بخصوص زيت القير

زيت القير اصلا ما يجي فيه لزوجه حتى وهو جديد يختلف عن زيت المكينه

من رأيي لا تغيره واستخدم على نفس الوضع وخلاص

خذ زيت قير هوندا << ممتاز جدا

وغيره بنفسك

والله اني مغيره انا وأخوي بالبيت لكورولا 2012 ماكلفني الا سعر العلب ومفك خاص لصرة القير

والحمد لله السياره صارت زي العسل

يارجال الوكاله كلاااب

أجل تغيير زيت يكلف 850

هذا شغل يد توضيب قير ماهو تغيير زيت

حسبي الله عليهم

كل زيت مخصص لسياره معينه 

على اي اساس يحط زيت قير هوندا وهو غير مخصص للكورولا

المكينه ما عندك مشكله ما فيها اصلا شيء كلها حديد ومعادن تحط اي زيت ممتاز يمشيك

لكن القير لازم الدرجة المناسبة لنفس السياره لا توهق الرجال وتقوله الزيت الفلاني ممتاز

الهوندا نفسها لو تحط زيت دركسون اي نوع حتى لو ألماني اصلي تحطه بدل زيت الوكالة حق هوندا

فترة وتضرب علبة الدركسون وتهريبات ومشاكل

منور ابراهيم وينك فقدناك 

الو مرحبا 
يعني اتوكل على الله واغير 
وعلى كم غيرته لسيارتك 

يا خالد لا تصدق اي شيء مع احترامي للعضو الو مرحبا

ولكن لا تتوقع فيه زيت مخصص افضل من زيت الوكالة نفسها

نصيحتي لك خذ الزيت المخصص للكورولا تحصله موجود بالكتالوج

اما المكينه ما عندك مشكله حط اي نوع اصلي ما يضرها

أنا عارف إن كل سياره مخصص لها زيت قير معين

لكن ماحصلت الا أسيدلكو وخايس فخذيت زيت قير الهوندا

غيرته على ممشى 63 الف تقريبا

وبعت السياره وهي زي اللوز قريب من ممشى 90 الف

وانا لا بوهق الرجال ولا شيء

انا قلت لك اللي مجربه على سيارتي ولا جاها شيء وبالعكس صار التعشيق أفضل

وإذا تبي تأخذ الخاص بتويوتا 

تقدر تروح للوكاله وبتحصله سعره فوق ال100 ريال جالون فضي

لكن ناس تقول هذا مناسب للكزس وناس تقول لتويوتا بشكل عام

غيره ما عليك والممشى مو واجد لو ماشيه 200 الف كان اختلف الكلام 
هذ زيت اصلي مع الفلتر والوجه من الوكاله ما تكلف حول 300 او اقل وتوجه لورشه محترمه وغيره 100 ريال بالكثير 
نص سعر الوكاله

جزاكم الله خير 
هو صدق بعد التغير ماتعدى 60 
مده 500 كيلو 

الو مرحبا ايش فيه زيت اي سي ديلكو مو عاجبك كذا نغير منه طول الوقت ولا صار شئ والجيربوكس حق الكابرس كبير حق8سلندر
والزيت ثقيل شوي مو زي المضروب تحسه مويه والله الاسديلكو يعيش ويعمر وافضل نوع بالسوق
ياراعي السياره توكل على الله وغير الزيت وترا الزيوت تختلف عن بعضها البعض

وعليكم السلام ورحمة الله وبركاته 

والله نصيحة لاتغيره إلا بالوكالة لإن شغلهم مضمون بإذن الله 
غير إنهم متمرسين والشغلة تمر عليهم بشكل يومي تقريباً . موفق 

اخ ابراهيم التركي
كيف تقول لاتغير الزيت وخلك على وضعك!
من المهم تغير زيت القير والفلتر اذا كان تماتيك

أشتر الزيت من الوكاله وغيره في ورشه محترمه

لابد تغيير زيت القير كل 50الف حتى لو بدا الزيت احمر لاانه يفقد اللزوجه وعن تجربه يطول عمر القير ويغير افضل

يا اخواني كتيب االسياره يقولك  زيت الجير لا يجب تغييره الا في ظروف القياده الشاقه وللتاكيد ادخل
على موضوعي 

ياخي غير بأي مكان لا تخاف انا كنت خايف من التغير زيت وفلتر ورحت اخذت قطع وكاله وغيرتها عند العضيب في شارع خالد ابن الوليد وللحين 3 ايام ولا في الجير شيء والحمد لله وبالعكس رجعت التبديلات بسلاسه جيده وممتازة

بعد التغير عادي امشي 140

خالد بعد تغيير الزيت الافضل تمشي تدريجي

حتى لو تمشي 140 مو مشكله ولكن ما تشد عليها بالقومة 

حتى يتأقلم الزيت مع الكلتشات تحتاج 300 كيلو او 5 ايام تقريبا 

ابشركم عبداللطيف جميل عمال الصيانه ياخذهم من الصناعيه بالشهر عنده يشتغلون