاكل !؟!

هايلوكس وفي يومين تهرقل.!!!

والله ياطويل العمر سيارتك لا تعطيها أحد إذا خايف عليها

هم اغلب الشعب كذا نظامهم جلد ماهو جلدك 

وبعظهم إستخدامه سيء لسيارته وسيارة غيره 

إنسان جلف مايهدي للمطبات يقوم السياره غلط لا جاء يوقف لازم يصدم بالرصيف


اما المشاكل اللي عندك لا تروح للصناعيه ولا شيء

بس إذا كان فيه عطال ميكانيكي روح صلحه اما غيره بيلعبون عليك وعفاك

هو طلبني اياه قال محتاجه ابي اوصل عفش وووو ولا تخاف عليه
وأنا من زود طيبتي عطيته اياه ..لكن ماتوقعت يفقعه"

..هل فيه حل لذي المشاكل ف أسرع وقت :/

يوصل عفش وش دخل الديكور يطلع اصوات

كان استأجر هايلوكس وريح نفسه او استأجر دينا رد واحد يكفيه عن 4 ردود بالهايلوكس

والله ما ظنتي عفش معليش هذي الحقيقة

والله يخوي يابراهيم  كلمته وحلف بالله إنه ماحمل الا عفش ..وأنا حاس إنه رقى طعوس 
لكن خلاص ماينفع الكلام 
أنا يهمني هل أحد عنده وصوصة ف الطبلون وصلحها أو دواسة البنزين.. وشكرا

هالمشاكل تطلع مع الكرف الطويل بس دام تقول
محافظ عليه يمكن انك موسوس 

يخوي يالشمري مانيب مسوس أنا عطيته السيارة كأنك مطلعها من الوكالة رجعها دمار

انا قلت مابي اوسوس فيك والحمدلله جت كذا والموتر
للحين بوكالته لاكن مثل ماقالوا اﻻخوان اكيد طالع عليه
للبر وشد عليه شوي وحمل اغراض ﻻكن يمكن لو تسوي
للديكور تربيط يظبط ان شاءالله

لله يعينك
بس وين اهل تويوتا اهل الجوده اللي ادوخونا فيها يومين وطلعت البلاوي
ولله صراحه السياره الجديده ماتعطى لأقرب شخص اما القديم عطى اللي تبي
ان شاء لله تكون بسيطه وتحلها وتتعلم تصرف اي شخص يطلبك الموتر

شوف وانا اخوك انا ابقولك عن سالفه صارت معي يمكن تفيدك...

 معي افالون 12 ومابها غير العافيه ...

المهم كذا مره اسافر بها للقصيم او الرياض ومابها خلاف ...

بس من مره سافرت فيها من بعد الامطار الاخيره وكان خط القصيم المدينه معدوم فيه حجر صغار واجد والمهم ماتسمع غير المصاقع بالموتر من كل جهه..

والخط تعبان لابعد درجه والمهم وصلت البيت ولا حضت بعدها صوت بالديكورات زيك واختفت بعد كذا يوم من حالها بس في صوت جاي من البيبان الاربع كلها حتى لو اخذ مطب بشويش اسمع صوت من الباب ...

قلت ابتبع الصوت من وين جاي ... طلع من الجلد ... ويش دخلها ما أدري ... قلت لازم اتأكد منها...

فكرت بطريقه بس لحد يضحك -_- ..

جبت فزلين ودهنت جلدة الباب اللي عندي فقط وجربتها والصوت من عندي اختفا والبيبان الباقيه الصوت فيها ...

والصوت رجع بعد 3 اسابيع تقريبا بس على خفيف مو زي اول

وليومك ذا تاركها على حالها...

اعتقد هذه وسوسه ماهو معقول في يومين تطلع كل هذه الامور 

مشكورين وبيض الله وجيهكم وماقصرتم

الله يعينك حاول تتبع مصدر الاصوات وتحلهم بنفسك 

اما قضية اعطني الموتر بأحمل عليه وكذا ومش عارف ايش ووووووو

انا معي غماره وكل ماجاني واحد قلت له ابشر انا بحمل لك واوديها لك 
مايبغالها الا كذا ههههههههههعهه

اخذها مني ولد عمي وهي تمرين وحمل عليها فرن غاز 
والله اني شفته يصقع بالفرن في البدي والوضع عادي عنده
وانا اغلي من جواتي هههههههههه

وقتها توبت اعطي احد

اذا استدعى الامر عطيت اخوي الصغير يروح يحمل لهم

لا يخوي لا تتهم الرجال والله اعلم عن النيه
انا الحين معي هايلوكس 14 
محافض عليها من اول ما شريتها وسافرت سبوع واعطيتها الوالد ولما جيت صارت فيها نفس مشكلتك بضبط ميه بل ميه 
وكلمت الوالد طلعت عليها البر نزلتها سحراى ولا اعطيتها احد ولاشي قال ابدن سراحة ما اهتميت قلت حديد واذا عل والد فدااه 
وبعد كم يوم جينا نطلع قال بسوق قلت رح يمن شفت سواقته تهولت يقومها ب ثنين ومن ثنين إلى الرابع وهي ترج وتدحدر وبعدها 
عرفت ان هذا السبب ولا انا سواقتي طبيعيه فيها 
وتحياتي