لاصحاب التجربة رأيكم في الاف جي FJ

موتر بططططل يعيبه 

عمودية القزاز الامامي وهو سبب صد السيارة وبعض الهواء البسيط

اذا تانكي واحد مايجمل خذ تانكيين بطططل يمشيك بالخطوط حوالي ١٢٠٠ كم 

المكينه مالها صوت مع ان مروحته على السير 

والافضل تاخذ اللي بدون زيادات كثيرة من الوكيل

اشوف ان الفطيمي يجي جلد ابيض منقوش عليه اف جي كروزر
كاميرا
سب اووفر 
مانع انزلاق وديفلوك 
كشافات اماميه
مثبت سرعه 
بلوتوث
١٢ سماعه

احرص على التانكيين

والله يعطيك خيره ويكفيك شره

جزاك الله خير يا عمنا
الاف جي 1 يجي تانكيين

لكن اكيد المكينة مالها صوت؟ واحد يقول كأنك المكينة بحضنك!
لاهنت الله يسعدك

هذا شكله كان راكب اودي ونزل وركب اف جي 

الصوت عادي وتبي شوري عشان ماتقروش عمرك
استأجر لك اف جي مدة يومين تاخذ انطباعك الشخصي عنه 
وتقدر تقيمه بنفسك بانه يصلح لك او مايصلح

هههههههههههههه
الله يسعدك ..
لاهنت وكثر الله خيرك
فعلا هذا رأي سديد ..

وفقك الله

وعليكم السلام ورحمه الله وبركاته

ادخل علي اسمي فيه موضوع مفصل عن الاف جي انا جربته وهو معي للحين

عن تجربه
لايعلى عليه
رساوه
راحه
هدوء
عزل ممتاز
اللي قال صوت المكينه بحضنك مايدري بالعكس ماتسمعها
الا ممكن صوت الشكمان لانه رياضي تسمعه اول ماتدعس ولعلمك فيه فتحه في البودي عند الشكمان عشان يدخل صوته للغماره حركه مقصوده 
اتكل على الله وحاول تاخذ 2 افضل دفلوك وهوك وصاجه محليتن الموتر وافضل عند البيع

ماهو قوي يارجال ربطناه بمكسيما وجريناه والمقطع موجود في اليوتيوب وسعره غالي جدا  

اذا كنت بتستخدمه في البلد والمشاوير اليومية ما انصحك لان السيارة اوف رود 

موتر ممتاز 
مشكلته صوت الدبة مزعج مع الدعسه فقط 

ومتعب في الخطوط الطويلة 

لكنه موتر بر ووعر لا يعلى عليه 

اخذته من واحد كان مسافر وحطه عندي شهر كامل 
كنت استخدمه في الاسبوع ثلاث ايام واروح عليه واجي للدوام واحيانا اكشت به طبعا بعد ما طلب مني اني استخدمه 
عشان ما يوقف كثير 

ما اخفيك بغيت اشتريه من راعيه لانه جاز لي صراحة 

ماشاء الله 
جزاكم الله الف خير
معلومات وآراء جميلة

تبي الشور وانا اخوك خذ ولد عمه الاكستيرا موتر تحطه على يمناك خط وبر وداخل المدينة 
نفس مكينة الاف جي لكن الاف جي 271 حصان والاكستيرا 291 
الوزن الاكستيرا 2100 ويفرق عن الربع 80 كيلو لان وزن الربع 2020 والاف جي 2550 
ما امدحه لك وانا ما جربته الا مجربه واحمد الله اني شريته ولا اخذت اف جي 
وسعره ارخص بواجد من الاف جي يعني تحط بمخباتك اقل شي 20 الف وتاخذ موتر اقوى 
ششف كم سعر الاف جي الستاندر وشف كم شعر الاكستيرا ستاندر 
انا ماخذ قبل 4 شهور 2014 به دفلك ونزول منحدرات ب 108 والحين معرض ببريدة يبيع 2014 اصفار فل كامل ونص فل ب 103 
هذا شوري عليك 
والاف جي مجربه مع ولد عمتي اول ما يدعس تسمع صوت الدبة والقزازة الامامية جاية عامودية ولا تصلح بالخط وخصوصا اذا صار به هواء 

لاهنت ي بوخالد
لكن لي تجربة تعيسة جدًا مع وكالة العيسى الله لا يوفقهم وفالهم الدمار :)

العيسى تطور ماهو خبرك  صار تمام 

الحين افضل وكيل من وجهت نظري العيسى وامورهم سهالات واذا شريت الموتر يجيك خلال 3 الى 4 ايام 

وقطع الغيار الحين طاح من سعره اكثر من النص 

منول العيسى سيء لكنه تحسن وصار افضل وكيل 

مع احترامي لكم ما تعرفون العيسى اجل
آخر تجربة للعيسى كانت الاسبوع الي راح
اذا تطور هالاسبوع فمبروك اجل :)

العيسى تطور ! 
ما اقول الا الله يجعله للفقر والبلا :)

الله لا يعيدها من وكاله العيسى في الجبيل طلبوا مني دفعه واعطيتهم وبعد يومين استخرت وهونت عن السيارة جلست اطلبهم في الدفعه شهر تقريباً وبعدها عطوني فلوسي بتعب