ما الفرق بين اوريون 2009 و 2010

الفرق بسيط في الوجهيه والخلفيه مثل الانوار والصدام 
اما الداخليه مثل 2009 الفرق الدرج الداخلي اللي عند القير اكبر لانهم شالوا الولاعه بس المحركات نفسها وكل شي 

بعيدا عن الموديل يا الغالي ، اهم شي تأكد ياخوك ان الموتر نظيف وينصفط ، اخاف لاقدر الله ملعوب في ممشاها ولا مغير طبلونها ما احط شي في ذمتي لكن اقول لك انتبه ممكن يكون ممشااها صحيح لكن الحرص واجب


ايضا تأكد من سالفة الرش وياليت تطالبه بصور السيارة وهي مصدومة او قبل الرش ، لأن بعضهم يسمع بالتجميلي ويكتبها لو ان موتره متقلب انتبه ياخوك ثم انتبه


وياليت تعلمنا بعد كم حدوها عليك او كم يبون فيها عشان نعلمك هي تستاهل هالمبلغ ولا لا


تقبل مروري ولاتنسى تفحص فحص كامل بدي وعضلات ومكينة وقير ولا تستعجل


بالتوفيق

يا مرحبا بالجميع

كنق الددسن :
قصدك موديل 10 كبرو الدرج وشالو الولاعه .. طيب وين حطوها؟

والصدام والاسطبات ما تهمني لاني بغيرها كلها
بس سمعت موديل10 التفاف الانوار مع الدركسون صحيحه ؟


a.ibrahem : 

بيض الله وجهك اكيد بفحصها قبل الشراء ما يحتاج

بالنسبة للسعر اغلبهم على السوم
2009 ب : 66 قابل للتفاوض
2010 : 69 وممكن ينزلها للصامل

اخوي بقولك شي ومابي اوسوس فيك
انا مره عربنت على اوريون 2008 
ورجعت البيت وسألت بالنت كثير قالوا قير وماقير
كانوا كثير والله وسحبت عليها وسحبت على العربون
واخذت هونداي 

الشكل الخارجي فقط الداخليه تغير اشوي بنسبه ل 2009 ماتفصل  2010 تفصل 

حتى انا شريت اللومينا وقالوا حراره وتسخن وخرابات 

طلع كله كلام فاضي الحمد لله ما فيها خلاف لاعن ابو جدها ولا زالت بكامل اناقتها وقوتها ههههههههههههه

لا تصدق اي كلام

خذ سوداء إذا بترشها

أفضلك

الشمري1414 :

ابشرك اخوي عنده 2008 طلعها وكاله وماشاء الله تبارك الله 
محافظ عليها والقير يضرب على يدعس وياخذ مطبات وحفر بسرعه


وبالنسبة للون : 
دورت وما لقيت واغلب يلي لقيتها ممشاها كثير او سعرها مرتفع

سكودر:
اخوي متاكد 2009 ما تفصل؟

ابو عبدالعزيز

انت ابراهيم التركي اللي ازعجونا فيه ههههههههههههههه او غيره ؟؟؟

لا ابشرك ماني هو بسلامته 
وللمعلوميه النك حقك ابراهيم التركي

وانا لست متابع للمنتدى

وسلامتك

عضويتي هذي جديدة امس سويتها

كانت عندي عضوية ابراهيم التركي قديمة 

وتركت المنتدى فترة شهرين تقريبا وكانوا الشباب يسألوني بالواتس انت ابو عبدالعزيز

لان كثير من الشباب يعرفون رقمي هنا بالمنتدى

لكني اشوفك اللحين عضو لك سنتين او اكثر 

بالتوفيق لك 

مثل الفرق بين سمعك اليمين وسمعك اليسار كلها نفس العمل 

وعليكم السلام ورحمة الله وبركاته 
تأكد من سلامة القير ؛ لإني سمعت إن الموديلات هذي فيها مشاكل في القير
وأستخر في الإثنين والخيرة فيما اختارها الله . موفق

التويوتا اكثر السيارات ملعوبه في ممشاها
بل اجزم ان جميعها ملعوب بممشاها اذا معروضه في المعارض