كـيف بديت بتـجارة السيـارات .. شريـطي

هههههههههههههههه

داخل قروب شريطية الله يصلحك

حسستني كل المنتدى شريطية تسأل بثقة بعد هههههههههههههه

هههههعهعع ضحكتني اضحك الله سنك

انا مو شريطي لكني ابتلشت بلشه

كل مابغى احد يبيع موتره جاني بيع لي موتري 

والله اسبوعيا يجي واحد او اثنين بيع موتري بيع موتري 

لاني ما اسكت عن احد يبخس السلعه الا اعطيه في وجهه 

اخرهم معارض النسيم 
معي لكزس ٤٦٠ لارج نظيفه جدا 
ماشيه ١٠٥
ويجي واحد يسوم ب٦٠ 
قلت له تم العلامات والجنوط وزر الشنطه لك بسومتك الله يبارك لك
زعل ليش اطقطق عليه وهو جاد 
قلت ما اطقطق انا اعطيك شي مقابل سومتك 

فالعينات هذي هي تخلي الواحد يكره السوق 
يبخسونك عيني عينك وراعي الحلال يكون ضعيف مايعرف يرد

وينغبن

سؤال ياخوان هل كلمة شريطي عادي نقولها لشخص شريطي بالفعل او يزعلو منها ونتحاشى هالكلمه افضل !!

ماعليك منه يزعل ولا مايزعل 


اخبزها بوجهه ولاعليك منه 

شريطي م أقصد حرامي ولا نصاب ولا غشاش .. 
يعـني تـاجر بمعني العامة [ شريطي 

يعني مثلا الناغي يعتبر شريطي

موقف طريف ههههههههههخ يوم كنت شريطي

رحت صليت الجمعه وسبحان الله كان الخطيب يتكلم ويقول خطبه مهمه بخصوص موضوع 
فالمهم صرت أسمع وأفكر كيف لو كان صار هالكلام صدق ثم أنتهت الخطبه وقمنا صلينا بعد ماخصلنا الصلاه
تسننت المهم يوم خصلت طلعت من الجامع وشفت ذاك العالم تبيع وتشتري 
شريت لي مسواك بريالين وتوجهت للحراج في الطريق واجهت 6 أشارات مشيت الى اني وصلت الحراج ماحصلت موقف لفيت لفيت الى اني حصلت موقف
المهم وقفت ونزلت وتوجهت مشي على القدمين للحراج ثم واجهت ذاك ال ....................... في الحلقه القادمه أكملك القصه ياحلو

الشريطي ارتبطت للاسف
بسوء النيه والغش والتدليس والخداع وبيع مالايملك وكل صفه سيئه 
في البيع والشراء 

شريطي ماخوذه من مصطلح شرط بمعنى الشخص اللذي يشرط عليك شي معين وتحولت الى من يبيع ويشتري بالسيارات وسوف يختفي هالمصطلح بمجرد نزول اول طياره في الاسواق المحليه لأن اغلبهم سوف ينقرضون من حوادث سقوط الطائرات 
فصله تايم

مع اخواني سيارات 
اذا جيت ابيعها ما تباع
مع انها مرغوبة 

بس اذا جيت اكتم بعض الاشيااء فيها واتستر واكذب يجوون زباين واجد

فالشريطية يغلب عليهم الكذب والاحتيال

بس الحمدلله 
السيارة اذا جيت ابيعها اذكر جميع التفاصيل 
جعلها تباع بريالين 
اهم شي ما اكذب 

انامادري احس كلمة شريطي لوقلتها لااحد حتى بعضهم يزعل كانك سابه قايله قواد ولاحرامي منجدهههههههههههههههههه مايحبون الكلمه ذي المهم انااشتغلت في المعارض وأول سياره لي والله شريتها ولاعندي خلفيه كثيره في السوق وحصلت من وراها 5000 ههههههههههههههههههههههههه بس شوف الخساير الي جات من السيارات الي من بعدها

وش فيكم على الرجال


انا بقولك مع العلم اني مو شريطي محترف ولكن شريطي بسيط 

اهم شي حطة قدام عيونك الرزق الحلال يعني اذا بغيت تشتري لا تسوي فيلم مثل بعض الحرامية ومابي اذكر التفاصيل واذا بغيت تبيع لا تخفي العيوب وصدقني رزقك بيجيك بس افعل السبب 

السلام عليكم ومساكم الله بالخير 

ودي اني اكون شريطي بس بالحلال والكسب الي 

ينفعني ويرضي الله سبحانه ولا ااكل اطفالي ما حرم الله 

بدايتاً امل من السياره بسرعه وهو عيب ومرض لي فيه 

اطباء تعالج منه وابيع السيارات بشرط اني ما اشتري سياره الا بدي وكاله 

لاني متعود من اخواننا الشريطيه لو فيها رش خفسو بقيمتها 

ولكن السياره الي تكون بدي وكاله ما يهم الممشئ سعرها فيها

مهما كان نوعها اخيرا 

طلبك منكم جميعاً 

استغفر الله العلى العظيم واتوب اليه 

سبحانك اللهم وبحمدك استغفرك واتوب اليك 

اللهم صلى علئ محمد وال محمد كما صليت علئ ابراهيم