موتر خطوط 30 الف

تبي رأيي الشخصي ويشهد الله بدون تعصب وابي لك الزين والانسب بالفلوس اللي معك


خذ لك اوبريس 2008 او 2009 ، طبعا هي تعتبر من فئة الازيرا واعلى منها


مكينتها 3.8 ستة سلندر يعني ماشاء الله في الخط بتطربك اذا خفيت رجلك شوي وبغيت تدعس ان جيت للرساوة ماشاء الله تبارك الله في يدك


ان جيت للعملية فهي اخت الازيرا بالظبط فرق شكل فقط ومن ناحيتي شكل الاوبريس احسن من الازيرا مهب لأني امتلكها لكن الاوبريس فيها من تصميم الجكور واشاراتها الامامية ليد وشكلها من جو فخم ومركبها مرريح


انا امتلك وحده 2009 ماخذها قبل سنة ب39 اعلى فئة تحكم خلفي وتسخين وتبريد وستائر جانبية وخلفية الخ ....


ويشهد الله ماشاء الله في هالسنة كاملة ماطبت الورشة ماشاء الله ابد وهي ماشيه 216 اللهم غيرت مساعدين قدام وجلدة عكس كانت خربانه من مالكها السابق بس


وله سنة معي ماشاء الله ماقالت لا خطوط ودوام وزحمات وماشاء الله ماقد فتحت كبوتها الا لين جيت اغير زيت بس



طبعا ليش انا ذكرتها لك لأنها بالسعر هذا بتحصل لك كذا وحدة حتى لو كانت اقل فئة فيها مثبت سرعة وتحكم مسجل ومرتبة متحركة الخ ... وسعرها رخيص يعني تحصل لك نظيفة من 28 الى 33 في هالحدود وممشاها ممتاز الازيرا كويسة لكن غويلية شوي يعني توصل ل 38 على الاربعين ويمكن اكثر ولا هي الله حق موتر


يعني من ناحيتي تاخذ الاوبريس احسن من سواقة الكامري اللي لاشكل ولا رساوة ولا عزم وحتى السوناتا ما اشوف انها مناسبة عند الاوبريس


انا بصراحة ماكبرت في عيني اكثر الا لما شريتها وجربتها قبل ما اشتريها مع كذا شخص فعلن موتر يعجبك يعني كنك تسوق ازيرا بس بمركب افضل وبشكل احلى لكن الجودة والقطع نفس بعض



من رأيي تفكر فيها دامك ما تبي الفورد والله يكتب لك الخيرة الزينة